AmaRhubo 66:1-20
Kumnqophisi. Ingoma. Irhubo.
66 Loke iphasi alirhuwelele kuZimu ngethabo.+
2 Bhinelani igama lakhe eliphazimulako iindumiso.
Mphazimuliseni ngendumiso.+
3 Ithini kuZimu: “Qala bona ibabazeka kangangani imisebenzakho!+
Ngebanga lamandlakho amakhulu,Amanabakho azokutjhotjhobana phambi kwakho.+
4 Iphasi loke lizokukhothamela;+Lizokubhinela iindumiso;Lizokubhinela igama lakho iindumiso.”+ (Sela)
5 Izani nizokubona imisebenzi kaZimu.
Lokho akwenzele amadodana wabantu kuyababazeka.+
6 Watjhugulula ilwandle laba yihlabathi eyomileko;+Bayama umlambo ngeenyawo.+
Sathaba lapho ngebanga lakhe.+
7 Ubusa ngamandlakhe isiphelani.+
Amehlwakhe asolo aqale iintjhaba.+
Abanekani kufuze bangazikhakhazisi.+ (Sela)
8 Dumisani uZimethu, nina ntjhaba,+Akuzwakale itjhada lokumdumisa.
9 Uvikela ukuphila kwethu;+Akavumeli iinyawo zethu zikhutjhwe.+
10 Ngombana usihlolisisile Zimu;+Njengombana isiliva itsengwa, nathi usitsengile.
11 Usibambe ngenede yokuzuma;Usithwese umthwalo osigandelelako.
12 Uvumele abantu bona basigadange;Sadlula emlilweni nemanzini;Ngemva kwalokho, wasiletha endaweni yokuphumula.
13 Ngizokuza ngendlinakho neminikelo etjhiswako epheleleko;+Ngizokwenza engikufunge kuwe+
14 Lokho iindebe zami ezikuthembisileko+Begodu nomlomami wakutjho ngesikhathi ngigandelelekile.
15 Ngizokwenzela iminikelo etjhiswako yeenlwana ezinonisiweko*
Ngentuthu yemihlatjelo yamaramu.
Ngizokunikela ngeenkunzi nangeempongo. (Sela)
16 Yizani nilalele, noke nina enisaba uZimu,Ngizonitjela lokho angenzele khona.+
17 Ngambiza ngomlomamiNgamphazimulisa ngelimu lami.
18 Ngathana bengifukamele into elimazako ngehliziywenami,UJehova bengekhe angizwe.+
19 Kodwana uZimu wangizwa;+Wawulalelisisa umthandazwami.+
20 Akadunyiswe uZimu, ongakhenge awuphayele eqadi umthandazwamiNamkha angidime ithando lakhe elithembekileko.
Imitlolo Ephasi
^ NgesiHebheru, “ezinonileko.”
