AmaRhubo 77:1-20
Kumnqophisi; ngendlela kaJedutuni.* Irhubo laka-Asafa. Ingoma.
77 Ngizokurhuwelela ngililele uZimu;Ngizokulilela uZimu begodu uzongizwa.+
2 Ngelanga lokugandeleleka kwami ngifuna uJehova.+
Ebusuku ngihlala ngilulele izandla zami kuye.
Angiduduzeki.
3 Nangikhumbula uZimu ngiyaquma;+Ngitshwenyekile begodu ngiphelelwa mamandla.+ (Sela)
4 Ubamba iinkophe zami bona zingavaleki;Ngitshwenyekile begodu angikghoni ukukhuluma.
5 Ngicabanga izinto zakade khulu,+Iminyaka yamandulo.
6 Ebusuku ngikhumbula ingomami;+Ngiyacabangisisa ngehliziywenami;+Ngiyafunisisa.
7 Kghani uJehova uzosilahla isiphelani na?+
Kghani angeze asaba nomusa na?+
8 Kghani ithando lakhe elithembekileko liphelele safuthi?
Kghani iinzukulwana zoke angeze zikubone lokho akuthembisileko?
9 Kghani uZimu ukhohliwe ukuba nomusa,+Namkha ilaka lakhe limenze waphelelwa mumusa? (Sela)
10 Kghani kufuze ngisolo ngithi: “Nakhu okungitshwenyako:*+
OPhezukoke utjhugulule indlela asiqala ngayo”?
11 Ngizokukhumbula imisebenzi kaJah;Ngizokukhumbula izenzo zakho ezimangalisako zekadeni.
12 Ngizokucabangisisa ngayo yoke imisebenzakhoNgicabangisise ngezenzo zakho.
13 Maye! Zimu, iindlela zakho zicwengekile.
Maye! Zimu, ngimuphi uzimu omkhulu njengawe?+
14 UnguZimu weqiniso, owenza izinto ezimangalisako.+
Wenze iintjhaba zabona amandlakho.+
15 Uhlenge abantu bakho+ ngamandlakho,*Amadodana kaJakopo newakaJosefa. (Sela)
16 Maye! Zimu, amanzi akubona;Amanzi akubona atshwenyeka.+
Amanzi azikileko asilingeka.
17 Amafu athulula amanzi.
Isibhakabhaka esinamafu saduma,Begodu imisubelakho yaphaphela le nale.+
18 Itjhada lokuraramba kwakho+ belifana nelamavili wekarana;Ukuphazima kombani kwakhanyisa iphasi;+Iphasi ladengezela belasikinyeka.+
19 Indlelakho beyidlula elwandle,+Indledlanakho beyidlula emanzini amanengi;Kodwana umtlhalakho bewungabonakali.
20 Urhole abantu bakho njengomhlambi,+Batlhogonyelwa nguMosi no-Aroni.*+
Imitlolo Ephasi
^ Qala Ihlathululo.
^ Namkha “okungihlabako.”
^ NgesiHebheru, “ngesandla sakho.”
^ NgesiHebheru, “Ngesandla sakaMosi no-Aroni.”
