Feel jåre trööguut dai papa un mama wäire dai airst wat fortele däire mit eere kiner oiwer sexs. Sai däire dat mite tijd uutdüüre, soo as dai kiner groot ware däire un soo as jërer ainsig beschawe wäir.

Åwer hüütsendåg is dat gans aners. Dat bauk O Efeito Lolita sägt: “Dai kiner fänge ümer jünger an oiwer sexs lëre, daile oiwer sexs sin ümer mër upkåme ine buiker, filmes un televisão.” Däit dat der kiner mithelpe urer schåre?

Daile oiwer sexs sin up al stele. Deborah Roffman, wat dat bauk Fale Comigo Primeiro sreewe hät, hät soo sreewe: “Bijler fon sexs un wat dai lüür oiwer sexs fortele sin in dat reeren, filmes, buiker, musiks, ine televisão, videogames, ine celular, komputador un soo wijrer. Dårweegen dai juugende un sogår dai kiner ån dat waite, daue maine dat sexs is dat hauptsach dail.”

Dai wat sexs bekandmåke sin uk dåroiwer schuldig. Lüür wat arbëre taum daile bekandmåke un dai wat daile forkööpe daue, daue sich sër anstrenge dat dai kiner daile kööpe wat eer lust giwt sexs måke. Dårweegen fon klain an, daue dai kiner sich bekümre an woo dai andrer eer saie. Dat bauk A Infância Perdida sägt, dat dai wat arbëre taum wat bekandmåke waite dat dai kiner wile dat dai andrer kiner eer anneeme daue, dårweegen daue sai benutse dat wat dai kiner wile taum eer taurere wat kööpe.

Bloos säge wat dat sexs is, is ni naug. Is gans aners waite woo aine aute urer wåge is, un air sin wat gaud fuire däit. Soo uk, is ni naug dat dai kiner bloos waite woo dat sexs is. Sai muite gaur uutsuiken måke forståe mit dat wat sai lërt häwe.

Wat duu lërt häst hijr oiwer: Soo as nij ais wääst is, hüütsendåg must duu dijn kiner inlëre dat sai waite koine wat “richtig un forkërd is”. (Hebreus 5:14)

Dau mit dijn kind fortele. Lijkerst dat mit dijn kind oiwer sexs fortele ni licht is, duu must dat måke. (Måk soo as in Provérbios 22:6 stäit)

Dau mite tijd oiwer sexs fortele. Aners as ales mit ais fortele, dau mit dijn kiner fortele wen jij t’hoop arbëre daue urer wen jij fuire daue. Dat dijn kind fortele wil woo dai sich befijne däit un denke däit, help dai mit, fråg wat dai denke däit. Denk man’s an: Wen’s duu mit dijn kind televisão kijke däist, den mit ais wijst ain huurig dail, dau ni dijn kind fråge: “Däit dij dat gefale?” Is beeter soo fråge: “Wat däist duu maine, wotau häwes dat henmåkt taum daile forkööpe?” Låt dijn kind dat antwoore. Den, dau fråge: “Wat däist duu dåroiwer maine?” (Måk soo as in Deuteronômio 6:6 un 7 stäit)

Dau dåroiwer fortele soo as dai kiner groot ware daue. Airer as duu dai kiner nane schaul schike däist, dau dijne kiner inlëre woo dai stüke fone körper taum sexs måke haite daue. Dau eer uk wijse woo sai sich behüüte koine fon dai wat dai kiner andrijwe wile taum sexs måke. Mite tijd dau uutdüüre woo dai kiner geboore ware. Airer as sai wünsch häwe taum sexs måke muite sai gaud forståe wat sexs is un wat God dåroiwer denke däit.

Låt juuch kiner waite wat richtig un forkërd is. Set klain up muite jij juuch kiner inlëre wat richtig un forkërd is, soo as dat ëren, air sin woo dai andrer sich upforlåte koine un respekt wijse. Wen juuch kiner al oiwer dës daile lërt häwe, dat däit dij mithelpe oiwer sexs mit eer fortele. Dau uk uutdüüre wat’s duu richtig urer forkërd maine däist. Soo as, wen’s duu maine däist dat forkërd is sexs måke airer as forfrigt sin, dau dat taum dijn kiner säge. Dau uutdüüre woweegen dat forkërd is un wat dat ruutergeewe kan. Dat bauk, Uma Longa Conversa Não Basta sägt: “Wen air jong urer määke waite däit dat sexs måke airer as forfrigt sin ni sijn papa un mama gefale däit, is bijnå sicher dat sai dat ni måke daue.”

Wäs air wat dijn kind nåmåke kan. Dau leewe soo as duu inlëre däist. Soo as, däist duu lache wen andrer spåss måke oiwer sexs? Däist duu tüüg antreeke wat kort un eng is? Wijst duu dat’s duu aim wilst wat ni dij kërl urer fruug is? Wen’s duu dës daile måke däist, wart slime sin taum dijn kiner waite wat richtig urer forkërd is. (Måk soo as in Romanos 2:21 stäit)

Fortel ni soo as wen dat sexs wat slechtes is. Dat sexs is ain geschenk fon God un kan gaud sin wen air kërl un ain fruug wat forfrigt sin dat måke daue. (Provérbios 5:18 un 19) Dau taum dijn kind säge dat wen dai forfrigt is, kan dai uk dat måke, ån sich kopbreeken måke mit dai slechte daile wat kåme daue wen dai lüür sexs måke daue airer as dai forfrigt sin. (1 Timóteo 1:18 un 19)