AmaRhubo 36:1-12
Kumnqophisi. Irhubo lenceku kaJehova uDavida.
36 Ubumbi bukhuluma nokhohlakeleko ekuzikeni kwehliziywakhe;Akukho ukusaba uZimu phambi kwamehlwakhe.+
2 Ngombana uzibona angcono khulu
Ukuthi angabona umtjhaphwakhe begodu awuhloye.+
3 Amezwi aphuma emlonyenakhe ayalimaza begodu ayakhohlisa;Akanalemuko lokwenza okuhle.
4 Uluka amano alimazako ngitjho nembhedenakhe.
Uzimisele ukuhlala endleleni engasiyihle;Akakwali okumbi.
5 Maye! Jehova, ithando lakho* lifika ezulwini,+Ukuthembeka kwakho kufika emafini.
6 Ukulunga kwakho kunjengeentaba ezikulu;*+Izahlulelo zakho zinjengamanzi amanengi azikileko.+
Maye! Jehova, uvikela* umuntu nesibandana.+
7 Maye! Zimu, ithando lakho* liligugu kwamambala!+
Amadodana wabantu aphephela emthunzini wamaphikwakho.+
8 Asela aneliseke ezintweni ezinothileko zendlwakho,+Begodu uwenza asele emlanjeni wobuhle bakho.+
9 Wena umthombo wokuphila;+Ngokukhanya kwakho singabona ukukhanya.+
10 Ragela phambili uthanda* labo abakwaziko,+Nokulunga kwakho kilabo abalungileko ehliziyweni.+
11 Ungavumeli inyawo labazikhakhazisako lingigadangeNamkha isandla sabakhohlakeleko singiqothe.
12 Khonapho abenza okumbi bawile;Badulwe phasi begodu angekhe bavuke.+
Imitlolo Ephasi
^ Namkha “ithando lakho elithembekileko.”
^ NgesiHebheru, “kunjengeentaba zakaZimu.”
^ Namkha “usindisa.”
^ Namkha “ithando lakho elithembekileko.”
^ Namkha “uthanda ngokuthembekileko.”
