AmaRhubo 108:1-13
Irhubo. Ingoma kaDavida.
108 Maye! Zimu ihliziywami idzimelele.
Ngizokubhinela iindumiso.+
2 Vuka wena sinara nawe haribha.+
Ngizokuvusa amathathakusa.
3 Maye! Jehova, ngizokudumisa hlangana neentjhaba,Ngizokubhinela iindumiso hlangana neentjhaba.
4 Ngombana ithando lakho* likhulu, lifika ezulwini,+Nokuthembeka kwakho kufika emkayini.
5 Maye! Zimu, phakanyiselwa ngaphezu kwezulu;Iphazimulwakho ayibe sephasini loke.+
6 Bona obathandako bahlengwe,Sisindisa ngesandla sakho sokudla bese ungiphendule.+
7 UZimu ukhulume ngokucwengeka kwakhe,* wathi:
“Ngizokuthaba, ngizokunikela ngeTjhekemu+ bona ibe lilifa,Ngilinganise nomRhoba weSukothi.+
8 IGiliyadi+ ngeyami noManase ngewami,U-Efrayimu usikoporo sehlokwami;+UJuda uyintongami yokubusa.+
9 UMowabi usisitja sami sokuhlamba.+
Ngizokuphosa ipatlagwana lami phezu kwe-Edomu.+
Ngizokurhuwelela ngethabo ngombana ngizokuhlula iFilista.”+
10 Ngubani ozongisa edorobheni elivikelekileko?
Ngubani ozonginqophisa bengiyokufika e-Edomu?+
11 Maye! Zimu akusuwe na osilahlileko,Zimethu ongasakhambi namabuthwethu?+
12 Sisiza ekugandelelekeni kwethu,+Ngombana ukusindiswa babantu akusizi ngalitho.+
13 UZimu uzosipha amandla,+Begodu uzokugadanga amanabethu.+
Imitlolo Ephasi
^ Namkha “ithando lakho elithembekileko.”
^ Namkha kungenzeka “asendawenakhe ecwengileko.”
