Wij ale bruuke gild taum oos familg ernääre. (Provérbios 30:8) Soo, ‘dat gild is air behüüten.’ (Eclesiastes 7:12) Kan ni licht sin dai kërl un fruug oiwer dat gild fortele wat sai häwe, åwer daut ni erlaube dat jij juuch fortööne daue weegen dem gild. (Efésios 4:32) Wen jij uutsuike wosoo dat gild uutgeewe, muite jij forlåte air up der ander un air der ander mithelpe.

WAT DAI BIJBEL SÄGT: “Wee fon juuch, wat aine turm buuge wil, set sich ni airste hen taum t’hoopreekne wat dai kost taum saien of dai sofeel hät taum der trecht buuge?” (Lucas 14:28) Is gaud dat’s duu un dij kërl urer dijn fruug t’hoop uutsuike woan dat gild uutgeewe. (Amós 3:3) Daut uutsuike wat jij kööpe muite un wofeel gild as jij uutgeewe koine. (Provérbios 31:16) Gild häwe taum uutgeewen wil ni säge dat jij dat wirklig uutgeewe muite. Daut kain schulden måke. Daut bloos dat gild uutgeewe wat jij häwe. (Provérbios 21:5 un 22:7)

DUU KAST SOO MÅKE:

• Wen in uutgangsmånat wat gild oiwrig bliwt, daut t’hoop uutsuike wat dårmit måke.

• Wen dat gild knap is, daut wënige uutgeewe. Amin koine jij t’huus eete airer as im restaurante.

WAT DAI BIJBEL SÄGT: “Weegen ‘wij forsorge for ales mit reäligkët, ni bloos foir Jehovaa sijn oogen, åwer uk foir dai lüür eer oogen.’” (2 Coríntios 8:21) Wäs reäl tau dij kërl urer dijn fruug oiwer wofeel as duu fordaine däist un wofeel as duu uutgiwst.

Dau ümer mit dij kërl urer dijn fruug fortele wen’s duu uutsuiken måke must oiwer dat gild wat jij häwe. (Provérbios 13:10) Gaud t’hoop fortele däit juuch helpe freere häwe im forfrigt leewend nog wen jij oiwer gild reere muite. Dau dat saie wat jij fordaine, ni soo as “mij gild” urer “dij gild”, åwer as “oos gild”. (1 Timóteo 5:8)

DUU KAST SOO MÅKE:

• Daut uutsuike wofeel jërer ainsig fon juuch bëd uutgeewe kan, ån dem andrer fråge.

• Daut ni bloos oiwer gild fortele wen jij al juuch dårweegen fortöönt häwe.