AmaRhubo 24:1-10
-
Ikosi ephazimulako ingena emasangweni
-
‘Iphasi ngelakaJehova’ (1)
-
Irhubo lakaDavida. Ingoma.
24 Iphasi nakho koke okukilo ngekwakaJehova,+Inarha nalabo abahlala kiyo.
2 Ngombana walihloma ngokuqinileko phezu kwamalwandle+Walijamisa phezu kwemilambo.
3 Ngubani ongakhuphukela entabeni kaJehova,+Begodu ngubani ongajama endawenakhe ecwengileko?
4 Nginanyana ngubani onezandla ezinganamlandu nehliziyo emsulwa,+Ongakhenge enze isifungo esimamala ngokuphila kwami,*Namkha enze isifungo esiyikohliso.+
5 Uzokufumana iimbusiso ezivela kuJehova+Nokulunga okuvela* kuZimakhe wesindiso.+
6 Lesi sizukulwana salabo abamfunako,Labo abafuna ubuso bakho, Zimu kaJakopo. (Sela)
7 Phakamisani iinhloko zenu, nina masango;+Vulekani nina minyango yekadeni,Bona iKosi ephazimulako ingene!+
8 Ngubani iKosi ephazimulako le?
NguJehova, onamandla noyingorho,+NguJehova, oyingorho epini.+
9 Phakamisani iinhloko zenu, nina masango;+Vulekani nina minyango yekadeni,Bona iKosi ephazimulako ingene!
10 Ngubani iKosi ephazimulako le?
UJehova wamabutho, nguye iKosi ephazimulako.+ (Sela)
Imitlolo Ephasi
^ Namkha “ngomphefumulwami,” kuqalisele ekuphileni kwakaJehova umuntu afunga ngakho.
^ Namkha “Nobulungiswa obuvela.”
