AmaRhubo 3:1-8

  • Ukuthembela kuZimu naphezu kwengozi

    • ‘Kubayini kunamanaba amanengi kangaka?’ (1)

    • “Maye! Jehova, wena umsindisi” (8)

Ingoma kaDavida nakabaleka u-Absalomu indodanakhe. 3  Maye! Jehova, kubayini amanabami abe manengi kangaka?+ Kubayini babanengi kangaka abalwa nami?+  2  Abanengi bathi ngami: “UZimu angeze amsindise.”+ (Sela)*  3  Kodwana wena Jehova, usiviko sami mazombe,+Uyiphazimulwami,+ uphakamisa nehlokwami.+  4  Ngizokubiza uJehova ngelizwi eliphezulu,Uzongiphendula asentabenakhe ecwengileko.+ (Sela)  5  Ngizokulala;Ngivuke ngivikelekile,Ngombana uJehova usolo angisekela.+  6  Angiwasabi amatjhumi weenkulungwanaArhemele ukuzokulwa nami mahlangothi woke.+  7  Ngilwela Jehova! Ngisindisa+ Zimami! Ngombana uzokubetha woke amanabami emhlathini;Uzokuphula amazinyo wabakhohlakeleko.+  8  Maye! Jehova,+ wena umsindisi. Isibusiso sakho siphezu kwabantu bakho. (Sela)

Imitlolo Ephasi

NEW WORLD TRANSLATION OF THE HOLY SCRIPTURES (2013 REVISION)
AmaRhubo 3
IsiNdebele
Funda IBhayibheli Ku-Inthanethi
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt k. 40