Salimo 112:1-10
112 Tamandani Ya!*+
א [Aleph]
Wosangalala ndi munthu amene amaopa Yehova,+ב [Beth]Amene amasangalala kwambiri ndi malamulo ake.+
ג [Gimel]
2 Mbadwa zake zidzakhala zamphamvu padziko lapansi,ד [Daleth]Ndipo mʼbadwo wa anthu olungama udzadalitsidwa.+
ה [He]
3 Zinthu zamtengo wapatali ndiponso chuma zili mʼnyumba yake,ו [Waw]Ndipo chilungamo chake chidzakhalapo kwamuyaya.
ז [Zayin]
4 Kwa anthu owongoka mtima iye amawala ngati kuwala kumene kumaunika mumdima.+
ח [Heth]
Iye ndi wokoma mtima,* wachifundo+ komanso wolungama.
ט [Teth]
5 Munthu amene amakongoza ena mosaumira, zinthu zimamuyendera bwino.+
י [Yod]
Iye amachita zinthu mwachilungamo.
כ [Kaph]
6 Sadzagwedezeka ngakhale pangʼono.+
ל [Lamed]
Wolungama adzakumbukiridwa mpaka kalekale.+
מ [Mem]
7 Sadzaopa uthenga woipa.+
נ [Nun]
Mtima wake ndi wokhazikika ndipo amadalira Yehova.+
ס [Samekh]
8 Mtima wake sukugwedezeka* ndipo sakuchita mantha,+ע [Ayin]Pamapeto pake adzayangʼana adani ake, adaniwo atagonjetsedwa.+
פ [Pe]
9 Iye wagawira ena mowolowa manja, wapereka kwa anthu osauka.+
צ [Tsade]
Chilungamo chake chidzakhalapo mpaka kalekale.+
ק [Qoph]
Mphamvu zake zidzawonjezeka* chifukwa cha ulemerero.
ר [Resh]
10 Woipa adzaona zimenezi ndipo adzakhumudwa.
ש [Shin]
Adzakukuta mano ndi kusungunuka.
ת [Taw]
Zimene anthu oipa amalakalaka sizidzachitika.+
Mawu a M'munsi
^ Kapena kuti, “Aleluya.” “Ya” ndi chidule cha dzina lakuti Yehova.
^ Kapena kuti, “wachisomo.”
^ Kapena kuti, “ndi wokhazikika.”
^ Mʼchilankhulo choyambirira, “Nyanga yake idzawonjezeka.”
