भजनसङ्ग्रह ११९:१-१७६
-
परमेश्वरको अनमोल वचनको कदर
-
“जवान मानिसले कसरी आफ्नो मार्ग स्वच्छ राख्न सक्छ?” (९)
-
“तपाईँका सम्झौटाहरू मलाई साह्रै मन पर्छ” (२४)
-
“म तपाईँको व्यवस्थालाई कत्ति प्रेम गर्छु!” (९७)
-
‘मेरा सबै शिक्षकमा भन्दा ज्यादा अन्तर्दृष्टि’ (९९)
-
“तपाईँको वचन मेरो खुट्टाको निम्ति बत्ती” (१०५)
-
“सत्य नै तपाईँको वचनको सार हो” (१६०)
-
परमेश्वरको व्यवस्था मन पराउनेहरूले शान्ति पाउँछन् (१६५)
-
א [आलेफ]
११९ आनन्दित हुन् ती मानिसहरू, जो आफ्नो चालमा निर्दोष छन्,*जो यहोवाको व्यवस्थाअनुसार चल्दछन्।+
२ आनन्दित हुन् ती मानिसहरू, जसले उहाँका सम्झौटाहरू पालन गर्छन्,+जसले आफ्नो सारा हृदयले उहाँको खोजी गर्छन्।+
३ तिनीहरू कुकर्मदेखि अलग रहन्छन्;तिनीहरू उहाँको मार्गमा हिँड्छन्।+
४ तपाईँका आदेशहरू होसियार भई पालन गर्नू भनी+तपाईँले आज्ञा दिनुभएको छ।
५ म केवल यही चाहन्छु कि म स्थिर भइरहूँ*+ताकि मैले तपाईँका नीतिनियम पालन गर्न सकूँ।
६ तब तपाईँका सबै आज्ञा पालन गर्दामैले बेइज्जती भोग्नुपर्नेछैन।+
७ जब म तपाईँका न्यायोचित फैसलाहरूबारे सिक्नेछु,तब सोझो मनले म तपाईँको प्रशंसा गर्नेछु।
८ म तपाईँका नीतिनियम पालन गर्नेछु;मलाई चटक्कै नत्याग्नुहोस्।
ב [बेथ]
९ जवान मानिसले कसरी आफ्नो मार्ग स्वच्छ राख्न सक्छ?होसियार भई तपाईँको वचन पालन गरेर।+
१० म आफ्नो सारा हृदयले तपाईँको खोजी गर्छु।मलाई तपाईँका आज्ञाहरूदेखि तर्केर जान नदिनुहोस्।+
११ म आफ्नो हृदयमा तपाईँका वाणी साँचेर राख्छु+ताकि मैले तपाईँविरुद्ध पाप नगरूँ।+
१२ हे यहोवा, तपाईँको प्रशंसा होस्।मलाई तपाईँका नीतिनियम सिकाउनुहोस्।
१३ तपाईँले सुनाउनुभएका सबै फैसलाम आफ्नो मुखले घोषणा गर्छु।
१४ कुनै पनि बहुमूल्य कुरामा भन्दा+तपाईँका सम्झौटाहरूमा म रमाहट गर्छु।+
१५ तपाईँका आदेशहरूमा म घोरिनेछु।*+अनि तपाईँको मार्गमा ध्यान लगाउनेछु।+
१६ तपाईँका ऐनकानुन मलाई साह्रै मन पर्छ।तपाईँको वचनलाई म बिर्सनेछैनँ।+
ג [गिमेल]
१७ तपाईँको यस सेवकलाई दया देखाउनुहोस्ताकि म जीवित रहन सकूँ र तपाईँको वचन पालन गर्न सकूँ।+
१८ मेरो आँखा खोलिदिनुहोस्ताकि तपाईँको व्यवस्थाका उत्तम कुराहरू मैले छर्लङ्गै देख्न सकूँ।
१९ यो देशमा म परदेशी मात्र हुँ।+तपाईँका आज्ञाहरू मबाट नलुकाउनुहोस्।
२० तपाईँका फैसलाहरू सुन्ने तिर्सनाले गर्दामलाई हरबखत छटपटी हुन्छ।
२१ अहङ्कारीहरूलाई तपाईँ हप्काउनुहुन्छ,ती श्रापित मानिसहरूलाई, जो तपाईँका आज्ञाहरूबाट तर्केर जान्छन्।+
२२ मेरो बदनामी र मेरो अपमान हटाइदिनुहोस्किनकि मैले तपाईँका सम्झौटाहरू पालन गरेको छु।
