AmaRhubo 27:1-14
Irhubo lakaDavida.
27 UJehova usibani sami+ nesindiswami.
Ngizokusaba bani?+
UJehova uyindawo evikelekileko yokuphila kwami.+
Ngubani ozongibethisa ivalo?
2 Lokha abantu abambi nabangisahlelako bona bangirhiribidele,+Abantu abangiphikisako namanabami ngibo abakhubekako begodu bawa.
3 Nanyana ibutho lingahloma ikampa lingibhode,Ihliziywami angeze isabe.+
Nanyana ipi ingaqalana nami,Nalapho ngizokuhlala ngithemba wena.
4 Yinye into engiyibawe kuJehova,Ngiyo engizoyilulukela,Kukobana ngihlale endlini kaJehova woke amalanga wokuphila kwami,+Ngibukele ubuhle bakaJehovaNgizokuthaba nangiqala nethempeli lakhe.*+
5 Ngombana uzongifihla ngendlinakhe ngelanga lehlekelele;+Uzongibhacisa endaweni efihlekileko ngetendeni lakhe;+Uzongibeka phezulu edwaleni.+
6 Njenganje ihlokwami ingaphezu kwamanabami angibhodileko;Ngizokwenza imihlatjelo etendenakhe ngirhuwelele ngethabo;Ngizokubhinela uJehova iindumiso.
7 Maye! Jehova, yewungizwe nangililako;+Yiba nomusa kimi ungiphendule.+
8 Ihliziywami nayikukhulumelako, ithe:
“Funani ubuso bami.”
Maye! Jehova, ngizobufuna ubuso bakho.+
9 Ungangifihleli ubuso bakho.+
Ungajikisi incekwakho ngelaka lakho.
Ungumsizami;+Ungangilahli namkha ungitjhiye, Zimami wesindiso.
10 Ngitjho nanyana ubaba nomma bangangitjhiya,+UJehova ngokwakhe uzongamukela.+
11 Maye! Jehova, ngifundisa indlelakho,+Nginqophisa endleleni yokulunga ngebanga lamanabami.
12 Unganginikeli ebantwini abaphikisana nami,+Ngombana kuvuke ubufakazi obumamala ngami,+Begodu bangithusela ngenturhu.
13 Ngangikuphi ngathana bengingakholwaUkuthi ngizokubona ubuhle bakaJehova enarheni yabaphilako?*+
14 Thembela kuJehova;+Iba nesibindi bese uqine.+
Iye, thembela kuJehova.
Imitlolo Ephasi
^ Namkha “indawakhe ecwengileko.”
^ Namkha kungenzeka “Ngokuqinisekileko ngiyakholwa ukuthi ngizokubona ubuhle bakaJehova enarheni yabaphilako.”
