Kalunga omunahole ota vulu oku ku sila oshimpwiyu noku ku gamena sigo aluhe
Mbela owa halelela okukala muuyuni kaamu mu na iita, elongithonkondo nosho wo etopoko?
Mbela owa hala okukala muuyuni kaamu na uuwehame, okumona iihuna neso?
Mbela owa hala okukala kuuna we omaipulo niimpwiyu?
Mbela owa hala okukala mehala ihaamu adhika kiiponga mbyoka hayi holoka muunshitwe?
Kalunga ketu omunahole, Omushiti gwevi lyetu ewanawa, oku uvaneka kutya ota ka yambeka aantu nonkalamwenyo yi na ombili notayi nyanyudha sigo aluhe. Shika kashi shi ondjodhi.
Miitopolwa tayi landula, otatu ku hiya wu tale kiinima mbi:
Kombinga yankene Kalunga ha kala e uvitile aantu
Etumwalaka ndyoka Kalunga e tu nyolela
Kwaashoka aahunganeki yaKalunga ya holola kombinga yiinima iiwanawa mbyoka ha ningi note ke tu ningila
Shoka tu na okuninga opo tu kale twa nyanyukwa ngashingeyi notu ka mone omayambeko gaKalunga pethimbo lye
Natu taleni tango kutya Omushiti ohe tu pe iinima yini mbyoka tayi ulike kutya oku tu hole.