२३ शासकहरू एक ठाउँमा भेला भएर मविरुद्ध बोल्दा समेततपाईँको यो सेवक तपाईँका नीतिनियममा डुबिरहन्छ।*
२४ तपाईँका सम्झौटाहरू मलाई साह्रै मन पर्छ।+ती मेरा सल्लाहकार भएका छन्।+
ד [दालेथ]
२५ म धुलोमा लम्पसार परेको छु।+तपाईँको वचनअनुसारै मेरो जीवनको रक्षा गर्नुहोस्।+
२६ मैले आफ्ना सबै कामबारे तपाईँलाई बताएँ अनि तपाईँले मलाई जवाफ दिनुभयो;मलाई तपाईँका नीतिनियम सिकाउनुहोस्।+
२७ मलाई तपाईँका आदेशहरूको अर्थ* बुझाइदिनुहोस्ताकि तपाईँका आश्चर्यलाग्दा कामहरूमा म डुबिरहन* सकूँ।+
२८ मेरा दुःखहरूले गर्दा मेरो निद्रा हराएको छ।मलाई तपाईँको वचनले बलियो बनाउनुहोस्।
२९ छल अनि कपटको बाटोदेखि मलाई टाढै राख्नुहोस्,+मलाई तपाईँको अनुग्रह देखाउनुहोस् र तपाईँको व्यवस्था सिकाउनुहोस्।
३० मैले वफादारीको मार्ग रोजेको छु।+तपाईँका फैसलाहरू सही छन् भनी मैले स्विकारेको छु।
३१ म तपाईँका सम्झौटाहरूसित टाँसिरहन्छु।+हे यहोवा, मलाई निराश नतुल्याउनुहोस्।*+
३२ तपाईँका आज्ञाहरूको मार्गमा म उत्सुक भई हिँड्नेछु*किनकि तपाईँले मेरो हृदयमा आफ्ना आज्ञाहरूको लागि ठाउँ बनाइदिनुभएको छ।*
ה [हे]
३३ हे यहोवा, मलाई तपाईँका नीतिनियमको मार्गमा हिँड्न सिकाउनुहोस्+अनि म अन्तसम्मै त्यसमा हिँडिरहनेछु।+
३४ मलाई समझ दिनुहोस्ताकि म तपाईँको व्यवस्था पालन गर्न सकूँअनि आफ्नो सारा हृदयले त्यसमा लागिरहन सकूँ।
३५ मलाई तपाईँका आज्ञाहरूको गोरेटोमा डोऱ्याउनुहोस्*+किनकि म त्यसमा अति प्रसन्न हुन्छु।
३६ मेरो हृदयलाई बेइमानीको कमाइतिर होइन+बरु तपाईँका सम्झौटाहरूतिर फर्काइदिनुहोस्।
३७ व्यर्थका कुरा हेर्नदेखि मेरा आँखा फर्काइदिनुहोस्।+मलाई तपाईँको मार्गमा जीवितै राख्नुहोस्।
३८ आफ्नो यस सेवकसित गर्नुभएको प्रतिज्ञा* पूरा गर्नुहोस्ताकि मानिसहरूले तपाईँको डर मानून्।*
३९ जुन बदनामीको मलाई डर छ, त्यो मदेखि हटाइदिनुहोस्किनकि तपाईँका फैसलाहरू सही छन्।+
४० हेर्नुहोस्, म तपाईँका आदेशहरूको कत्ति तिर्सना गर्छु!तपाईँको धार्मिकताको कारण मलाई जीवितै राख्नुहोस्।
ו [वाव]
४१ हे यहोवा, तपाईँको प्रतिज्ञाअनुसारै*+मलाई तपाईँको अटल प्रेम देखाउनुहोस्+ र मेरो उद्धार गर्नुहोस्।
४२ अनि मेरो खिल्ली उडाउनेलाई म जवाफ दिनेछुकिनकि म तपाईँको वचनमा भरोसा गर्छु।
४३ मेरो मुखबाट तपाईँका सत्य वचनहरू कहिल्यै नहटाउनुहोस्किनकि मैले तपाईँकै फैसलाको प्रतीक्षा गरेको छु।
४४ म तपाईँको व्यवस्था निरन्तर पालन गर्नेछु,हो, सदासर्वदा पालन गर्नेछु।+
४५ म सुरक्षित ठाउँमा* हिँडडुल गर्नेछु+किनकि म तपाईँका आदेशहरूको खोजी गर्छु।
४६ म राजाहरूसामु तपाईँका सम्झौटाहरूबारे बोल्नेछुर म लजाउनेछैनँ।+
