भजनसङ्ग्रह ९:१-२०
निर्देशकलाई; मुथ-लाब्बेनमा* मिलाउने। दाउदले रचेको भजन।
א [आलेफ]
९ हे यहोवा, सारा हृदयले म तपाईँको प्रशंसा गर्नेछु;तपाईँका आश्चर्यलाग्दा कामहरू सबै म अरूलाई बताउँछु।+
२ तपाईँको साथ पाएकोमा म रमाउनेछु र तपाईँको जयजयकार गर्नेछु;हे सर्वोच्च परमेश्वर, तपाईँको नामको म स्तुति गाउनेछु।*+
ב [बेथ]
३ मेरा शत्रुहरू तपाईँबाट भाग्दा+तिनीहरूले ठेस खानेछन् र तिनीहरू नाश हुनेछन्।
४ तपाईँले मेरो पक्षमा निसाफ गरिदिनुभएको छ र मेरो रक्षा गर्नुभएको छ;तपाईँ सिंहासनमा विराजमान हुनुहुन्छ र सही न्याय गर्नुहुन्छ।+
ג [गिमेल]
५ तपाईँले जातिजातिलाई हप्काउनुभएको छ+ र दुष्टलाई नाश गर्नुभएको छ,तिनीहरूको नाम तपाईँले सदाको लागि मेटिदिनुभएको छ।
६ शत्रुचाहिँ सदाको लागि नाश भएको छ;तपाईँले तिनीहरूको सहरलाई तहसनहस पारिदिनुभएको छर तिनीहरूलाई कसैले सम्झनेछैन।+
ה [हे]
७ यहोवा सदाको लागि सिंहासनमा बस्नुभएको छ;+उहाँले न्याय गर्न आफ्नो सिंहासन स्थिर गरी बसाल्नुभएको छ।+
८ उहाँले पृथ्वीको* निष्पक्ष न्याय गर्नुहुनेछ;+उहाँले पक्षपात नगरी जातिजातिको इन्साफ गर्नुहुनेछ।+
ו [वाव]
९ थिचोमिचोमा परेकाहरूका लागि यहोवा शरणस्थान* हुनुहुन्छ,+उहाँ विपत्तिको बेला शरण लिने ठाउँ हुनुहुन्छ।+
१० तपाईँको नाम थाह पाउनेहरूले तपाईँमै भरोसा गर्नेछन्;+हे यहोवा, तपाईँलाई खोज्नेहरूलाई तपाईँ कहिल्यै त्याग्नुहुन्न।+
ז [जयिन]
११ सियोनमा विराजमान यहोवाको स्तुति गाओ;उहाँका कामहरूबारे मानिसहरूलाई बताओ।+
१२ उहाँले मारिएकाहरूको रगतको बदला लिनुहुनेछ र तिनीहरूलाई कहिल्यै बिर्सनुहुनेछैन;+कष्टमा परेकाहरूको वेदना उहाँले कहिल्यै बिर्सनुहुनेछैन।+
ח [हेत]
१३ हे यहोवा, मलाई मृत्युको ढोकाबाट उठाउने तपाईँ नै हुनुहुन्छ;+ममाथि दया गर्नुहोस्; मलाई घृणा गर्नेहरूले दिएको दुःख हेर्नुहोस्
१४ ताकि म तपाईँका महान् कामहरूबारे सियोनकी छोरीका* ढोकाहरूमा घोषणा गर्न सकूँ+र तपाईँले दिनुहुने छुटकारामा रमाउन सकूँ।+
ט [टेथ]
१५ जातिजातिहरू आफैले खनेको खाल्टोमा जाकिएका छन्;आफूले थापेको जालमा तिनीहरूको आफ्नै खुट्टा परेको छ।+
१६ यहोवाले दिनुहुने सजायबाट उहाँ कस्तो परमेश्वर हुनुहुन्छ भनेर देखिन्छ।+दुष्टको कर्तुत नै उसको लागि पासो बनेको छ।+हिग्गायोन।* (सेला)
י [योद]
१७ दुष्टचाहिँ चिहानमा* फर्किजानेछ,परमेश्वरलाई बिर्सने जातिहरूको हालत पनि त्यस्तै हुनेछ।
१८ तर दरिद्रहरूलाई सधैँको लागि बिर्सिइनेछैन+र नम्रको आशा निराशामा बदलिनेछैन।+
כ [काफ]
१९ हे यहोवा, उठ्नुहोस्! तुच्छ मानिस विजयी हुन नपाओस्।तपाईँकै सामुन्ने जातिजातिको फैसला होस्।+
२० हे यहोवा, तिनीहरूलाई भयभीत पार्नुहोस्,+मानिस कति तुच्छ रहेछ भनेर जातिजातिले बुझून्। (सेला)
फुटनोटहरू
^ वा “तपाईँको नामको प्रशंसा गर्न म धुन बजाउनेछु।”
^ वा “उर्वर भूमिको।”
^ वा “अग्लो किल्ला।”
^ “सियोनकी छोरी” कवितात्मक अभिव्यक्ति हो र सामान्यतया यसले यरुसलेमलाई वा त्यहाँका बासिन्दाहरूलाई जनाउँछ।
