KAPITEL 35

Woo kan ik God sij amigo sin?

Nå as hai ain groot eelend doirset hät, Jeremy hät forståe woo feel wërd hät God sij amigo sin. Hai hät soo sägt: “As ik 12 jåre har, mijn papa hät oos familg forlåte. Ain nacht ik häw in mijn ber mij henset, ik häw Jehovaa beert un birt dat hai mijne fåter tröögbringe schul.”

Hai wäir sër unruig un hät anfånge dai Bijbel leese. As hai dai spruch fon Salmo 10:14 fuune hät, dat hät em sër anstöt. “Der wat eelend doirset, däit nå dij tröögkåme, duu büst dai wat helpt dai wat kaine papa hät.” Jeremy sägt: “Ik häw fornåme dat Jehovaa däir mit mij fortele, un mij wijse däir dat hai mij mithelpe däir un mijn papa wäir. Hai is dai best papa wat ik häwe küün.”

OF dat neemlig passijre däit mit dij urer ni, soo as Jeremy doirset hät, dai Bijbel däit wijse dat Jehovaa wil dat’s duu em sij amigo sin schast. Soo as dai Bijbel sägt: “Kåmt näig an God, un hai kümt näig an juuch.” (Tiago 4:8) Denk an wat dës wöör bedüüre daue: lijkerst dat’s duu em ni saie krijgst un dat hai gans aners is as duu, hai däit dij nööge dat’s duu em sij amigo sin schast.

Åwer duu must dij sër anstrenge taum God sij amigo sin. Denk man’s: duu häst ain eng in dai pot un däist dat waite dat dai ni alaine wasse däit. Taum wassen duu must dai öfter natmåke un ain gaur stel uutsuike dat dai gaud wasse däit. Dat neemlig passijre däit wen wij wile God sij amigo sin. Wat kast duu måke taum air amigo mit God sin wat näig an em ranerkåme däit?

Dai Bijbel lëre hät groot wërd

Air amigo sin hät besägen mit reere un hööre. Dat is neemlig wen wij God sij amigo wile sin. Taum hööre wat God oos säge wil, wij muite dai Bijbel leese un studijre. (Salmo 1:2 un 3)

Kan sin dat däit dij ni gefale studijre. Feel juugende daue laiwer televisão kijke, wat speele urer tijdfordrijwe mit sij amigos. Åwer wen’s duu wilst God sij amigo sin, is kair anerd weeg, duu must God hööre doir em sijn Woord studijre.

Åwer dau dij ni der kopbreeke. Dai Bijbel studijre bruukt ni swår sin. Dat kan mite tijd dij gefale, lijkerst wen dij ni gefale däit studijre. Dai airst daile wat’s duu måke must is tijd ruuterneeme taum studijre. Ain määke wat Laís haite däit, sägt soo: “Ik häw mij inrichtet taum jërer morgen ain kapitel fone Bijbel leese. Is dat airst dail wat ik måk jërer dag.” Maria, ain anerd määke wat 15 jåre hät, mökt dat aners. Sai sägt: “Ik lees wek sprüüch fone Bijbel jërer åwend airer as ik slåpe gåe.”

Taum anfänge dai Bijbel studijre, dau kijke dai  tåfel up dai sijr 292. Nåheer sriw hijr uuner hen wonair duu 30 minuute God sijn Woord studijre kast.

․․․․․

Air tijd dårtau anmarke is bloos dat anfang. Den wen’s duu anfänge däist dai Bijbel studijre, kan sin dat’s duu saie däist dat ni ümer licht is dai Bijbel leese. Kan sin dat’s duu denke däist soo as Jezreel, wat 11 jåre hät, wat soo sägt: “Wek daile ine Bijbel sin ni sër licht taum leese un daue mij ni gefale.” Wen’s duu uk soo denke däist, daue ni nålåte. Wen’s duu dai Bijbel studijre däist, denk dat is dai tijd wat’s duu ruuterneeme däist taum Jehovaa horge, dij amigo. Ji mër as duu dij anstrenge däist, ji beeter un lichter blijwt dat tau dij, un ji düler helpt dij dat mit!

