Tla yakaj techtlajtoltia itlaj pampa yemelak kineki kimatis noso kineki kasikamatis tleka xtikneltokaj tlen yejua kineltoka, noneki ok iuan titlajtotoskej. Tiknekij tikinnojnotsaskej akin kinektokej “kipiyaskej nemilistli tlen xkeman tlamis” (Hech. 13:48).

San ika ¿tlenon uelis tikchiuas tla yejon tlaltikpakchane kualantok, san kineki mouan nokamauisokis noso xkineki mouan nonojnotsas? Kuakon, san kualtsin xkijli ika xok iuan timonojnotsas (Prov. 17:14). Kualtsin xkijli ika yetiauj. ¡Xtikmatij! Kanaj ika tlayekapan yejon tlaltikpakchane kinektos kikakis iTlajtol toTajtsin (1 Ped. 2:12).