“Songɔ kwa na dungɔ da.”—Misala ya Bantoma 24:15, Libongoli ya mokili ya sika.

Tɛnɛ ni na sangɔ ngunu bɛ mɔ na ngoi mɛ zo kpi ti mɔ.—2 Korinto 1:3, 4.

Mɔlo ka gbɛ mbɛ ti mbɛtɔ ti kwá mɔ si.—Aebre 2:15.

Nzɔ̃ dangɔ bɛ ti bombingɔ tɛrɛ fãni mɛndɛ̃́ na azi mɛ mɔ ndoye la mɛ a la kpili.—Yoanɛ 5:28, 29.

Ĩi, na ndombali a ngbondo tɛnɛ taa (3):

• Nzapa la li dungɔ lɛ ngɛ̃́. Ngbangɔ ili Yehova Nzapa ya “lingu ti dungɔ lɛ ngɛ̃́.” (Nzembo 36:9; Awa Pangɔ Kwa 17:24, 25) Zo mɛ ndo hɛ̃́ dungɔ lɛ ngɛ̃́ hɛ ye zu mɛ lɛlo ngɛ̃́ lolengbi ti diringɔ na dungɔ lɛ ngɛ̃́ hɛ̃́ wakwáni.

• Nzapa so ndó azi na ngoi ti uzu. Ngbangɔ su a tɛnɛ mwambe tɛ azi —a yangambi, a bange, a kɔli na a we, ala so ge lɛ sese. Ala mɛndɛ̃́ kpilindó ta a ninga ma, kɔi ka popo tɛrɛ la lo la ndo kaya du ti sɛndɛ bi siɔ (4)!—Yoanɛ 11:39-44.

• Nzapa na gwɛ̃ ti songɔ azi fani mɛndɛ̃́. Bɛ Yehova ndo sĩ na kwá, kwá adu wa kula. (1 Korinto 15:26) Lo na “gwɛ̃ kpengbani” ti nwɔ̃ngɔ wa kula ni ko, ti hongɔ lo na lége ti songɔ kwá. Azi ko la ka ya dangɔ bɛ tɛ Nzapa ko, lo na gwɛ̃ kpengbani ti diringɔ na ala lɛ la ngɛ̃́, lo ye nga ya ni hũ la lɛ la ngɛ̃́ ge lɛ sese fãni mɛndɛ̃́.—Yobo 14:14, 15.