AmaRhubo 143:1-12
Ingoma kaDavida.
143 Maye! Jehova, yizwa umthandazwami;+Ngilalela nangibawa isizo.
Ngiphendula ngokuthembeka kwakho nangokulunga kwakho.
2 Ngiyincekwakho ungangahluleli,Ngombana akunamuntu onganamlandu emehlwenakho.+
3 Ngombana inaba liyangigijimisa;Lingigandelele begodu langihlula.
Lingenze ngahlala ebumnyameni njengalabo abahlongakala kade.
4 Ngiphelelwa mamandla;+Ihliziywami ayisezwa ubuhlungu.+
5 Ngikhumbula amalanga wekadeni;Ngizindla ngemisebenzakho yoke;+Ngizindla* ngomsebenzi wezandla zakho ngehliziywami yoke.
6 Ngilulela izandla zami kuwe;Ngifana nenarha eyomileko, eyomele wena.+ (Sela)
7 Maye! Jehova, ngiphendula msinya;+Amandlami aphelile.+
Ungangifihleli ubuso bakho,+Nakungasi njalo ngizokufana nalabo abehlela ethuneni.*+
8 Ngenza ngizwe ithando lakho elithembekileko ekuseni,Ngombana ngithembele kuwe.
Ngenza ngazi indlela ekufuze ngikhambe kiyo,+Ngombana ngiqala kuwe.
9 Maye! Jehova, ngihlenga emanabenami.
Ngiphephela kuwe.+
10 Ngifundisa ukwenza intandwakho,+Ngombana unguZimami.
Ummoyakho ulungile;Kwanga unganginqophisela enarheni yokulunga.
11 Maye! Jehova, ngiphilisa ngebanga legama lakho.
Ngihlenga ekugandelelekeni ngokulunga kwakho.+
12 Qeda amanabami ngethando lakho elithembekileko;+Tjhabalalisa boke abangihlukumezako,+Ngombana ngiyincekwakho.+
