AUSTRALIA: October 2, 2012, The Sydney Morning Herald adwelie kɛlata ne bɔle amaneɛ kɛ: “Nɔhalɛ nu, Gyihova Alasevolɛ mɔɔ bɛkɛdo bɛ asopiti mɔɔ bɛkɛkpo mogya ɔlua bɛ diedi ne ati la, anwo ta sa ndɛ tɛla wuleravolɛma mɔɔ ɛha la.”

Adwelie kɛlata ne vale Ayileyɛlɛ nwo Abɔlɔba James Isbister mɔɔ wɔ Sydney Yunivɛsiti ɛkɛ la edwɛkɛ bie hanle kɛ: “Abɔlɔba Isbister hanle kɛ dɔketama mɔɔ nea bɛ [wuleravolɛma mɔɔ bɛle Alasevolɛ] kpalɛ la bɔ bɛ mogya nwo bane. Yemɔti bɛ nwo sa ndɛ, yɛɛ bɛngyɛ asopiti ɛkɛ kɛ menli mɔɔ bɛyɛ bɛ apelehyɛne a bɛdie mogya la.”

Tɛ Dɔketa Isbister angome a ɛyɛ ɛhye nzonlɛ a. August 13-27, 2012, Archives of Internal Medicine ne hanle ye wɔ Alasevolɛ mɔɔ bɛyɛle bɛ ahonle apelehyɛne la anwo kɛ: “Alasevolɛ ne mɔ ngyegyelɛ ta yɛ ngyikyi na bɛngyɛ asopiti ɛkɛ kɛ wuleravolɛma mɔɔ bɛdie mogya la.”