४७ तपाईँका आज्ञाहरू मलाई साह्रै मन पर्छ,हो, म तिनलाई प्रेम गर्छु।+
४८ म तपाईँका आज्ञाहरूलाई प्रेम गर्छु,+त्यसैले म आफ्नो हात उठाएर तपाईँलाई प्रार्थना गर्नेछु।अनि म तपाईँका नीतिनियममा डुबिरहनेछु।*+
ז [जयिन]
४९ आफ्नो यस सेवकलाई दिनुभएको वचन* याद गर्नुहोस्,जसद्वारा तपाईँ मलाई आशा दिनुहुन्छ।*
५० कष्टको समयमा त्यसले नै मलाई सान्त्वना दिन्छ+किनकि तपाईँका वाणीले नै मेरो जीवनको रक्षा गरेको छ।
५१ अहङ्कारीहरू मेरो खुब खिल्ली उडाउँछन्तर म तपाईँको व्यवस्थादेखि तर्केर जाँदिनँ।+
५२ हे यहोवा, प्राचीनकालदेखिका तपाईँका फैसलाहरू म सम्झन्छु+अनि तिनैले मलाई सान्त्वना दिन्छन्।+
५३ तपाईँको व्यवस्थालाई लत्याउने+ दुष्ट मानिसहरूको कारणमभित्र क्रोधको आगो दन्किएको छ।
५४ म जहाँसुकै बसे पनि*तपाईँका नीतिनियम नै मेरा गीत हुन्।
५५ हे यहोवा, रातको समयमा म तपाईँको नाम सम्झन्छु+ताकि म तपाईँको व्यवस्था पालन गर्न सकूँ।
५६ त्यो मेरो दिनचर्या नै भएको छकिनकि मैले तपाईँका आदेशहरू पालन गरेको छु।
ח [हेत]
५७ यहोवा मेरो अंश हुनुहुन्छ।+तपाईँको वचन पालन गर्ने प्रतिज्ञा मैले गरेको छु।+
५८ मेरो सारा हृदयले म तपाईँलाई बिन्ती गर्छु;+तपाईँको प्रतिज्ञाअनुसारै* मलाई अनुग्रह देखाउनुहोस्।+
५९ मैले आफ्ना मार्गहरू जाँचेको छुताकि तपाईँका सम्झौटाहरू फेरि पालन गर्न सकूँ।+
६० तपाईँका आज्ञाहरू पालन गर्न+म हतारिन्छु, आलेटाले गर्दिनँ।
६१ दुष्टहरूको डोरीले मलाई जेलेको छतर तपाईँको व्यवस्थालाई मैले बिर्सेको छैनँ।+
६२ जब म मध्यरातमा उठ्छु,तब तपाईँका न्यायोचित फैसलाहरूको लागिधन्यवाद चढाउँछु।+
६३ तपाईँको डर मान्नेहरूर तपाईँका आदेश पालन गर्नेहरू सबैको म मित्र हुँ।+
६४ हे यहोवा, पृथ्वी तपाईँको अटल प्रेमले भरिपूर्ण छ;+मलाई तपाईँका नीतिनियम सिकाउनुहोस्।
ט [टेथ]
६५ हे यहोवा, तपाईँले आफ्नो वचनअनुसारैआफ्नो सेवकको भलाइ गर्नुभएको छ।
६६ मलाई सुझबुझ र ज्ञान दिनुहोस्+किनकि मैले तपाईँका आज्ञाहरूमा भरोसा गरेको छु।
६७ दुःख भोग्नुअघि म बरालिएको थिएँ*तर अहिले त म तपाईँको कुरा मान्दछु।+
६८ तपाईँ असल हुनुहुन्छ+ र तपाईँका कामहरू असल छन्।मलाई तपाईँका नीतिनियम सिकाउनुहोस्।+
६९ अहङ्कारीहरूले मेरो बारेमा नानाथरी झूट बोलेका छन्तर म भने आफ्नो सारा हृदयले तपाईँका आदेशहरू पालन गर्छु।
७० तिनीहरूको हृदय बोधो* छ+तर म भने तपाईँकै व्यवस्थामा रमाउँछु।+
७१ दुःख भोग्नु मेरो लागि असल साबित भएको छ+किनकि मैले तपाईँका नीतिनियम सिक्न पाएँ।
७२ तपाईँको मुखबाट निस्केको व्यवस्था मेरो लागि असल छ,+त्यो हजारौँ टुक्रा सुन र चाँदीभन्दा पनि असल छ।+
י [योद]
