Në. Jësus is dai airst wääst wat God måkt hät. Hai wäir air ängel un däir im himel wåne airer as hai upt Ër kåme is. (João 8:23) Jësus hät sijn Fåter hulpe al dai andrer daile måke. Ine Bijbel hai wart nent ‘ainsiggebooren kind’. Dat bedüürt dat hai dai ainsig is wat God alaine måkt hät. (João 1:14) Jësus wart uk ine Bijbel nent ‘dat Woord’, weegen hai däir der andrer God sij belërung geewe. — Lees Provérbios 8:22, 23, 30; Colossenses 1:15, 16.

Jësus is upt Ër kåme taum: (1) dai wårhët oiwer God inlëre, (2) wijse wosoo God sijne wile måke nog wen wij swårhëte doirsete un (3) mit sij leewent åne süün aine ‘prais’ betåle taum oos fraimåke. Wosoo is Jësus upt Ër kåme? God hät wat bewuunrig måkt. Doir der hailig gaist, hai hät Jësus sij leewent in dat ërlig määke Marij rinermåkt. Soo, däir sai dat kind Jësus luure. — Lucas 1:30-35. — Lees Mateus 20:28.

Wij muite fraimåkt ware weegen wij häwe süün un blijwe dood. As God Adam måkt hät, hai wul ni dat dai lüür uld wööre un doodblijwe däire. Hai wul dat Adam Em horge däir un däir up ümer leewe. Åwer Adam hät ni horgt. (Gênesis 2:16, 17; 5:5) Ale dai wat fon Adam kåme daue dai süün un der dood erbe. Wäir nöörg aine prais betåle taum oos fraimåke. Dai prais taum fraimåken is wat air betålt taum  aine fraimåke wat sij leewent forspeele küün. — Êxodo 21:29, 30. — Lees Romanos 5:12; 6:23.

Den, wee küün der prais betåle taum oos fraimåke fon dem dood? Dat müst air sin åne süün. — Lees Salmo 49:7-9.

Jësus is doodbleewe weegen hai däit oos lijbe. Hai wäir ni wërd doodblijwe weegen hai har kain süün. Nog soo hai hät sijn Fåter horgt un is doodbleewe taum oos fraimåke fone süün. Doir dat wat Jësus måkt hät, God däit oos forgeewe. God hät sij lijb weese as hai sij kind schikt hät taum oos fraimåke. ​—Lees João 3:16; Romanos 5:18, 19.

Kijk dai film Woweegen hät Müst Jësus Doodblijwe?

Jësus is dai Köönig un regijrt im himel. As hai upe Ër wäir, hai hät lüür fom dood upleewt, kranke gesundmåkt un feel lüür eer swårhëte lichtemåkt. (Mateus 15:30, 31; João 5: 28) Nådem dat Jësus doodbleewe is, hät God em upleewt taum werer im himel leewe. (Efésios 1:20) Dun, hät Jësus luurt bet Jehovaa tau em sägt hät hai küüt anfänge an regijre. (Hebreus 10:12, 13) Hüüt, feel lüür ine ganse wild daue em horge un daue inlëre dat hai Köönig is. Dai gaure daile wat Jësus hijr upe Ër måkt hät daue wijse wat hai måke däit in dai tijd wat nog kümt. — Lees Daniel 7:13, 14; Mateus 24:14.

Bald, däit Jësus dai slechte uutrote, un kair wart mër nood doirsete. Wee gloobe hät un horgt Jësus wart up ümer im Paradijs upe Ër leewe. — Lees Salmo 37:9-11.