Must duu mit wënige leewe weegen dat gild knap is woo’s duu wånst? Pandemias, unweerer, problems ine politik un krijgs kan måke dat dat gild knap wart. Mit ais åne gild blijwe kan dij sër unruig låte. Åwer ine Bijbel sin wek formånen wat dij helpe koine mit wëniger gild leewe.

 Ine Bijbel stäit: “Ik wait leewe mit wënig un mit feel.” (Filipenses 4:12)

 Lijkerst wen dij gild nuu knap is, duu kast dij anware leewe mit wëniger gild. Ji airer as duu anneeme däist dat dij leewend aners woore is, ji lichter wart tau dij un dijn familg sin sich dårmit drëge.

 Dau forsuike ruuterkrijge of ain hülp fon regirung is wat’s duu krijge kast. Dau dij dår glijk insrijwe weegen dai tijd taum dat måken kan kort sin.

 Ine Bijbel stäit: “Wen ni inenaner fortelt wart, dat wat uutdacht is däit ni richtig geewe, åwer wen feel sin wat formånung geewe, den kåme gaure daile ruuter.” (Provérbios 15:22)

 Fortel mit dijm kërl urer fruug un dijn kiner. Wen ale ine familg forståe dat dat leewend aners woore is, wart lichter sin dat sai sich dårmit drëgt krijge. Wen ale sich anstrenge taum kair gild uutgeewe wen dat ni nöörg is, dat gild raikt länger hen.

 Ine Bijbel stäit: ‘Set dij airste hen taum t’hoopreekne un saie wat dat kost.’ (Lucas 14:28)

 Wen’s duu wënig gild häst, is sër gaud waite womit as duu al dij gild uutgeewe däist. Airst dau ansrijwe wofeel gild as duu up månat krijge däist. Nåheer, dau ansrijwe dai daile wat’s duu betåle must, lijkerst wen dat nåheer wëniger urer mër is. Forsuik jërer månat gild upwåre taum wen as mit ais wat passijre däit, soo’s ain krankhët un soo wijrer.

 Wat’s duu måke kast: Wen’s duu t’hoopreekne däist dat wat’s duu gastijrst, dau ni dai klaine daile forgeete. Duu kast dij forsreke woo feel as duu gastijre däist mit klaine daile. Air kërl hät ruuterkreege dat hai feel gild, jërer jår gastijre däir bloos mit chiclete.

 Ine Bijbel stäit: “Dat jij uunersuike wat fon daile häwe mëste wërd.” (Filipenses 1:10)

 Dau t’hoopreekne dat gild wat’s duu krijgst mit dat wat’s duu uutgeewe däist. Wait wat’s duu besijdlåte kast urer ümtuusche up dat wat biliger is. Sai wek daile wat’s duu aners måke kast:

•   Wat’s duu fuire däist. Wen’s duu mër as aine wåge urer aute häst, küst duu dår aine fon forkööpe? Küst duu der ümtuusche up aine wat wëniger gasolin gastijrt? Urer küst duu mitm ônibus, twairad urer taufaut gåe?

•   Wat’s duu mit tijdfordrijw gastijrst. Däist duu jërer månat betåle taum televison un films kijke urer musik hööre? Häst duu al andacht an dat ümtuusche up wat wat biliger is urer sogår dat afbestele up ain tijdlang? Duu kast films kijke wat ümsüss sin urer buiker leese wat fone buikerstuuw sin.

•   Wat’s duu t’huus im huus gastijrst. Fortel mit dijne familg oiwer wat jij måke koine taum wëniger gastijre mit wåter, licht un gas. Lampe uutmåke un sich rascher wasche sin klaine daile, åwer däit helpe feel gild spåre.

•   Wat’s duu mit eeten gastijrst. Dau laiwer t’huus eete as ruutergåe taum im eethuus eete. Dau dij uutdenke wat’s duu eete däist. Wen dat hengiwt, dau glijk mër eeten mit ais kööpe, mër mit ais kåke un dau nischt foråse. Dau t’huus upsrijwe wat’s duu kööpe must dat’s duu ni kööpe däist wat’s duu ni bruukst. Kööp wat in dat månat ernt wart, weegen dat is mëstümer biliger. Dau nischt eete wat ni gesund is. Kan sin kast duu dij t’huus wat plante taum eeten.

•   Wat’s duu mit tüüg gastijrst. Kööp tüüg wat’s duu wirklig bruuke däist un ni bloos dat dai andrer dat häwe. Kööp tüüg wat biliger is urer tüüg wat al aim höört hät un däit dat forkööpe. Wen dat hengiwt dår woo’s duu wånst, dröög dai tüüg upe lijn un ni ine maschijn weegen maschijn däit mër licht gastijre.

•   Wat’s duu kööpe wilst. Airer as duu wat kööpe däist, fråg dij: ‘Krijg ik dat betålt? Bruuk ik wirklig dat?’ Kast dij nog air bits länger luure airer as aine ande wåge urer aute kööpe urer aine nijge celular? Kast duu wek daile forkööpe wat’s duu ni mër benutse däist? Soo, wart dij leewend ainfachtiger un krijgst nog air bits gild.

 Wat’s duu måke kast: Wen dij gild al knap is, forsuik daile besijdlåte wat düür sin un wat ni gesund sin, soo as rooken, gild were un taufeel drinke. Dës daile besijdlåte wart dij helpe gild upspåre un duu warst gesuuner.

 Ine Bijbel stäit: “Fröölig sin dai wat waite dat sai God bruuke daue.” (Mateus 5:3)

 In Eclesiastes 7:12 sägt soo: “Dai klaukhët is air behüüten, soo as dat gild air behüüten is. Åwer dat best fon dat kenen is dit: dai klaukhët däit leewig låte der wat dai hät.” Dës klaukhët kan man ine Bijbel fijne. Feel lüür häwe lërt dat dai formånen ine Bijbel, daue eer helpe wen dat gild knap is un uk taum ruig blijwen. (Mateus 6:31 un 32)