७३ तपाईँले आफ्नो हातले मलाई बनाउनुभयो, मलाई आकार दिनुभयो।मलाई समझशक्ति दिनुहोस्ताकि मैले तपाईँका आज्ञाहरू सिक्न सकूँ।+
७४ तपाईँको डर मान्नेहरू मलाई देखेर रमाउँछन्किनकि तपाईँको वचन नै मेरो आशा हो।*+
७५ हे यहोवा, म जान्दछु, तपाईँका फैसलाहरू न्यायोचित छन्;+तपाईँले आफ्नो वफादारीको कारण मलाई कष्टमा पर्न दिनुभएको छ।+
७६ बिन्ती छ, तपाईँले आफ्नो यस सेवकसित गर्नुभएको प्रतिज्ञाअनुसारै*तपाईँको अटल प्रेमले+ मलाई सान्त्वना दिनुहोस्।
७७ मलाई कृपा देखाउनुहोस् ताकि म जीवित रहन सकूँ+किनकि तपाईँको व्यवस्थामा म प्रसन्न रहन्छु।+
७८ अहङ्कारीहरूको बेइज्जत होस्किनकि तिनीहरू विनाकारण* मलाई हानि पुऱ्याउँछन्।तर म भने तपाईँका आदेशहरूमा घोरिन्छु।*+
७९ तपाईँको डर मान्नेहरू मकहाँ फर्केर आऊन्,जसलाई तपाईँका सम्झौटाहरू थाह छ।
८० मेरो हृदयले निर्दोष भई तपाईँका नीतिनियम पालन गरोस्+ताकि मैले बेइज्जती भोग्न नपरोस्।+
כ [काफ]
८१ तपाईँले गर्नुहुने उद्धारको म तिर्सना गर्छु+किनकि तपाईँको वचन नै मेरो आशा हो।*
८२ मेरा आँखाहरू तपाईँको प्रतिज्ञाको तिर्सना गर्छन्;+म भन्छु: “तपाईँ मलाई कहिले सान्त्वना दिनुहुन्छ?”+
८३ किनकि म धुवाँले सुकेको मशकजस्तै* भएको छु,तैपनि तपाईँका नीतिनियम म बिर्सन्नँ।+
८४ तपाईँको यस सेवकले अझै कति दिन पर्खिनुपर्छ?मलाई सताउनेहरूलाई तपाईँ कहिले दण्ड दिनुहुन्छ?+
८५ अहङ्कारीहरू, जो तपाईँको व्यवस्थालाई तुच्छ ठान्छन्,तिनीहरू मेरो निम्ति खाडल खन्छन्।
८६ तपाईँका सबै आज्ञा भरोसायोग्य छन्।मानिसहरू मलाई विनाकारण सताउँछन्; मलाई सहायता गर्नुहोस्!+
८७ तिनीहरूले मलाई पृथ्वीबाट झन्डै नामेट पारेका थिएतर मैले तपाईँका आदेशहरूलाई लत्याइनँ।
८८ तपाईँको अटल प्रेमको कारण मेरो जीवनको रक्षा गर्नुहोस्ताकि तपाईँको मुखबाट निस्केका सम्झौटाहरू मैले पालन गर्न सकूँ।
ל [लामेद]
८९ हे यहोवा, तपाईँको वचन स्वर्गमासदासदाको लागि कायम रहनेछ।+
९० तपाईँको वफादारी पुस्तौँपुस्तासम्म रहन्छ।+तपाईँले पृथ्वीलाई बलियोगरि बसाल्नुभएको छ; त्यसैले त्यो अडिग छ।+
९१ तपाईँका फैसलाहरूको कारण ती* अहिलेसम्म अस्तित्वमा छन्किनकि ती सबै तपाईँका सेवक हुन्।
९२ यदि मैले तपाईँको व्यवस्थालाई मन नपराएको भएमैले झेलेको कष्टले गर्दा म नामेट भइसक्ने थिएँ।+
९३ म तपाईँका आदेशहरू कहिल्यै बिर्सनेछैनँकिनकि तीमार्फत तपाईँले मेरो जीवनको रक्षा गर्नुभएको छ।+
९४ म तपाईँकै हुँ, मलाई बचाउनुहोस्+किनकि मैले तपाईँका आदेशहरूको खोजी गरेको छु।+
९५ दुष्टहरू मलाई नाश गर्न ढुकेर बस्छन्तर म भने आफ्नो पूरा ध्यान तपाईँका सम्झौटाहरूमै लगाउँछु।
९६ निष्खोट कुराहरूमा समेत केही न केही त्रुटि हुँदो रहेछतर तपाईँका आज्ञाहरूमा भने कुनै त्रुटि छैन।*
