यसैया २७:१-१३
२७ त्यो दिन यहोवाले आफ्नो भयानक, क्रूर र बलियो तरबार लिनुहुनेछ;+घस्रँदै अनि घुम्रिँदै हिँड्ने सर्पअर्थात् लेवियातानमाथि* उहाँ जाइलाग्नुहुनेछ।समुद्रमा बस्ने त्यो विशाल जलजन्तुलाई उहाँले मार्नुहुनेछ।
२ त्यो दिन त्यस स्त्रीको* लागि यस्तो गीत गाऊ:“हेर, अङ्गुर बगानमा मद्य* बनिँदै छ!+
३ म यहोवाले त्यस बगानको सुरक्षा गरिरहेको छु।+म हरपल त्यसमा पानी लगाउँछु।+त्यसलाई कसैले हानि नपुऱ्याओस् भनेरम रातदिन पहरा दिन्छु।+
४ मेरो रिस मरिसकेको छ।+त्यसमा काँडेझार र सामा छरेर कसले मसित जोरी खोज्न सक्छ?म ती काँडेझार र सामालाई कुल्चेर आगो लगाइदिनेछु।
५ होइन भने उसले मेरो किल्लामा आएर शरण लेओस्।उसले मसित मिलाप गरोस्,हो, उसले मिलाप गरोस्।”
६ आगामी दिनहरूमा याकुबले जरा गाड्नेछ।इस्राएल फक्रनेछ र त्यसले फल फलाउनेछ;+तिनीहरूले आफ्नो उब्जनीले देश भर्नेछन्।+
७ त्यसलाई हिर्काउनेले जति जोडले हिर्कायो, त्यति जोडले हिर्काउनुपर्थ्यो र?त्यसलाई प्रहार गरेर ज्यान लिनेले के त्यसरी त्यसको ज्यान खोस्नुहुन्थ्यो र?
८ तपाईँले त्यस स्त्रीलाई ठूलो स्वरले हपारेर धपाउनुहुनेछ।पूर्वीय बतास चल्ने दिनमा तपाईँले हावाको डरलाग्दो झोक्काले त्यसलाई उडाइदिनुहुनेछ।+
९ यसरी याकुबको गल्तीको प्रायश्चित गरिनेछ।+अनि उसको पाप पखालिँदा नतिजा यस्तो हुनेछ:उहाँले वेदीका सबै ढुङ्गालाईखरीढुङ्गालाई जस्तै धुलोपिठो पारिदिनुहुनेछ।त्यहाँ पवित्र खामाहरू* र धूपदानी केही बाँकी रहनेछैन।+
१० किनकि पर्खालले घेरिएको त्यो बलियो सहर उजाड छोडिनेछ।त्यहाँका चरनहरू निर्जन ठाउँजस्तै सुनसान हुनेछन्।+बाछाहरू त्यहाँ चर्नेछन् र ढल्कनेछन्अनि तिनीहरूले त्यसका हाँगाबिँगा लुछेर खानेछन्।+
११ त्यसका डाँठहरू सुकेपछिस्त्रीहरू आएर ती भाँच्नेछन्र ती झिँजा सल्काउनेछन्।किनकि यी मानिसहरू समझ नभएका मानिसहरू हुन्।+त्यसकारण तिनीहरूलाई बनाउनुहुनेले तिनीहरूलाई पटक्कै दया गर्नुहुनेछैन।तिनीहरूको रचना गर्नुहुनेले तिनीहरूमाथि कृपा देखाउनुहुनेछैन।+
१२ ए इस्राएलका मानिसहरू हो,+ त्यस दिन यहोवाले युफ्रेटिस नदीदेखि मिश्रको वादीसम्मका* फलहरू झारिदिनुहुनेछ+ र एक-एक गरी तिमीहरूलाई बटुल्नुहुनेछ।
१३ त्यो दिन ठूलो स्वरले सिङ फुकिनेछ+ अनि अस्सेरियामा+ नाश हुन लागेकाहरू र मिश्रमा+ तितरबितर भएकाहरू यरुसलेमको पवित्र डाँडामा आएर यहोवालाई दण्डवत् गर्नेछन्।+
फुटनोटहरू
^ यसले इस्राएललाई जनाएको हुन सक्छ। यहाँ इस्राएललाई स्त्रीलाई झैँ सम्बोधन गरिएको छ र अङ्गुर बगानसित तुलना गरिएको छ।
^ वा “फीँज निस्कने मद्य।”
