Seo Jesu a se Dirilego

Seo re Ithutago Sona go Jesu

2. Re swanetše go ba le sebete e le gore re kgone go botša motho yo mongwe le yo mongwe ditaba tše dibotse tša Mmušo wa Modimo.

 Ekiša Jesu

3. Ithekge ka Jehofa. Go no swana le ge moya wa Modimo o ile wa thuša Jesu gore a kgone go bolela ditaba tše dibotse, le wena o ka go thuša. (Mat. 10:19, 20; Luka 4:18) Ge e ba go na le batho bao o tšhabago go ba botša ditaba tše dibotse, kgopela Jehofa gore a go fe sebete sa go bolela le bona.—Dit. 4:29.

4. O se ke wa phetha ka gore batho ba bangwe ba ka se theetše ditaba tše dibotse. Re ka dikadika go boledišana le batho ba bangwe ka baka la ponagalo ya bona, maemo a bona setšhabeng, tsela yeo ba phelago ka yona, bodumedi bja bona le ka baka la ge ba na le tšhelete e ntši. Eupša gopola gore:

1.    Jehofa le Jesu ba kgona go bona seo se lego ka dipelong tša batho, eupša rena ga re kgone.

2.   Jehofa a ka kgona go thuša motho yo mongwe le yo mongwe.

5. Eba le sebete sa go bolela ditaba tše dibotse, eupša o be šedi ge o bolela le batho gomme o bolele le bona ka tlhompho. (Mat. 10:16) O se ke wa ngangišana le bona. Ge e ba motho yo o mmotšago ditaba tše dibotse a sa nyake go go theetša goba wena o ikwa o sa šireletšega, kgaotša poledišano ka botho.—Die. 17:14.