Ik bün groot woore in Warialda, ain klain stad fon Nova Gales do Sul. Warialda is ain gëgend woo fai un schåpe uptrekt wart un woo köörn un gruinweesend plant wart. Dai stad dår is rëgen un is ni gefärlig.

Ik wäir dai ülst fon 10 kiner, dårweegen mit 13 jår häw ik anfånge arbëre taum helpe dai familg ernääre. Dat ik wënig nam schaul går bün, däir ik ine ross arbëre. Mit 15 jår däir ik wijld tijre fråmmåke.

Ine ross arbëre wäir gaud un slecht. Mijn arbëd un dai stel woo ik arbëre däir, däir mij sër gefale. Ik däir dicht ane füür hensete un dai mån un dai himel ful stërne kijke, solang as dai schöön geruch rüüke däir wat fon dai wald fon Austrália kåme däir mit dai luft åwends. Ik däir denke dat Air al dës daile up bröcht har. Åwer in mijne arbëd häw ik anfånge t’hoopgåe mit slechte lüür. Oft däir soigisch wöör hööre un ik har ümer cigare taum rooke wen ik wul. Dårmit, häw ik anfånge rooke un soigisch wöör fortele.

As ik 18 jår har, bün ik na Sydney stad hentrekt. Ik wul soldåte sin, åwer dat ik wënig nam schaul gåe bün, häwe’s mij forstöt. Ik häw aine arbëd kreege in Sydney stad un bün dår ain gans jår bleewe. Dun, häw ik Jehovaas Tüügen kent. Ik häw annåme in ain for eer forsamlung hengåe un glijk häw ik saie dat sai dai wårhët inlëre däire.

Åwer glijk nåheer, häw ik uutsöcht fon dår wegtreke. Ik bün hentrekt taum ain klain stad, Goondiwindi, in Queensland. Dår häw ik aine arbëd fuune un häw mij frijgt. Åwer dun häw ik anfånge drinke.

Ik un mij fruug häwe twai kiner hat. Nå dat mijn kiner geboore woore sin, häw ik anfånge denke an wat ik mit mij leewend måke däir. Ik häw andacht an wat ik höört har in dai forsamlung fon Jehovaas Tüügen in Sydney stad un häw uutsöcht wat måke dåroiwer.

Ik häw ain uld Wat Bekandmökt fuune woo sreewe wäir dai stel woo Betel fon Jehovaas Tüügen ine Austrália wäir. Ik häw aine braif schikt taum hülp forlange. Taum mij antwoore, is air uld kërl kåme taum mij besuike. Hät ni lang duurt un hai däir dai Bijbel mit mij studijre.

Solang as ik dai Bijbel studijre däir, häw ik saie dat ik in feel daile aners ware müst ine leewend. Ik häw mij bewunret mit dat wat in 2 Coríntios 7:1 stäit. Dës spruch giwt oos lust dat wij oos “rëgen låte fon al daile wat oos körper drekig mökt”.

Ik häw uutsöcht anhule rooke un ni mër taufeel drinke. Is ni licht wäst dës daile anhule måke weegen ik däir dat al sër lang måke. Åwer ik har al uutsöcht leewe soo as God wil. Wat mij dülst hulpe hät is måke dat wat stäit in Romanos 12:2: “Hult an denke soo as dës wild, åwer wart aners doir juuch gedanke aners måke.” Ik häw saie dat aners måke müst dai moor woo ik denke däir un dës slechte moors saie soo as God dai saie däit, soo as daile wat schåre daue. Mit God sijne hülp, häw ik anhule kreege rooke un taufeel drinke.

Åwer dai slimst dail is anhule wäst, soigisch wöör fortele. Ik wüst wat dai Bijbel säge däir in Efésios 4:29, dår stäit: “Dat jij kain slecht wöör fortele daue.” Nog soo, ik häw ni glijk dårmit anhule kreege. Wat mij hulpe hät is grüüwle an dai wöör wat in Isaías 40:26 ståe. Dår fortelt oiwer dai himel ful stërne. Dår sägt: “Kijkt hoog nåm himel un daut saie. Wee hät dës daile måkt? Is dai wat eer lenket soo as ain groot grup soldåte, sofeel as dat sin; hai röpt jërer ainsig mit een nåme. Weegen em sijn groot kraft un sijn bewunrig macht, fëgelt kain ainsig fon eer.” Ik häw dacht: wen God dai gans himels up bröcht hät wat ik soo gërn kijke dau, gans sicher kan dai mij dai kraft geewe taum aners ware un em gefale. Ik häw sër feel beert un mij sër anstrengt, im langsåm häw ik anhule kreege soigisch wöör fortele.

In dai ross woo ik arbëd häw, wäire ni soo feel lüür, dårweegen küün ik ni sofeel fortele. Åwer dat wat ik lërt häw in dai forsamlung fon Jehovaas Tüügen hät mij hulpe beeter mit andrer fortele. Dit wat ik lërt häw, hät mij sër hulpe, sogår hät mij hulpe mit dai andrer oiwer God sij Regirung fortele. (Mateus 6:9, 10 un 24:14)

Ik bün sër fröölig dat ik ülst bün ine gemaind al feel jåre. Taum mij hät groot wërd mijn bruirers un swesters fone gemaind mithelpe. Åwer dat haupt for mij, is Jehovaa dijne t’hoop mit mij lijb un reäl fruug un oos laiwe kiner.

Ik bün wënig nam schaul gåe, dårweegen dau ik Jehovaa danke dat hai air mësch soo as ik oiwer em lëre låte hät. (Isaías 54:13) Ik dau dat selwig maine as Provérbios 10:22 sägt, dår stäit: “Is Jehovaa sij seegen wat oos rijk mökt.” Ik un mijn familg wile sër dul mër oiwer Jehovaa lëre un em sijne wile up ümer måke.