UZimu wathembisa umphorofidi u-Abrahama ukuthi esinye seenzukulwana zakhe sizokulethela “zoke iinkoro zephasi” iimbusiso. (Genesisi 22:18) Ngubani isizukulwaneso?

Pheze eminyakeni ezii-2 000 edlulileko, uZimu wanikela uJesu obekasizukulwana saka-Abrahama, amandla wokwenza iimangaliso. Iimangaliswezo zatjengisa ukuthi isithembiso uZimu asithembisa u-Abrahama sizokuza ngoJesu.—Galatiya 3:14.

Iimangaliso ezenziwa nguJesu zenza abantu bakghona ukubona ukuthi nguye uZimu amkhethe bona abusise abantu begodu zitjengise nendlela uZimu azomsebenzisa ngayo ukubusisa abantu ngokungapheliko. Tjheja indlela iimangaliso zakaJesu ezitjengisa ngayo obunye ubuntu bakhe obuthandekako.

Umusa—UJesu walapha abagulako.

Umuntu ophethwe bulepheru wancenga uJesu bona amlaphe. UJesu wamthinta, wathi: “Ngiyathanda!” Msinyana ubulepheru basuka.—Markosi 1:40-42.

Ukuphana—UJesu wapha abantu abalambileko ukudla.

UJesu bekangafuni bona abantu balambe. Iinkhathi ezinengana, wasuthisa ngokusimangaliso iinkulungwana zabantu ngokwandisa izikwa ezimbalwa neemhlambi ezimbalwa. (Matewu 14:17-21; 15:32-38) Ngemva kokudla, boke basutha kwasala nokudla okunengi.

Isirhawu—UJesu wavusa abahlongakeleko

‘Amrhawukela,’ uJesu wavusa indodana ekukuphela kwayo yomfelokazi obekangasanamuntu ozomtlhogomela.—Lukasi 7:12-15.