מ [मेम]
९७ म तपाईँको व्यवस्थालाई कत्ति प्रेम गर्छु!+सारा दिन म त्यसैमा डुबिरहन्छु।*+
९८ तपाईँको आज्ञाले मलाई मेरा शत्रुहरूभन्दा पनि बुद्धिमान् बनाउँछ+किनकि त्यो सधैँ मसितै छ।
९९ मेरा सबै शिक्षकमा भन्दा ममा ज्यादा अन्तर्दृष्टि* छ+किनकि म तपाईँका सम्झौटाहरूमा मग्न हुन्छु।*
१०० म बूढापाकाहरूभन्दा समझदार छुकिनकि म तपाईँका आदेशहरू पालन गर्छु।
१०१ तपाईँको वचन पालन गर्न सकूँ भनेरम कुबाटोमा हिँड्न इन्कार गर्छु।+
१०२ म तपाईँका फैसलाहरूबाट तर्कदिनँ।किनकि तपाईँले नै मलाई सिकाउनुभएको छ।
१०३ तपाईँका वाणीहरू मेरो जिब्रोलाई कत्ति मीठो लाग्छ!ती मेरो मुखलाई महभन्दा पनि गुलियो लाग्छ।+
१०४ तपाईँका आदेशहरूले गर्दा म समझदार भएको छु।+त्यसैले म सबै झूटो मार्गलाई घृणा गर्छु।+
נ [नुन]
१०५ तपाईँको वचन मेरो खुट्टाको निम्ति बत्तीर मेरो बाटोको निम्ति ज्योति हो।+
१०६ मैले तपाईँको न्यायोचित फैसला पालन गर्ने शपथ खाएको छुर म त्यो पूरा गर्नेछु।
१०७ मैले ज्यादै कष्ट भोग्नुपरेको छ।+हे यहोवा, तपाईँको वचनअनुसारै मेरो जीवनको रक्षा गर्नुहोस्।+
१०८ हे यहोवा, बिन्ती छ, मैले चढाएको प्रशंसाको स्वैच्छिकभेटी स्विकार्नुहोस्+र मलाई तपाईँको न्यायका स्तरहरू सिकाउनुहोस्।+
१०९ मेरो जीवन हरघडी खतरामा छतर मैले तपाईँको व्यवस्था बिर्सेको छैनँ।+
११० दुष्टहरूले मेरो निम्ति पासो थापेका छन्तर म भने तपाईँका आदेशहरूबाट तर्केको छैनँ।+
१११ तपाईँका सम्झौटाहरूलाई म आफ्नो स्थायी सम्पत्ति* ठान्छुकिनकि तीदेखि मेरो हृदय खुसी हुन्छ।+
११२ मैले तपाईँको नीतिनियम पालन गर्ने सङ्कल्प गरेको छु।म जीवनभर त्यसो गरिरहनेछु, अन्तिम क्षणसम्मै।
ס [सामेख]
११३ आधा हृदयले तपाईँको भक्ति गर्नेहरूलाई म घृणा गर्छु+तर म त तपाईँकै व्यवस्थालाई प्रेम गर्छु।+
११४ तपाईँ मेरो आश्रय र ढाल हुनुहुन्छ+किनकि तपाईँको वचन नै मेरो आशा हो।*+
११५ ए कुकर्मीहरू हो, मबाट पर जाओ+ताकि म मेरा परमेश्वरका आज्ञाहरू पालन गर्न सकूँ।
११६ तपाईँले प्रतिज्ञा गर्नुभएझैँ * मलाई साथ दिनुहोस्+ताकि म जीवित रहन सकूँ;मेरो आशालाई निराशामा परिणत हुन* नदिनुहोस्।+
११७ मलाई साथ दिनुहोस् ताकि म जोगिन सकूँ;+तब म सधैँभरि तपाईँका नीतिनियममा ध्यान दिनेछु।+
११८ तपाईँका नीतिनियमबाट तर्किनेहरू सबैलाई तपाईँ तिरस्कार गर्नुहुन्छ+किनकि तिनीहरू झूटा र छली छन्।
११९ काम नलाग्ने कसर मिल्काएझैँ तपाईँ पृथ्वीका सबै दुष्टलाई मिल्काउनुहुन्छ।+त्यसैले म तपाईँका सम्झौटाहरूलाई प्रेम गर्छु।
१२० तपाईँको भयले गर्दा म थरथर काँप्छु;तपाईँको न्यायदण्डदेखि म डराउँछु।
ע [अयिन]
