EISHOMO 03
Noobaasa Kwesiga Baibuli?
Baibuli erimu okuraganisa kwingi n’obuhabuzi bwingi. Shana obundi nooyenda kumanya ebi erikwegyesa, kwonka nootiina. Noobaasa kwesiga okuraganisa okuri omu kitabo kya ira eki n’obuhabuzi bwakyo? Mbwenu shi buzima oine kwikiriza eki Baibuli erikugamba aha kwesiimira amagara hati n’ebiro by’omumaisho? Abantu nyamwingi nibaikiriza. Ka tureebe yaaba naiwe noobaasa kwikiriza.
1. Baibuli shi n’ekitabo ky’amazima nari eky’ebitebyo ebitahikire?
Baibuli neeyegambaho nk’erimu “ebigambo by’amazima.” (Omubuurizi 12:10) Neegamba aha mbeera ezaabaire nizikwata aha bantu abaabuzima. (Shoma Luka 1:3; 3:1, 2.) Ab’ebyafaayo baingi n’abarikwetegyereza ebizoirwe omu itaka bakahamya ebiro ebimwe, abantu, emyanya, n’ebyabaireho ebirikugambwaho omu Baibuli.
2. Ahabw’enki turikugira ngu Baibuli t’ehaangwire?
Omu miringo mingi, Baibuli neehamya ngu ekagamba aha bitakamanyirwe. Nk’eky’okureeberaho, neegamba n’aha nshonga z’ebya saayansi. Bingi ebi Baibuli erikugamba aha nshonga ezo, aba saayansi bakaba batarikwikiriza ngu bihikire obu yaahandiikwa. Kwonka, saayansi ey’obunaku obu neehamya ngu ebi Baibuli erikugamba bihikire. Butoosha nibiba nibyesigwa hati ‘n’ebiro n’ebiro.’—Zaaburi 111:8.
3. Ahabw’enki turikwesiga ebi Baibuli erikugamba aha biro by’omumaisho?
Baibuli erimu obunabi a oburikugamba aha ‘bitakabaireho.’ (Isaaya 46:10) Ira munonga ekagamba aha byafaayo bingi bitakabaireho omu muringo oguhikire. Kandi ekagamba kare omu bwijwire n’aha biriyo nibibaho hati. Omu ishomo eri, nituza kushwijuma bumwe aha bunabi bwa Baibuli. Okuhikiirira kwabwo nikutangaaza!
SHWIJUMA GYE
Yetegyereze oku ebya saayansi ebiri aha murembe birikwikirizana na Baibuli, kandi ocondooze n’aha bunabi bumwe bwa Baibuli oburikushemeza.
4. Saayansi neikirizana na Baibuli
Ira, abantu baingi bakaba nibaikiriza ngu ensi haine eki eshutamiho. Zaana VIDIYO.
Yetegyereze ekyahandiikirwe omu kitabo kya Yobu emyaka nka 3,500 ira. Shoma Yobu 26:7, kubaasa kugarukamu ekibuuzo eki:
-
Ahabw’enki nikitangaaza kugira ngu ensi ‘ehanikirwe ahari busha’?
Nk’omu myaka ya 1800 nibwo omwetoorooro gw’amaizi gwayetegyerezibwa gye. Kwonka, yetegyereze eki Baibuli yaagambire enkumi z’emyaka enyima. Shoma Yobu 36:27, 28, kubaasa kugarukamu ebibuuzo ebi:
-
Ahabw’enki enshoboorora eyorobi egi ey’omwetoorooro gw’amaizi erikushemeza?
-
Ebyahandiikirwe ebi waaheza kushoma byakuhwera kwongyera kwesiga Baibuli?
5. Baibuli ekagamba kare aha bintu bikuru ebyabaireho
Shoma Isaaya 44:27–45:2, kubaasa kugarukamu ekibuuzo eki:
-
Baibuli ekagamba bushonshorekye ki emyaka 200 Babulooni etakacwekyereziibwe?
Ebyafaayo nibihamya ngu Omugabe Kuuro owa Buperesi, n’eihe rye bakakwata orurembo rwa Babulooni omuri 539 Y.A. b Bakahindura omuhanda gw’amaizi g’omugyera ogwabaire gurinzire orurembo. Bwanyima y’okutaaha omu rurembo barikuraba aha nyigi z’orurembo ezi Abababulooni baatsigire ziigwire, bakarukwata hatariho kurwana kwona. Hati bwanyima y’emyaka erengire 2,500, Babulooni n’eitongo. Yetegyereze eki Baibuli yaabaire egambire.
Shoma Isaaya 13:19, 20, kubaasa kugarukamu ekibuuzo eki:
-
Ebyahikire ahari Babulooni nibihamya bita okuhikiirira kw’obunabi obu?
Eitongo rya Babulooni omuri Iraq eya hati
6. Baibuli ekagamba aha bintu ebi turikureeba nibibaho hati
Obwire obu turimu Baibuli neebweta ‘ebiro by’emperu.’ (2 Timoseo 3:1) Yetegyereze eki Baibuli yaagambire aha bwire obu.
Shoma Matayo 24:6, 7, kubaasa kugarukamu ekibuuzo eki:
-
Baibuli ekagira ngu hakaba nihaija kubaho mbeera ki omu biro by’emperu?
Shoma 2 Timoseo 3:1-5, kubaasa kugarukamu ebibuuzo ebi:
-
Baibuli neeshoboorora ngu abantu bakaba nibaija kutwaza bata omu biro by’emperu?
-
Ni mitwarize ki ei iwe orikukira kureeba?
ABAMWE NIBAGIRA NGU: “Baibuli n’ekitabo ky’ebitebyo ebitahikire n’ebigunjano.”
-
Iwe niki ekirikukuhamiza munonga ngu Baibuli neeyesigwa?
OMU BUGUFU
Ebyafaayo, saayansi, n’obunabi byona nibyoreka ngu noobaasa kwesiga Baibuli.
Okweijutsya
-
Mbwenu shi Baibuli n’ekitabo ky’amazima nari erimu ebitebyo ebitahikire?
-
Saayansi neikirizana na Baibuli aha nshonga ki ezimwe?
-
Baibuli shi neegamba aha biro by’omumaisho? Ahabw’enki noogira ngu eego nari ngaaha?
JUMBURA EBINDI
Baibuli shi erimu ebitarikwikirizana n’ebya saayansi?
Ni mazima ki agarikukwata aha biro ‘by’emperu’?
“Obunabi bwa Baibuli 6 Oburiyo Nibuhikiirira” (Omunaara gw’Omurinzi, Mei 1, 2011)
Manya oku obunabi bwa Baibuli oburikukwata aha Butware bwa Bugriika bwahikiriire.
Reeba oku obunabi bwa Baibuli bwahindwire emiteekateekyere ei omushaija omwe yaabaire aine ahari Baibuli.
“Nkaba Niimanya ngu Ruhanga Tariho” (Omunaara gw’Omurinzi Na. 5 2017)
Noobaasa Kukunda n'Ebi
EBIBUUZO EBIRIKUKIRA KUBUUZIBWA
Omushomo gw’Okwegyesa Baibuli ogw’Abajurizi ba Yehova Niki?
Omu ntebeekanisa ya busha ey’okuhikaanisa ebiteekateeko ey’Abajurizi ba Yehova, noobaasa kukoresa envunuura ya Baibuli yoona. Noobaasa kwega n’eka yaawe yoona nari kweta banywani baawe.
