Habakɛke 2:1-20
2 Mebahɔ zo meagyinla me ɛzinzalɛ ɛleka ne,+Yɛɛ mebagyinla tawa ne azo.
Mebahɔ zo meanlea mɔɔ ɔbalua me nwo zo yeaha laNa meadwenle mɔɔ ɔtwi me nyunlu a mebaha la anwo.
2 Akee Gyihova buale me kɛ:
“Kɛlɛ ɛnyelɛzodeɛnwunlɛ ne, na kɛlɛ ye wɔ awolɛ ndɛbandɛba zo mɔɔ bɛnwu ye kpalɛ a,+Amaa awie mɔɔ kenga ye kpole la ahola agenga mɔɔ ɔnyɛ ye ɛse a.*+
3 Ɔluakɛ ɛnyelɛzodeɛnwunlɛ ne ɛlɛkendɛ ye mekɛ ne,Na ɔlɛpele yeara ye awieleɛ,* yɛɛ ɔnrɛbɔ adalɛ.
Saa ɔkyɛ bɔbɔ a,* kɔ zo maa ɛ nye ɛla ye ade!*+
Ɔluakɛ kɛ ɔde ye biala la ɔbara.
Ɔnrɛha amozi!
4 Nea awie mɔɔ memaa ɔ nwo zo la;*Ɔnyɛ mɔɔ tenrɛ la wɔ ye ahonle nu.
Noko tenlenenli balua ye nɔhalɛlilɛ* zo anyia ngoane.+
5 Nɔhalɛ nu, kɛmɔ nwanye le mɛlɛbɛla la ati,Adubɛnwo sonla ɛnrɛdwu ye bodane nwo.
Ɔmaa ye atiakunluwɔzo* yɛ kpole kɛ Nla;*Ɔle kɛ ewule la yɛɛ ɔ kunlu ɛndwo ɔ nwo.
Ɔkɔ zo ɔboɔboa maanle maanle ne mɔ kɔsɔɔti anloaNa ɔboɔboa menli ne kɔsɔɔti anloa ɔmaa ɔ nwo.+
6 Asoo ɛhye mɔ amuala ɛnrɛlua ɛrɛlɛ, ngoamɛ nee agyebɛ zo ɛnrɛdendɛ ɛnrɛtia ye ɔ?+
Bɛbaha kɛ:
‘Mekɛ tendenle nyɛ aƆbahɔ zo yeahuohua ninyɛne mɔɔ ɛnle ye ɛdeɛ la anloa a?Ye gyakɔ, ɔluakɛ ɔlɛmaa ye kakɛ ayɛ kpole!
7 Asoo menli mɔɔ ɛtua bɛ kakɛ la ɛnrɛra ɛ nwo zo arɛlevilɛ nu?
Bɛbadwazo na bɛawoso wɔ kpole kpalɛ,Na bɛave ɛ nwo ninyɛne.+
8 Kɛmɔ ɛvenle maanle maanle dɔɔnwo ninyɛne la ati,Menli kɔsɔɔti mɔɔ ɛha wɔ maanle maanle ne anu la bave ɛ nwo ninyɛne,+Ɔluakɛ ɛhanle menli mogya ɛgualeNa ɛzɛkyele azɛlɛ ne,Azuamgbole nee menli mɔɔ dede zo la.+
9 Awie mɔɔ kpondɛ nvasoɛ ɛtane maa ye abusua,*Amaa yeayɛ ye sane wɔ ɛleka mɔɔ wɔ anwumaNa esiane ando ye la gyakɔ!
10 Wɔbɔ anyiemgba kpɔkɛ wɔtia wɔ abusua.
Kɛmɔ wɔzɛkye menli dɔɔnwo la ati, wɔyɛ ɛtane wɔtia ɛ nwo.*+
11 Ɔluakɛ bolɛ badea nu avi bane ne anu,Na mgbunla alie zo wɔ sua ne ati zo.
