1. Motho ne a tshwanele go maka ying mo a nyaka go bolabola le kgoši ya Pheresiya?

TLA re fo re 2 500 ya mengwaga ya go feta ke mo o dula ga naga yo ba reng ke Pheresiya. Byalo, o nyaka go bolabola le kgoši ka taba ye nngwana, ke mokane ke wene yenene wa rwalagana o ya mošate wa Shushane. Mara taba ke gore o ka sa kene ka ku ga kgoši yi sa go bitsa, di nyaka o thomise ka go kgopela go bolabola nayo ke mokane yi dumele. Mo o ka fo ya, le go bolayiwa o ka bolayiwa!—Esit. 4:11.

2. Jehova o nyaka re tikwa byang ka taba ya go bolabola naye?

² Re leboga ka matla wa tšiba gore Jehova aa tshwane le kgoši yela ya Pheresiya! Jehova o mong ku malenghelengheng, o feta kgoši ye nngwana le ye nngwana ho lefaseng, mara aa re rakele mo re nyaka go bolabola naye ka nako ye nngwana le ye nngwana. O nyaka re lokologe mo re nyaka go bolabola naye. Mo re beyisa, le mo Jehova ba re ke ye a makiyeng dilo ka mokana ga tsona, wa Matšhika ka moka le Morena ye Mogolo, mara o nyaka gore re mmitse re re ke “Papa.” (Mat. 6:9) Ye lune, phela taba ya gore Jehova o nyaka re tikwe re šutele thina naye yi ro jabodisa ka matla wa tšiba!

3. Ke ntaba re ko ba re sa yi lahle mo re re Jehova ke “Papa,” fote hlogotaba yowa yi nyoko bolabola ka ying?

³ Re ko ba re sa yi lahle mo re re Jehova ke “Papa” ka taba la gore ke yene ye a re neyyeng lephelo. (Pis. 36:9) Taba ya gore Jehova ke Papa wa rune yi re tšhofa gore re mo theetsele. Mo re maka tso a re botsang gore re di make, re nyoko jabolela tso a ko bang a re rufa ka tsona. (Maheb. 12:9) Tso re nyoko rufiwang ka tsona ke lephelo la go ya go yye mo lefaseng kela legedimong. Mara le gana byalo go na le tsa go jabodisa tso a re rufang ka tsona. Hlogotaba yowa yi nyoko bolabola gore Jehova o šupetsa ka ying gana byalo gore ke Papa wa go re nyaka ka matla le gore ke ntaba re sa kamake  gore a ka sa re lahle le ka letšatši ka lloši. Mara sa mathomo, tla re bolaboleneng gore ke ntaba re sa kamake gore Papa wa rune wa magedimong o re nyaka ka matla fote wa re pasopa.

4. Ke ntaba ba bangwana ba kwa di roba go bitsa Jehova gore ke Papa?

⁴ Ayitsano o kwa di roba go tseya Modimo go le Papago? Ba bangwana ba fo bona nkare ke bona ditšiya mo ba nagana ka mokgo Jehova a leng ka gona. Ba kwa ba sa yi tshepe taba ya gore Modimo wa Matšhika ka moka wa tihlupa ka motho ye mongwana le ye mongwana. Nnete ke gore Papa wa rune wa gore o re nyaka ka matla aa nyake re tikwa ka mokgonone. O re neyye lephelo fote o nyaka gore re be le senghana sa gabutši naye. Mo Pawulo wa lepostola a beya nnete ya taba ga bo ne ba mo theetsele ku Athene a bolabola ka Jehova o re, “aa kgole le ye mongwana le ye mongwana wa rune.” (Meber. 17:24-29) Modimo o nyaka gore ye mongwana le ye mongwana a bolabole naye go fo tshwana le mo ngwananyana a sa tšhabe go bolabola le mmelegi wa gore o mo nyaka ka matla fote wa mo pasopa.

5. King so re se tšhutang ga tso di yyeng tsa tlela mogageru ye mongwana wa mosadi?

⁵ Ba bangwana ba ka kwa di thathafa go tseya Jehova go le Papa ka taba la gore le mong bo papa ba go ba belega ba makiye ka go nyana kela a baa maka selo sa go šupetsa gore baa ba nyaka. Tseya ka so se bolabodiyeng ke mogageru ye mongwana wa mosadi. O re, “Papaka ke mo a hlupa stereka. Mo ke thoma go tšhuta Baebele, ke mo di se lula go tikwa ke le thina le Papa wa legedimong. Mara ka nthago ga gore ke tšibe Jehova gabutši, tsone ka moka di yye tsa tšhentšha.” Ayitsano le wene o tikwa ka mokgonone? Mo nkare go sone, di tšibe gore le wene o ka di kgona go tseya Jehova go le Papa wa go ba phala ka moka.

