AmaRhubo 35:1-28
Irhubo lakaDavida.
35 Maye! Jehova, ngivikela lokha abaphikisi bami nabangimangalelako;+Yilwa nalabo abalwa nami.+
2 Thatha isiviko sakho esincani* nesikhulu,+Uze uzongivikela.+
3 Phakamisela abangigijimisako umkhontwakho nezembe* lepi.+
Ithi kimi: “Ngiyisindiswakho.”+
4 Kwangathi labo abazuma ukuphila kwami bangahlaziswa bebarhubutjhwe.+
Kwangathi labo abaluka amano wokungibhubhisa bangahlehla bahlazisekile.
5 Kwangathi bangaba njengeenhluba eziphetjhulwa mumoya;Kwangathi ingilozi kaJehova ingabaqotha.+
6 Ingilozi kaJehova nayibagijimisako,Kwangathi indlelabo ingaba mnyama beyitjhelele
7 Bafihle inede bona bangithiye ngayo ngaphandle kwesizathu;Bangembele umgodi bona bangibambe ngaphandle kwesizathu.
8 Kwangathi angehlelwa yihlekelele angakalindeli;Kwangathi inede ebekayifihlile ingabamba yena;Kwangathi angawela kiyo abhubhe.+
9 Kodwana mina ngizokuthaba kuJehova;Ngizokuthaba ngesindiswakhe.
10 Woke amathambami azokuthi:
“Maye! Jehova, ngubani onjengawe?
Uhlangula abanganasizo kilabo abanamandla,+Abanganamsizi nabatlhagako kilabo ababadlelezelako.”+
11 Kuvela abofakazi abafuna ukungilimaza,+Bangibuza ngezinto engingazi litho ngazo.
12 Babuyisela okuhle kwami ngokumbi,+Bangenza ngizizwe ngasuthi ngifelwe.
13 Kodwana bona nabagulako, ngambatha umgodla;Ngazihlunguphaza ngokuzila ukudla,Begodu imithandazwami nayibuya ingakaphendulwa,
14 Ngakhamba ngilila ngasuthi ngihlongakalelwe mngani namkha umfowethu;Ngakhothama ngesizi, njengomuntu ohlongakalelwe ngunina.
15 Kodwana mina nangikhutjwako, bathaba bebabuthana;Babuthana bona bangikhukhuthele bangibulale;Bangirathula ngaba ziinquqwana begodu akhenge bathule.
16 Abangahloniphi uZimu bayanginyefula bebangihleke ubudlhadlha,*Bayasilingeka nabangibonako.*+
17 Maye! Jehova, uzokubukela bekube nini?+
Ngisindisa nabangisahlelako,+Sindisa ukuphila kwami okuligugu emabhubezini amancani.+
18 Mina-ke ngizokuthokoza ebandleni elikhulu;+Ngizokudumisa hlangana neenqubuthu zabantu.
19 Ungavumeli labo abanganasizathu sokuba manabami bathabe ngami;Ungavumeli labo abangihloya ngaphandle kwesizathu+ bancinzelane amehlo ngehloso yokulimaza.+
20 Ngombana abakhulumi amezwi wokuthula,Kodwana balukela abantu abanokuthula amano ngekohliso.+
21 Bavula imilomabo khulu bangibeke umlandu,Bathi: “Vele! Vele! Sizibonele ngawethu.”
22 Maye! Jehova ukubonile lokhu. Ungahlali uthulile.+
Maye! Jehova, ungahlaleli kude nami.+
23 Vuka, uze uzongivikela,Zimami, Jehova, ngivikela nangimangalelwako.
24 Maye! Jehova Zimami, ngahlulela ngokuya ngokulunga kwakho;+Ungabavumeli bathabe ngami.
25 Ungabavumeli bathi eenhliziyweni zabo: “Arha! Sikufumene ebesikufuna.”
Ungabavumeli bathi: “Simginyile.”+
26 Abaphathiswe iinhloni boke begodu bahlaziswe,Labo abathaba ngehlekelelami.
Abambathiswe ihlazo barhubutjheke labo abacabanga ukuthi bangcono kunami.
27 Kodwana labo abathatjiswa kulunga kwami abarhuwelele ngethabo;Kwanga bangahlala bathi:
“Akadunyiswe uJehova, othatjiswa kuthula kwencekwakhe.”+
28 Ngalokho ilimu lami lizokukhuluma* ngokulunga kwakho+Bese likudumise ilanga loke.
Imitlolo Ephasi
^ Kanengi esiphathwa baphathi bemisubela.
^ Namkha “nezembe elikapa mahlangothi womabili.”
^ NgesiHebheru, “Bangiqinisela amazinyo bona balwe nami.”
^ Namkha kungenzeka “banginyefulela ikhekhe.”
^ Namkha “lizokuzindla.”