१२१ जे उचित र न्यायसङ्गत छ, मैले त्यही गरेको छु।ममाथि अत्याचार गर्नेहरूको हातमा मलाई नसुम्पिनुहोस्।
१२२ तपाईँको यस सेवकलाई सहायता गर्ने वाचा गर्नुहोस्;अहङ्कारीहरूले मलाई थिचोमिचो गर्न नपाऊन्।
१२३ तपाईँले कहिले मेरो उद्धार गर्नुहुन्छअनि कहिले आफ्नो अटल प्रतिज्ञा*+ पूरा गर्नुहुन्छ भनेर पर्खँदा-पर्खँदा मेरा आँखाहरू थाकिसके।+
१२४ तपाईँको यस सेवकलाई आफ्नो अटल प्रेम देखाउनुहोस्+र तपाईँका नीतिनियम मलाई सिकाउनुहोस्।+
१२५ म तपाईँको सेवक हुँ;मलाई तपाईँका सम्झौटाहरू बुझ्न समझ दिनुहोस्।+
१२६ यहोवाले कदम चाल्ने समय आएको छ+किनकि तिनीहरूले तपाईँको व्यवस्था उल्लङ्घन गरेका छन्।
१२७ साँच्चै, मलाई तपाईँका आज्ञाहरू साह्रै मन पर्छ,सुनभन्दा पनि धेरै, निखुर सुनभन्दा पनि धेरै मन पर्छ।+
१२८ त्यसैले तपाईँको हरेक निर्देशनलाई* म सही ठान्छु;+म सबै झूटो मार्गलाई घृणा गर्छु।+
פ [पे]
१२९ तपाईँका सम्झौटाहरू अतुलनीय छन्।त्यसैले म ती पालन गर्छु।
१३० तपाईँका वचनको अर्थ खुल्दा ज्योति चम्कन्छ;+त्यसले अनुभवहीनहरूलाई समझ दिन्छ।+
१३१ तपाईँका आज्ञाहरूको तिर्सनाले गर्दा+म आफ्नो मुख खोलेर सुस्केरा हाल्छु।*
१३२ तपाईँको नामलाई प्रेम गर्नेहरूसित तपाईँ जस्तो व्यवहार गर्नुहुन्छ, मसित पनि त्यस्तै व्यवहार गर्नुहोस्,*+मतिर फर्कनुहोस् र मलाई अनुग्रह देखाउनुहोस्।+
१३३ आफ्नो वाणीले मेरो पाइला डोऱ्याउनुहोस्;*कुनै पनि दुष्ट थोक ममाथि हाबी हुन नपाओस्।+
१३४ अत्याचारी मानिसहरूबाट मलाई छुटाउनुहोस्र म तपाईँका आदेशहरू पालन गर्नेछु।
१३५ तपाईँको सेवकमाथि आफ्नो मुहार चम्काउनुहोस्*+र मलाई तपाईँको नीतिनियम सिकाउनुहोस्।
१३६ मेरा आँखाहरूबाट आँसुको धारा बग्छकिनकि मानिसहरूले तपाईँको व्यवस्था पालन गरेका छैनन्।+
צ [सादे]
१३७ हे यहोवा, तपाईँ न्यायी हुनुहुन्छ+अनि तपाईँका फैसलाहरू सही छन्।+
१३८ तपाईँले दिनुभएका सम्झौटाहरू न्यायसङ्गतर पूर्णतया भरपर्दा छन्।
१३९ मेरो जोसले मलाई खाएको छ+किनकि मेरा वैरीहरूले तपाईँका वचन बिर्सेका छन्।
१४० तपाईँका वाणी पूर्णतया शुद्ध* छन्+र तपाईँको यस सेवकलाई ती मन पर्छ।+
१४१ म तुच्छ र अवहेलित छु;+तैपनि मैले तपाईँका आदेशहरू बिर्सेको छैनँ।
१४२ तपाईँको न्याय कहिल्यै टलेर जाँदैन+अनि तपाईँको व्यवस्था सत्य छ।+
१४३ ममाथि दुःख र कठिनाइ आइपरे पनिम तपाईँकै आज्ञाहरूमा रमाइरहन्छु।
१४४ तपाईँका सम्झौटाहरू सदा न्यायोचित छन्।मलाई समझ दिनुहोस्+ ताकि म जीवितै रहन सकूँ।
ק [कोफ]
१४५ म तपाईँलाई सारा हृदयले पुकार्छु। हे यहोवा, मलाई जवाफ दिनुहोस्।म तपाईँका नीतिनियम पालन गर्नेछु।
१४६ म तपाईँलाई गुहार्छु; मलाई बचाउनुहोस्!म तपाईँका सम्झौटाहरू पालन गर्नेछु।
