¿Kineltokaj iteixpantijkauan Jehová Antiguo Testamento?
Kema. Tiiteixpantijkauan Jehová tikneltokaj ika nochi Biblia “itech Dios uajlitikaj, niman [...] techpaleuiya” (2 Timoteo 3:16). Kijtosneki, tlen miyekej kixmatij ken Antiguo Testamento niman Nuevo Testamento. Iteixpantijkauan Jehová kixmatij yejuin ome tlen onka ipan Biblia ken Tlajkuiloltin Hebreas niman Tlajkuiloltin Griegas. Ijkon tikintokayotiaj pampa xtiknekij manasikamati ika seki itech Biblia yopanok noso xok tepaleuiya.
¿Tleka akin tikchiuaj ken Cristo noneki matikpiyakan Antiguo Testamento niman Nuevo Testamento?
Pablo okiseli yejuin tlajtoltin itech toTajtsin niman okijkuilo: “Nochi tlen ye uejkaui onijkuiloj ipan on Yektlajkuilojli, onijkuiloj para techmachtia” (Romanos 15:4). Ika yejon, ipan Tlajkuiloltin Hebreas onka miyek tlen techpaleuiya. Seki tlen kuajkui techpaleuiya matikasikamatikan tlen yeuejkaui opanok niman tlajtoltin tlen techpaleuiyaj ipan tonemilis.
Tlen yeuejkaui opanok techpaleuiya. Tlajkuiloltin Hebreas tlajtoua itech nochi tlen opanok ijkuak toTajtsin otlachijchiuj niman ijkuak tlaltikpakchanejkej otlajtlakojkej. Tla xnoijkuiloskia nochi yejon, xtikmatiskiaj miyek tlemach ken yejuin tlajtoltilistin: ¿Kanon tiualeuaj? ¿Tleka timikij? (Génesis 2:7, 17). Noijki, ipan Tlajkuiloltin Hebreas uajnestiuj tlen toTajtsin Jehová okimijli tlaltikpakchanejkej akin okipixkej yolpakilistli niman tlemach okixnamijkej, ijkon ken tejuamej topan nochiua (Santiago 5:17).
Tlajtoltin tlen techpaleuiyaj. Amoxtin Proverbios niman Eclesiastés tlen uajlauej ipan Biblia, tlen tikinnextiaj ipan Tlajkuiloltin Hebreas, kipiyaj tlamachilistli tlen techpaleuiya ipan tonemilis. Tikinnextiaj tlajtolpaleuilistin itech kenon tinemiskej ika pakilistli iuan tochanejkauan (Proverbios 15:17), kenon titlanemiliskej itech totekiyo (Proverbios 10:4; Eclesiastés 4:6) niman kenon telpokamej kuajli kitekitiltiskej innemilis niman ijkon yolpakiskej (Eclesiastés 11:9–12:1).
Noijki, uelis techpaleuis tla tomachtiaj Tlanauatijli tlen okimakakej Moisés ijkon ken onotlali ipan Torá noso Pentateuco (kachtopa makuijli amoxtin itech Biblia). Maski akin tikchiuaj ken Cristo xnoneki matiktlakamatikan yejuin Tlanauatijli, tlajtolyekanalistin tlen kinpiya melak techpaleuiyaj matinemikan ika pakilistli ipan tonemilis (Levítico 19:18; Deuteronomio 6:5-7).
Puede que también le interese
ENSEÑANZAS IMPORTANTES DE LA BIBLIA
¿Akinon okichijchiuj Biblia?
Tla Biblia okijkuilojkej tlakamej, ¿tleka kitokayotiaj iTlajtol toTajtsin? ¿Akinon itlanemililuan tlen onka ipan Biblia?
TOTECHKOPA
Xteijli mamitstlajpalotij
Xkita tlen Biblia temachtia noso xmati más itech iteixpantijkauan Jehová.
TLEN MIYEKPA NOTLAJTOLTILO
¿Iteixpantijkauan Jehová kipiyaj Biblia tlen yejuamej kitekitiltiaj?
Tla tikintekitiltia okseki biblias ijkuak timomachtia uelis mitspaleuis tikasikamatis iTlajtol toTajtsin. Xkita yeyi tlemach tlen kipiya Traducción del Nuevo Mundo de las Santas Escrituras tlen uelis mitspaleuis ijkuak timomachtis.