6. Matewu 11:27 yi re se sengwana so Jehova a se makiyeng gore re mo tseye go le Papa wa rune wa gore o re nyaka ka matla ke sefeng?

⁶ Selo se sengwana so Jehova a se makiyeng gore re thogo mo tseya go le Papa wa gore o re nyaka ka matla ke taba ya gore o makiye gore tso Jeso a di bolabodiyeng le tso a di makiyeng di ngwadiwe ka Baebeleng. (Bala Matewu 11:27.) Jeso o yye a šupetsa gore o di tsere ka moka tsa Papage la go šinya a re: “Ye a bonneng nna, o bonne le Papa.” (Joh. 14:9) Ga go tlala Jeso o bolabodiye ka dilo tso Jehova a di makiyeng tso di šupetsang gore ke Papa. Ga Diebangedi ka dine, Jeso o berekisiye lentsu lowa “Papa” go segela gana hala ga 165 a bolabola ka Jehova. Ke ntaba Jeso a yye a bolabola ga tleletlele ka mokgo ka Jehova? Ka taba la gore ke mo a nyaka gore batho ba di tšibe gabutši gore Jehova ke Papa wa gore o re nyaka ka matla.—Joh. 17:25, 26.

7. Re tšhuta ying ga taba ya ka mokgo Jehova a yyeng a tshwara Morwayi wage ka gona?

⁷ Lebelela gore Jehova ne a mo tshwara byang ga Morwayi wage, Jeso. Jehova ke mo a dula a theetsela merapelo ya Jeso. Ke mo a sa fo theetsela merapelo yage, mara ke mo a yi fetola. (Joh. 11:41, 42) Le mo Jeso ne a gahlana le tsa go mo ghula, ke mo a di bona gore Papage o mo nyaka ka matla fote wa mo thega.—Luk. 22:42, 43.

8. Jehova o yye a neya Jeso tso ne a di gayela ka mokgo mang?

⁸ Jeso ke mo a di tšiba gabutši gore Papage ke yene ye a mo makiyeng fote ke yene ye a makang gore a ye mahlong a kene a phela, nka taba lo a bolabodiyeng gore: “Ke phela ka taba la Papa.” (Joh. 6:57) Jeso ke mo a tshepa Papage ka pelo yage ka mokana ga yona fote Jehova o yye a mo neya tso ne a di gayela. Sa go phala dilo ka mokana ga tsona ke gore Jehova o yye a gelepa Jeso gore a dule a tshepega gage.—Mat. 4:4.

9. Ka mokgo Jehova ne a tshwara Jeso ka gona, o šupetsiye byang gore ke Papa wa gore o re nyaka ka matla fote wa re pasopa?

⁹ Jehova ke Papa wa gore o re nyaka ka matla, sosone se makiye gore Jeso a sa kamake gore Papage wa mo thega. (Mat. 26:53; Joh. 8:16) Le mo Jehova a sa thiba dilo ka mokana ga tsona tsa gore di yye tsa kwaletsa Jeso, mara o yye a mo gelepa gore a tiyisele ga tso ne di mo ghula. Jeso  ke mo a di tšiba gore tsa go mo ghula tso ne a gahlana natso go fo ba tsa nakonyana. (Maheb. 12:2) Mo Jehova a theetsela Jeso, a mo neya tso a di gayelang, a mo tšhutisa, a boya a mo thega, o šupetsiye gabutši gore o hlupega ka matla ka yene. (Joh. 5:20; 8:28) Tla re boneneng gore rune, Papa wa rune wa legedimong o re pasopa byang.

10. Pisalema 66:19, 20 yi re Jehova o šupetsa ka mokgo mang gore o re nyaka ka matla?

¹⁰ Jehova o theetsela merapelo ya rune. (Bala Pisalema 66:19, 20.) Aa nyake re balela gore re šele re rapele ga kaye, mara o re kgopela gore re mo rapele ga tleletlele. (1 Mathes. 5:17) Re ka rapela Modimo wa rune nako ye nngwana le ye nngwana, a go na taba gore re kaye. Aa dule a tshwaraganne la gore a ka šitega go re theetsela; o dula a le gona gore a theetsele mo re mo rapela. Mo re di bona gore Jehova o theetsela merapelo ya rune, sosone se nyoko maka gore re mo nyake ka matla. Mopisalema o yitseri: “Ga Jehova ke mo nyaka ka matla, ka taba la gore wa nkwa mo ke bolabola naye.”—Pis. 116:1.