12 Awie mɔɔ ka mogya gua kyekye suakpole,Na ɔdua ninyɛndane zo ɔkyekye sua la gyakɔ!
13 Nea! Asoo tɛ ɛlɔne Gyihova a maa menli yɛ gyima ɛsesebɛ kpondɛ ninyɛne mɔɔ senle sɛkye ye,Na ɔmaa maanle maanle ne mɔ fɛ mgbane ɔ?+
14 Ɔluakɛ Gyihova anyunlunyia ne anwo nrɛlɛbɛ bayi azɛlɛ ye tɛkɛɛKɛ mɔɔ nzule keda nyevile zo la.+
15 Awie mɔɔ maa ɔ gɔnwo mɔ debie bɛno,Ɔfa ye ɛya nee ye ahonle mɔɔ ɛfutu la ɔfonla ye ɔmaa bɛboAmaa bɛ nwo ala zo na yeanlea bɛ la gyakɔ!
16 Ɛnrɛnyia anyunlunyia, emomu anyiemgba bayi wɔ tɛkɛɛ.
Bɛbamaa ɛdawɔ noko wɔanlo bie na ɛ nwo ala zo amaa bɛanwu kɛ ɛtɛpɛle wɔ mrenyiazo.*
Kanrɛlɛ ne mɔɔ wɔ Gyihova asa fema ne anu la bara ɛ nwo zo,+Na anyiemgba baheda wɔ anyunlunyia ne azo;
17 Ɔluakɛ basabasa ne mɔɔ ɛyɛle Lɛbanɔn la baheda ɛ nwo zo,Yɛɛ ɛzɛkyelɛ ne mɔɔ hanle nane ne mɔ ɛzulolɛ la bara ɛ nwo zo,Ɔluakɛ ɛhanle menli mogya ɛgualeNa ɛzɛkyele azɛlɛ ne,Azuamgbole nee menli mɔɔ dede zo la.+
18 Nvasoɛ boni a wɔ ananze mɔɔ bɛze la azoWɔ mekɛ mɔɔ ɔ menle a zele la ɛ?
Nvasoɛ boni a wɔ bulalɛ ananze* nee awie mɔɔ kilehile adalɛ la azo,Mɔɔ ɔti ɔ menle fa ɔ rɛle wula ye nu,Na ɔyɛ nyamenle mgbane mɔɔ bɛndendɛ la ɛ?+
19 Awie mɔɔ ka kile baka sinli kɛ, “Tunwue!”
Anzɛɛ bolɛ mɔɔ ɛndendɛ la kɛ, “Dwazo! Kilehile yɛ!” la gyakɔ.
Nea! Bɛva nvutuke nee dwɛtɛ fufule bɛfɔle nwolɛ,+Yɛɛ ɛnwomenle biala ɛnle ye nu.+
20 Noko Gyihova wɔ ye ɛzonlenlɛsua nwuanzanwuanza ne anu.+
Azɛlɛ ye kɔsɔɔti ɛyɛ koonwu wɔ ɔ nyunlu!’”+
Ɔbodwɛkɛ
^ Anzɛɛ “agenga ye kpalɛ.”
^ Anzɛɛ “kɛ ɔbara nu.”
^ Anzɛɛ “ɔzɔho kɛ ɔlɛkyɛ a.”
^ Anzɛɛ “kendɛ ye ɛsesebɛ!”
^ Anzɛɛ “Nea! Ye ɛkɛla ɛmaa ɔ nwo zo.”
^ Anzɛɛ ɔkola ɔkile, “diedi.”
^ Anzɛɛ “ɛkɛla.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Anzɛɛ “maanle.”
^ Anzɛɛ “wɔ ɛkɛla.”
^ Anzɛɛ ɔkola ɔkile, “na wɔatotɔ.”
^ Anzɛɛ “ananze mɔɔ bɛgua.”