१४७ तपाईँलाई गुहार्न म मिरमिरे उज्यालो हुनुअघि नै* उठेको छु+किनकि तपाईँको वचन नै मेरो आशा हो।*
१४८ तपाईँका वाणीहरूमा डुब्न* सकूँ भनेरम मध्यरातमा* ब्युँझन्छु र मेरा आँखाहरू खुल्दछन्।+
१४९ तपाईँको प्रेम अटल भएकोले मेरो स्वर सुन्नुहोस्।+हे यहोवा, तपाईँको न्यायअनुसारै मेरो जीवनको रक्षा गर्नुहोस्।
१५० लाजमर्दो* काम गर्नेहरू मेरो नजिक आउँछन्;तिनीहरू तपाईँको व्यवस्थादेखि कोसौँ टाढा छन्।
१५१ हे यहोवा, तपाईँ मेरो नजिक हुनुहुन्छ+अनि तपाईँका सबै आज्ञाहरू सत्य छन्।+
१५२ मैले धेरै अघि तपाईँका सम्झौटाहरूबारे सिकेको थिएँ,जुन तपाईँले सदा स्थिर रहिरहोस् भनेर दिनुभएको थियो।+
ר [रेश]
१५३ मेरा कष्टहरू हेर्नुहोस् र मलाई तीबाट छुटाउनुहोस्+किनकि मैले तपाईँको व्यवस्था बिर्सेको छैनँ।
१५४ मेरो पक्षमा खडा हुनुहोस्* र मेरो उद्धार गर्नुहोस्;+तपाईँको प्रतिज्ञाअनुसारै* मेरो जीवनको रक्षा गर्नुहोस्।
१५५ उद्धार दुष्टहरूको पहुँचबाट धेरै टाढा छकिनकि तिनीहरूले तपाईँका नीतिनियमको खोजी गरेका छैनन्।+
१५६ हे यहोवा, तपाईँको कृपा अपार छ।+तपाईँको न्यायअनुसारै मेरो जीवनको रक्षा गर्नुहोस्।
१५७ मेरो खेदो गर्नेहरू र मेरा वैरीहरू थुप्रै छन्;+तैपनि म तपाईँका सम्झौटाहरूदेखि तर्किएको छैनँ।
१५८ छली मानिसलाई म घृणाको दृष्टिले हेर्छुकिनकि तिनीहरू तपाईँले भन्नुभएको कुरा मान्दैनन्।+
१५९ हेर्नुहोस्, तपाईँका आदेशहरूलाई म कत्ति प्रेम गर्छु!हे यहोवा, आफ्नो अटल प्रेमको कारण मेरो जीवनको रक्षा गर्नुहोस्।+
१६० सत्य नै तपाईँको वचनको सार हो,+तपाईँका न्यायोचित फैसलाहरू सदासर्वदा कायम रहन्छन्।
ש [सिन] वा [शिन]
१६१ शासकहरू विनाकारण मेरो खेदो गर्छन्+तर मेरो हृदय भने तपाईँको वचनप्रतिको श्रद्धाले भरिएको छ।+
१६२ लुटको माल भेट्टाउँदा जसरी कोही रमाउँछ,त्यसरी नै तपाईँको वाणी सुन्न पाउँदा म रमाउँछु।+
१६३ मलाई झूट पटक्कै मन पर्दैन, मलाई त्यसदेखि घृणा लाग्छ।+तर तपाईँको व्यवस्थालाई म प्रेम गर्छु।+
१६४ तपाईँका न्यायोचित फैसलाहरूको निम्तिम दिनको सात चोटि तपाईँको प्रशंसा गर्छु।
१६५ तपाईँको व्यवस्था मन पराउनेहरूले प्रशस्त शान्ति पाउँछन्।+कुनै कुराले तिनीहरूलाई ठेस पुऱ्याउँदैन।
१६६ हे यहोवा, म तपाईँले गर्नुहुने उद्धारका कामहरूको प्रतीक्षा गर्छुअनि म तपाईँका आज्ञाहरू पालन गर्छु।
१६७ म तपाईँका सम्झौटाहरू पालन गर्छु,म तिनलाई असाध्यै प्रेम गर्छु।+
१६८ म तपाईँका आदेशहरू र तपाईँका सम्झौटाहरू पालन गर्छुकिनकि तपाईँलाई मेरा सबै काम थाह छ।+
ת [ताव]
१६९ हे यहोवा, मदतको लागि मैले पुकार्दा मेरो पुकार तपाईँसम्म पुगोस्।+तपाईँको वचनअनुसारै मलाई समझ दिनुहोस्।+