11. Jehova o fetola merapelo ya rune ka mokgo mang?

¹¹ Phela Papa wa rune aa fo theetsela merapelo ya rune mara o boya a ro yi fetola. Johane wa lepostola o re hlayisela gore: ‘Le mo go ka fo ba go le ying tso re di kgopelang ga Modimo, solanka di yelana le tso a di nyakang, wa re kwa.’ (1 Joh. 5:14, 15) Nnete ke gore Jehova a ka fo sa fetole merapelo ya rune ka mokgo re naganneng ka gona. Ke yene ye a tšibang tso di re tshwaneleng, byalo ka dinako tse dingwana a ka fo re e-e kela a nyaka gore re tšwe re yemme nyana.—2 Makor. 12:7-9.

12-13. Papa wa rune wa legedimong o re pasopa ka mokgo mang?

¹² Jehova o re neya tso re di hlokang. O maka dilo ka mokana ga tsona tso a nyakang gore bo papa ba di make. (1 Thim. 5:8) O neya bana bage dilo tso ba di hlokang gore ba thogo phela. Aa nyake re šekedisa ke gore re nyoko ja ying, re nyoko tšwara ying le gore re nyoko dula kaye. (Mat. 6:32, 33; 7:11) Jehova o tshwana le mmelegi wa gore bana bage o ba nyaka ka matla, le yene o makiye se sengwana le se sengwana gore re sa hlupege ka selo ku mahlong.

¹³ Selo se segolo ka matla so Jehova a re makelang sona ke gore senghana sa rune naye se dule se tiyye. O berekisa Lentsu lage gore batho ba tšibe nnete ka yene, tso a tikemiseleng go di maka, go tšiba gore gabutšibutši re phelela ying le tso di nyoko makegang ku mahlong. Taba ya gore Modimo o berekisiye babelegi ba rune kela motho ye mongwana gore a re tšhutise nnete ka yene, yi šupetsa gabutši gore aa re takisi mahlo. Fote o re gelepa a berekisa bagolo ba ka ho phutegong le magageru ya gore ma butšwiye. Go tokegela gana hone, Jehova o re tšhutisa a berekisa megahlano ya phutego, ya gore re tšhuta re na le magageru. Dilo tsowa ka mokana ga tsona le tse dingwana tso Jehova a di makang, di šupetsa gabutši gore ke Papa wa gore o re nyaka ka mokana ga rune.—Pis. 32:8.

14. Ke ntaba Jehova a re tšhutisa fote tsotsone o di maka byang?

¹⁴ Jehova wa re tšhutisa. Jeso ke mo a felegelele, mara rune a ra felegelela. Byalo, mokgwa wo mongwana wo Papa wa rune wa gore o re nyaka ka matla a re tšhutisang ka wona ke wa gore mo di nyaka gore a re wolole, wa re wolola. Lentsu lage le re gopotsa gore: “Bo Jehova a ba nyakang ka matla, wa ba wolola.” (Maheb. 12:6, 7) Jehova o re wolola ka mekgwa ya go tlala. Mo re beyisa, re ka bala se sengwana ka ho Baebeleng kela ra kwa se sengwana megahlanong ke mokane sa maka gore re di bone gore re tshwanele re lukise ka mokgo re naganang le ka mokgo re makang dilo ka gona. Kela ka dinako tse dingwana bagolo ba ka re gelepa. A go na taba gore re wolodiwa ka mokgo mang, mara se segolo ke gore Jehova o re wolola ka taba la gore mo a re wa re nyaka, wa resa.—Jer. 30:11.

15. Jehova o re tšhireletsa ka mokgo mang?

¹⁵ Mo re gahlana le tsa go re ghula Jehova wa re  gelepa. Go fo tshwana le papa wa gore o gelepa bana bage mo go thathafa, le Papa wa rune wa legedimong a ka sa re lesetse mo re gahlana le tsa go re phiriketsa. O berekisa moya wage wa go hlawolega gore a re tšhireletse ga dilo tsa gore di ka kwaletsa senghane sa rune naye. (Luk. 11:13) Mo go na le tso di re kenang matolong, Jehova wa re gelepa. Mo re beyisa, o re tshepisiye dilo tse dikgolo. Dilo tso a re tshepisiyeng gore o nyoko re makela tsona ku mahlong, di maka gore re tiyisele mo re gahlana le tsa go re ghula. Lebelela taba ye nngwana ke yowa: Le mo re gahlana le dilo tsa go sasamela, Papa wa rune wa gore o re nyaka ka matla o nyoko re thoba. Mathatha ya re gahlanang nawo gana byalo ma tshwana le phoka, mara tso Jehova a re rufang ka tsona ke tsa go ya go yye.—2 Makor. 4:16-18.