Beeren is dat haupt

Wij fortele mit God wen wij beere. Denk an woo gaur geschenk is dat gebeed. Duu kast mit Jehovaa fortele up jërer stuun, dag urer nacht. Hai is ümer trecht taum oos hööre. Un nog mër, hai wil hööre wat’s duu häst taum em säge. Is dårweegen dat dai Bijbel dij sägt: “In ales, doir beeren un biren, t’hoop mit danken, måkt tau God bekand ales wat’s duu wilst.” (Filipenses 4:6)

Soo as dës spruch säge däit, oiwer feel daile kast duu mit Jehovaa fortele. Kast säge oiwer dijn kopbreeken un daile wat dij unruig låte, un uk daile wat dij dankbår låte. Soo as duu dijn amigo wijse däist dat’s duu dankbår büst, den, dau uk Jehovaa danke oiwer al dai daile wat hai al måkt hät tau dij un wat kair anerd amigo tau dij måke küün. (Salmo 106:1)

Sriw hijr uuner hen wek daile woo oiwer duu dankbår büst tau Jehovaa.

․․․․․

Gewis, sin daile wat öftens oos unruig låte. Salmo 55:22 sägt: “Smijt dijn dracht oiwer Jehovaa, un hai däit dij stüte. Däit nij ais erlaube dat dai gerecht taum falen kümt.”

Sriw hijr uuner hen daile wat dij kopbreeken mökt, un woo oiwer duu kast beere.

․․․․․

Wat’s duu beleewt häst

Is nog air dail wat’s duu ni forgeete kast taum Jehovaa sij amigo sin. Davi hät sreewe: “Pruiwt un saie dat Jehovaa gaud is.” (Salmo 34:8) As Davi dai Salmo 34 sreewe hät, hai har ain grood sreklig pruiw doirset. Hai däir wegloope fon dai köönig Saul wat em doodmåke wul. Nåheer hät hai müst ain stel suike taum sich forsteeke, mank dai filisteus, wat em sijn fainde wäir. Dat lait soo grår’s dai dood foir em wäir, åwer Davi is klauk wääst. Hai hät sich anstelt soo as air forrükt un is wegloope. (1 Samuel 21:10 bet 15)

Bijnå wäir Davi ni wegloope kreege, åwer hai hät ni dat måkt kreege weegen sijn klaukhët. Im anfang fon der Salmo 34, hai hät sägt Jehovaa hät em hulpe. Hai hät sreewe: “Ik häw beert tau Jehovaa, un hai hät mij antwoort. Hai hät mij fraimåkt fon al mijn angst.” (Salmo 34:4) Doir dat wat Davi beleewt har, hai küün dai andrer taureere taum Jehovaa pruiwe un saie dat hai gaud is. a

Kast dij andenke an ain dail wat mit dij passijrt is, wat wijst dat Jehovaa dij uppasse däit? Wen jå is, sriw dat uuner hen. Duu kast soo måke: Daue grüüwle an dai seegen dag fon dag, wat’s duu nog ni uppasst häst. Bruukt kain bewunrig dail sin.

․․․․․

Kan sin dat dijn papa un mama häwe dijn inlërt oiwer dai Bijbel. Wen dat soo is, is air seegen. Åwer lijkerst, soo duu must dij anstrenge taum God sij amigo sin. Wen’s duu nog ni dit måkt häst, wat stäit in dës kapitel kan dij helpe. Jehovaa däit dij seegne wen’s duu dij anstrenge däist. Ine Bijbel stäit: “Daut bijblijwe bijm forlange, un wart juuch geewt, daut bijblijwe bijm suiken, un jij daue fijne.” (Mateus 7:7)

LEES MËR DÅROIWER IN DAT BAUK 1, KAPITEL 38 UN 39

IN DAI ANERD KAPITEL

Fijnst dat slim mit dai andrer fortele oiwer God? Dau lëre woo’s duu fortele kast oiwer dijne gloobe.

[Nåt]

HAUPTSACH SPRUCH

“Fröölig sin dai wat waite dat sai God bruuke daue.” (Mateus 5:3)

DUU KAST SOO MÅKE

Dau bloos fair sijrer fone Bijbel upe dag leese un duu krijgst dai Bijbel gans leese in ain jår.