१७० तपाईँको अनुग्रह पाउन मैले गरेको बिन्ती तपाईँसामु पुगोस्।तपाईँको प्रतिज्ञाअनुसारै* मलाई बचाउनुहोस्।
१७१ मेरो ओठ तपाईँको प्रशंसाले भरियोस्+किनकि तपाईँ मलाई आफ्ना नीतिनियम सिकाउनुहुन्छ।
१७२ मेरो जिब्रोले तपाईँका वाणीबारे गीत गाओस्+किनकि तपाईँका सबै आज्ञा न्यायोचित छन्।
१७३ मलाई मदत गर्न तपाईँको हात तयार रहोस्+किनकि मैले तपाईँका आदेशहरू पालन गर्ने छनौट गरेको छु।+
१७४ हे यहोवा, तपाईँले गर्नुहुने उद्धारको म तिर्सना गर्छु,तपाईँको व्यवस्था मलाई साह्रै मन पर्छ।+
१७५ म बाँचिरहन पाऊँ ताकि म तपाईँको प्रशंसा गर्न सकूँ।+तपाईँका फैसलाहरूले मलाई मदत गरून्।
१७६ हराएको भेडाले जस्तै मैले बाटो बिराएको छु।+ आफ्नो सेवकलाई खोज्नुहोस्किनकि मैले तपाईँका आज्ञाहरू बिर्सेको छैनँ।+
फुटनोटहरू
^ वा “जो निष्ठावान् छन्।”
^ शा., “मेरा मार्गहरू बलियोगरि स्थापित भएको भए!”
^ वा “अध्ययन गर्नेछु।”
^ वा “अध्ययन गर्छ।”
^ शा., “मार्ग।”
^ वा “अध्ययन गर्न।”
^ वा “लज्जित हुन नदिनुहोस्।”
^ शा., “दौडनेछु।”
^ वा सम्भवतः “किनकि तपाईँ मेरो मनलाई बलियो पार्नुहुन्छ।”
^ वा “हिँडाउनुहोस्।”
^ वा “भन्नुभएको कुरा।”
^ वा सम्भवतः “जुन तपाईँको डर मान्नेहरूसित तपाईँ गर्नुहुन्छ।”
^ वा “भन्नुभएको कुराअनुसारै।”
^ वा “फराकिलो ठाउँमा।”
^ वा “अध्ययन गर्नेछु।”
^ वा “प्रतिज्ञा।”
^ वा “जसको निम्ति तपाईँले मलाई पर्खन लगाउनुभयो।”
^ वा “त्यो घरमा, जहाँ म विदेशीको रूपमा बसेको छु।”
^ वा “भन्नुभएको कुराअनुसारै।”
^ वा “मैले अनजानमा पाप गरिरहेको थिएँ।”
^ शा., “बोसोजस्तै बाक्लो।”
^ वा “म तपाईँको वचनको प्रतीक्षा गर्छु।”
^ वा “भन्नुभएको कुराअनुसारै।”
^ वा सम्भवतः “झुट बोलेर।”
^ वा “अध्ययन गर्छु।”
^ वा “म तपाईँको वचनको प्रतीक्षा गर्छु।”
^ जनावरको छालाबाट बनेको थैलो।
^ यसले उहाँका सबै सृष्टिलाई जनाउँछ।
^ शा., “ज्यादै फराकिलो छ।”
^ वा “अध्ययन गरिरहन्छु।”
^ वा “आन्तरिक चेतना।”
^ वा “अध्ययन गर्छु।”
^ वा “अनन्त सम्पदा।”
^ वा “म तपाईँको वचनको प्रतीक्षा गर्छु।”
^ वा “तपाईँले भन्नुभएझैँ।”
^ वा “लाजमा पर्न।”
^ वा “वाणी।”
^ वा “आदेशलाई।”
^ शा., “स्वाँस्वाँ गर्छु।”
^ शा., “तपाईँको न्यायको स्तरअनुसारै व्यवहार गर्नुहोस्।”
^ वा “स्थिर बनाउनुहोस्।”
^ वा “सेवकलाई हेरेर मुस्कुराउनुहोस्।”
^ वा “आगोले खारिएका।”
^ वा “उज्यालो हुनुअघि नै।”
^ वा “म तपाईँको वचनको प्रतीक्षा गर्छु।”
^ वा “अध्ययन गर्न।”
^ वा “रातको प्रहरअघि नै।”
^ वा “छाडा।”
^ वा “मेरो पक्षमा वकालत गरिदिनुहोस्।”
^ वा “भनाइअनुसारै।”
^ वा “भन्नुभएको कुराअनुसारै।”