16. Go makegiye ying mo Adamo a sa theetsele Papage wa gore batho o ba nyaka ka matla?

¹⁶ Re thogo di bona gabutši gore Jehova o re nyaka ka matla ga taba ya ka mokgo a yyeng a tshwaragana le bothatha bya go sa theetsele ga Adamo. Nakwela Adamo a sa theetsele Papage wa ku magedimong, yene le bana bage ka mokana ga bona ke mo ba sa sa badiwa ga mutši wa Jehova wa gore wo dula wo jabodiye. (Mrm. 5:12; 7:14) Mara, Jehova o yye a maka se sengwana gore a thogo gelepa bana ba Adamo.

17. Ka nthago ga gore Adamo a make tsa go tšiba ke yene, Jehova o yye a yakgoswa a maka ying?

¹⁷ Jehova o makiye gore Adamo a bune so a se gašiyeng, mara o yye a tshepisa gore o nyoko gelepa bana bage ba gore a ba soko belegiwa. O yakgoswiye a tshepisa taba ya gore o nyoko maka gore batho ba gore baa mo theetsela, ba boyele ba badiwe ga mutši wage fote. (Gen. 3:15; Mrm. 8:20, 21) Jehova o makiye gore sosone se kgonege nakwela a berekisa sehlabelo sa Morwayi wage ye a mo nyakang ka matla, Jeso. Jehova o šupetsiye gore o re nyaka ka matla mo a re neya Morwayi wage gore a re kgwele.—Joh. 3:16.

18. Ke ntaba re sa kamake gore le mo re tlugiye ga Jehova, o sa na a re nyaka go tshwana le bana bage?

¹⁸ Le mo re sa felegelela, Jehova o nyaka re be  ka mutšing wage fote aa re tseyi re fo ba diphasela. Di ka makega gore re mo tšebise kela re tšwe pateng ka go nyana, mara Jehova aa re tobele. Jeso o šupetsiye ka mokgo Jehova a nyakang bana bage ka matla ka gona, nakwela a bolabola ka taba ya morwayi wa gore ke mo a lahlegiye. (Luk. 15:11-32) Papa ye go bolabodiwang ka yene mone ga taba yone, a sanka a lesetsa go tshepa gore ka letšatši le lengwana morwayi wage o ko boya gaye. Mo morwayi yene a boyela gaye, papage o yye a mo gahlanetsa di mmaba. Mo nkare re tlugiye ga Jehova mara re tisola tsa mannete, re sa kamake gore Papa wa rune wa gore o re nyaka ka matla o tikemisele go re yamogela ka matsogo ka mabedi.

19. Jehova o nyoko lukisa byang tso Adamo a di sinnyeng?

¹⁹ Papa wa rune o nyoko lukisa dilo ka mokana ga tsona tso Adamo a di sinnyeng. Ka nthago ga gore Adamo a make tsa go tšiba ke yene, Jehova o yye a kgeta 144 000 ya batho ho lefaseng, ba gore ba nyoko bereka go le magoši le maprista ku legedimong ba na le Morwayi wage. Jeso le bo a lawolang nabo ba nyoko gelepa bo ba makang tso Modimo a di nyakang gore go be batho ba go felegelela lefaseng la nyuwane. Ka nthago ga gore bo ba go ba theetsela Modimo ba hlule go leketsiwa la mafelelo, Modimo o nyoko ba neya lephelo la go ya go yye. Ke mokane Papa wa rune o nyoko jabodisa ke go bona lefase le tlele ka barwayi le barwediya bage ba gore ke batho ba go felegelela. Yone, go nyoko ba nako ya go jabodisa la go sa hlayisege!

20. Jehova o šupetsiye ka ying gore o re nyaka ka matla fote re nyoko bolabola ka ying ga hlogotaba ya go latela?

²⁰ Wa tšiba Jehova o šupetsiye gabutši gore o re nyaka ka matla. Ke mong yene Papa wa go ba phala ka mokana ga bona. O theetsela merapelo ya rune fote o re neya tso re di gayelang tsa go maka gore senghana sa rune naye se sa šehle. Wa re tšhutisa fote wa re thega. Fote o sa nyoko re makela dilo tsa gabutši ku mahlong. Taba ya gore Papa wa rune o re nyaka ka matla fote wa re pasopa yi re tikisa dipelo la go sa hlayisege! Ga hlogotaba ya go latela, re nyoko bolabola ka dilo tso rune bana bage re ka di makang go šupetsa gore re mo nyaka ka matla.