Daneeznánígíí ‘náábidiʼdooljah.’—Acts 24:15, Diyin God Bizaad (Navajo Revised).

Kʼé bił daʼahidiiʼnínę́ę łaʼ ádin yileehgo, nááʼdiijeehígíí bee hadaʼííníilní.—2 Corinthians 1:3, 4.

Aniné biniinaa ił yééʼ áhósinígíí bitsʼą́ą́dę́ę́ʼ nihéedidoochił.—Hebrews 2:15.

Ádaadinígíí bił kʼé daʼahidiiʼnínę́ę náábiʼdidooljahgo nihaa náhidookahgo bíká chohooʼı̨́.—John 5:28, 29.

Aooʼ, kǫ́ǫ́ łaʼ binahjįʼ deidiidląął:

• God iiná Áyiilaii nilı̨́. Diyin God Bizaad ání, Jiihóvah God éí “iiná áádóó bee níʼdídzihii índa tʼáá ałtsoní diné tʼáá ałtso yeidiiʼaah.” (Acts 17:24, 25; Psalm 36:9) God éí tʼáá ałtsoní dahiinánígíí iiná yeinílá, áko éí łaʼ ádin yileehgo iiná yaa néiidoodléełgo átʼé.

• God éí níléídę́ę́ʼ bílaʼashdlaʼii łaʼ nínéiidiyiiłjééʼ. Diyin God Bizaad ání diné tseebíí yiltʼéego—hastóí dóó sáanii łaʼ ániid nidaakai dóó łaʼ éí náás daazlı̨́ı̨́ʼ—éí daneeznáádę́ę́ʼ nahasdzáán bikáaʼjįʼ nínéiidiyiiłjééʼ. Łaʼ tʼóó kónígháníjįʼ ádajídin, nááná łaʼ éí dajiztsą́ągo tsénííʼootséél góneʼ dı̨́ı̨́ʼ hwiiską́!—John 11:39-44.

• God éí tʼáá íiyisíí ákónáádeeshnííł nízin. Jiihóvah éí aniné yijoołxá; anaʼígo yaa nitsíkees. (1 Corinthians 15:26) Díí tʼáá íiyisíí anaʼí bikʼeh dideeshdleeł nízin, éí nááʼdiijeeh yee aniné íidoołdįįł. Ádaadinę́ę yénálniihígíí nahasdzáán bikáaʼgi kéédahatʼı̨́ı̨́ doo biniyé néiididoołjahgo tʼáá íiyisíí ákwíinízin.—Job 14:14, 15.