Batho ba bantši lehono ga ba na dijo le moo ba ka dulago gona. Ba bangwe ba no hloka go tseba gore nakong e tlago, dilo di tlo loka. Ge e ba re thuša batho bao ba hlokago thušo, Modimo o tlo re amogela.

“Yo a šetšago mmotlana o adima Jehofa gomme Modimo o tla mmušetša.”—DIEMA 19:17.

Jesu o ile a bolela ka papišo e nngwe yeo go yona batho ba bangwe ba ilego ba itia monna yo mongwe kudu, gomme ba mo tlogela gore a šale a e hwa. (Luka 10:29-37) Motho yo mongwe yo a bego a iphetela ka tsela e bile a sa tsebe monna yo, o ile a ema gomme a mo thuša. O ile a mo thuša le ge e be e se wa morafo wa gabo.

Motho yo yo botho o ile a thuša monna yoo ka go mo alafa kapejana, e bile o ile a ba a mo kgothatša ka ge a be a gakanegile.

Re ithuta’ng papišong ye? Jesu o be a ruta gore re swanetše go thuša batho bao ba hlokago thušo ka mokgwa wo re ka kgonago. (Diema 14:31) Mangwalo a Makgethwa a re ruta gore kgauswinyane Modimo o tlo fediša bodiidi le mathata ka moka ao a re welago. Eupša re ka ipotšiša gore Modimo o tlo dira dilo tše bjang, le gona neng? Sehlogo se se latelago se tlo re botša gore Modimo o tlo re direla eng nakong e tlago.