Salimo 71:1-24
71 Inu Yehova, ine ndathawira kwa inu.
Musalole kuti ndichite manyazi.+
2 Mundilanditse ndi kundipulumutsa chifukwa ndinu wolungama.
Tcherani khutu lanu* kwa ine nʼkundipulumutsa.+
3 Mukhale thanthwe langa lachitetezoLoti ndizilowamo nthawi zonse.
Lamulani kuti ndipulumutsidwe,Chifukwa inu ndinu thanthwe langa ndi malo anga achitetezo.+
4 Inu Mulungu wanga, ndipulumutseni mʼmanja mwa woipa,+Kuti ndisagwidwe ndi munthu wochita zinthu mopondereza komanso wopanda chilungamo.
5 Chifukwa chiyembekezo changa ndi inu Yehova, Ambuye Wamkulu Koposa.Ndakhala ndikudalira inu kuyambira ndili mnyamata.+
6 Ndakhala ndikudalira inu kuchokera tsiku limene ndinabadwa.Inu ndi amene munanditulutsa mʼmimba mwa mayi anga.+
Ndimakutamandani nthawi zonse.
7 Ndakhala ngati chinthu chodabwitsa kwa anthu ambiri,Koma inu ndinu malo anga othawirako olimba.
8 Mʼkamwa mwanga mwadzaza mawu otamanda inu.+Tsiku lonse ndimanena za ulemerero wanu.
9 Musanditaye pa nthawi imene ndakalamba.+Musandisiye pa nthawi imene mphamvu zanga zatha.+
10 Adani anga amandinenera zoipa,Ndipo anthu amene akufuna kuchotsa moyo wanga, amandikonzera chiwembu,+
11 Iwo akunena kuti: “Mulungu wamusiya.
Muthamangitseni nʼkumugwira chifukwa palibe womupulumutsa.”+
12 Inu Mulungu, musakhale kutali ndi ine.
Inu Mulungu wanga, ndithandizeni mofulumira.+
13 Anthu amene akudana naneAchititsidwe manyazi ndipo awonongedwe.+
Amene akufuna nditakumana ndi tsokaAgwidwe manyazi ndipo anyozeke.+
14 Koma ine ndipitiriza kuyembekezera.Ndidzakutamandani mowirikiza kuposa kale.
15 Pakamwa panga padzanena za chilungamo chanu,+Tsiku lonse padzanena za ntchito za chipulumutso chanu,Ngakhale kuti nʼzochuluka ndipo sindingathe kuzimvetsa.*+
16 Ndidzabwera nʼkudzanena za zinthu zamphamvu zimene mumachita,Inu Yehova, Ambuye Wamkulu Koposa.Ndidzanena za chilungamo chanu chokha basi.
17 Inu Mulungu, mwandiphunzitsa kuyambira ndili mnyamata,+Ndipo mpaka pano ndikupitiriza kulengeza ntchito zanu zodabwitsa.+
18 Ngakhale nditakalamba nʼkumera imvi, inu Mulungu musandisiye.+
Ndiloleni kuti ndiuze mʼbadwo wotsatira za mphamvu zanu*Komanso za nyonga zanu kwa onse obwera mʼtsogolo.+
19 Chilungamo chanu, inu Mulungu chafika kumwamba.+Mwachita zinthu zazikulu,Inu Mulungu, ndi ndani angafanane nanu?+
20 Ngakhale kuti mwachititsa kuti ndikumane ndi mavuto komanso masoka ambiri,+Bwezeretsani mphamvu zanga.Nditulutseni mʼdzenje lakuya.*+
21 Chulukitsani ulemu wanga,Ndipo mundizungulire ndi chitetezo chanu nʼkundilimbikitsa.
22 Mukatero, ndidzakutamandani ndi choimbira cha zingweChifukwa cha kukhulupirika kwanu, inu Mulungu.+
Ndidzakuimbirani nyimbo zokutamandani ndi zeze,Inu Woyera wa Isiraeli.
23 Pakamwa panga padzafuula mosangalala pamene ndikuimba nyimbo zokutamandani,+Chifukwa mwapulumutsa moyo wanga.*+
24 Lilime langa lidzalankhula* za chilungamo chanu tsiku lonse,+Chifukwa anthu amene akufuna kundiwononga adzachita manyazi ndiponso kunyozeka.+
Mawu a M'munsi
^ Kapena kuti, “Weramani nʼkumvetsera.”
^ Kapena kuti, “kuziwerenga.”
^ Mʼchilankhulo choyambirira, “dzanja lanu.”
^ Kapena kuti, “mʼmadzi akuya.”
^ Kapena kuti, “mwaombola moyo wanga.”
^ Kapena kuti, “Ndidzaganizira mozama.”
