AmaRhubo 109:1-31
Kumnqophisi. Irhubo lakaDavida. Ingoma.
109 Maye! Zimu engimdumisako,+ ungahlali uthulile.
2 Ngombana abakhohlakeleko nabanamala bavula imilomabo malungana nami.
Bakhuluma amala ngami;+
3 Bangibhode ngamezwi ahlabako,Bangisahlela ngaphandle kwesizathu.+
4 Bayangisola ngebanga lethando lami;+Kodwana ngiragela phambili ngithandaza.
5 Bangibuyiselela okuhle ngokumbi+Bayangihloya ngebanga lethando lami.+
6 Beka umuntu okhohlakeleko phezu kwenaba lami;*Kwanga ummangaleli angajama ngesandleni sakhe sokudla.
7 Nakahlulelwako kwanga angafunyanwa amlandu;Ngitjho nomthandazwakhe kwanga ungaqalwa njengesenzo esisisono.+
8 Amalangakhe awabe mbalwa;+Isikhundla sakhe sobutlhogomeli asithathwe ngomunye.+
9 Abantwabakhe abangabi nabobaba,Nomkakhe abe mhlolokazi.
10 Kwanga abantwabakhe bangazulazula bakhambe babawa,Bafune ukudla, bahlale nemarubhini.
11 Kwanga umuntu amkolodako angathatha koke anakho,Kwanga abantu angabaziko bangazithathela ipahlakhe.
12 Akungabi nomuntu obarhawukelako,*Begodu akungabi nomuntu oba nomusa ebantwaneni bakhe abanganababa.
13 Iinzukulwana zakhe azibulawe;+Kwanga igama lazo lingasulwa lingasaba khona bona isizukulwana esilandelako singazi ngalo.
14 UJehova akakhumbule umtjhapho wabokhokho bakhe,+Kwanga nesono sakanina singahlala singasulwa.
15 Kwanga uJehova angahlala akhumbula lokho abakwenzileko;Kwanga namagamabo angahlala angakhunjulwa ephasini.+
16 Ngombana akhenge akhumbule ukuba nesirhawu,*+
Kodwana bekasolo afunana nomuntu ogandelelekileko,+ otlhagileko nonehliziyo ephukilekoBona ambulale.+
17 Bekathanda ukuqalekisa abanye begodu ngilokho okwamehlelako;Bekangafuni ukubusisa abanye begodu akhenge afumane isibusiso.
18 Iinqalekiso ebekazikhupha ngomlomakhe bezinjengesambatho sakhe.
Begodu zathelwa phezu kwakhe njengamanzi,Emathanjenakhe njengamafutha.
19 Kwanga iinqalekiso zakhe zingaba njengesambatho aziphuthela ngaso+Nanjengebhande ahlala alibophile.
20 Le yindlela uJehova ajezisa ngayo ongisolako+Nalabo abakhuluma izinto ezimbi malungana nami.
21 Kodwana wena Jehova Kosi ePhakemeko,Ngisiza ngebanga legama lakho.+
Ngihlenga ngombana ithando lakho elithembekileko lihle.+
22 Ngombana anginamandla begodu ngitlhagile,+Ihliziywami ilimele.+
23 Ngiyatjhabalala njengesithunzi esinyamalala kancanikancani;Ngisuswe njengentethe.
24 Amadolwami aphelelwa mamandla ngebanga lokuzila ukudla;Ngondile begodu ngiyaphela.*
25 Sengiphenduke into yokunyefulwa.+
Nabangibonako banikina iinhloko zabo.+
26 Maye! Jehova Zimami, ngisiza;Ngisindisa ngethando lakho elithembekileko.
27 Kwanga bangalemuka ukuthi lokhu kungebanga lesandla sakho;Bona nguwe Jehova okwenzileko.
28 Abaqalekise kodwana wena busisa.
Abahlaziswe lokha nabasikimako bona balwe nami,Incekwakho ayithabe.
29 Abangisolako abambathiswe ihlazo;Kwanga bangaphuthelwa ngehlazo labo ngasuthi bambethe ijasi enganamikhono.+
30 Umlomami uzokudumisa uJehova ngetjiseko;Ngizomdumisa phambi kwabantu abanengi.+
31 Ngombana uzokujama ngesandleni sokudla sotlhagakoBona amsindise kilabo abamsolako.
Imitlolo Ephasi
^ NgesiHebheru, “kwakhe.”
^ Namkha “oba nethando elithembekileko.”
^ Namkha “nethando elithembekileko.”
^ NgesiHebheru, “Nginomzimba omncani, anginamafutha.”