DÄIST DUU WAITE . . . ?

Nuu dat’s duu dit bauk leese däist un mökst dai daile wat’s duu lërt häst ine Bijbel, dat däit wijse dat Jehovaa sich bekümre däit mit dij un dij inlëre däit. (João 6:44)

DAU DIJ INRICHTE!

Taum dai bijbelstuun mij mër mithelpe, ik dau ․․․․․

Taum mër gebeed måke, ik dau ․․․․․

Ik wul gërn tau mijn papa un mama fråge oiwer dës daile: ․․․․․

WAT DÄIST DUU ANTWOORE?

● Wat kast duu måke dat dai bijbelstuun dij gefale däit?

● Woweegen wil Jehovaa dai lüür eer gebeeds hööre?

● Wosoo kast duu beeter dijn gebeeds måke?

[Groot srijwen]

“As ik jong wäir, ik däir beere oiwer dai neemlig daile jërer dag. Hüüt dau ik mij anstrenge taum beere oiwer dai gaure un slechte daile. Weegen dai dåg sin ni oiwerain, dat däit mij helpe dat ik dai neemlig daile ni säge daue.” - Eve

[Tåfel / Bijler upe sijr]

 Dau upsuike wat in dijn Bijbel stäit

1. Suik air geschicht uut ine Bijbel wat dij gefale däit taum leese. Dau beere taum klaukhët forlange taum forståe wat’s duu leest häst.

2. Passt up nå dai geschicht wat’s duu leese däist. Dau ni ijlig leese. Dau denke soo as duu in dai geschicht wäirst: dau saie wat passijre däit, höör wat dai lüür säge daue, dau dai geruch ine luft forneeme, smeek dat eeten un soo wijrer. Denk soo’s dit wirklig passijrt!

3. Denk an wat’s duu leest häst. Måk tau dij frågen soo as dës:

● Woweegen hät Jehovaa dës geschicht ine Bijbel låte?

● Wat fon lüür muite wij nåmåke un wat fon ni?

● Wat kan ik dårfon lëre un wosoo kan ik dårnå leewe?

● Wat kan ik lëre fon Jehovaa un wosoo as hai dai daile mökt?

4. Måk ain kord gebeed tau Jehovaa. Säg tau em wat’s duu dijn fon bijbelstuun lërt häst un wosoo kast duu hijr nå leewe. Daue ümer danke tau Jehovaa fon dat geschenk wat hai dij geewt hät, sijn Woord, dai Bijbel!

[Bijld]

“Dij woord is ain lamp tau mijne faut, un ain licht tau mijne weeg.” (Salmo 119:105)

[Tåfel / Bijler upe sijr]

Airst, dai daile wat mëre wërd häwe

Häst duu kain tijd taum beeren un dai Bijbel leese? Mëstümer kümt up an wat’s duu airste måke däist.

Dau dit måke: Neem aine emer un måk feel groot stain riner. Måk sand riner bet båwen hen. Dai is nuu ful mit stair un sand.

Nuu schürt ales uut un forwårt dai stair un dem sand. Den måk dat aners: måk dat sand riner, nåheer dai stain. Dat hät dår ni rinerpasst weegen duu häst nuu airst sand dår riner måkt.

Wat häwe wij hijr fon lërt? Dai Bijbel sägt: “Dat jij uunersuike wat fon daile häwe mëste wërd.” (Filipenses 1:10) Wen’s duu daile airst måke däist wat ni soo feel wërd häwe, soo as tijdfordrijwen, den, häst duu kain tijd taum dai daile wat mër wërd häwe, soo as Jehovaa anbeere. Wen’s duu dës formånen fone Bijbel någåe däist, den däist duu saie dat’s duu tijd häst taum Jehovaa dijne un taum tijdfordrijwen. Duu must waite wat’s duu airst ine emer rinermåke däist!

[Bijld]

Soo as ain eng in aine pot uppassen bruukt, duu must dij anstrenge taum ain stark amigo mit God sin.