Ayezaya 1:1-31
1 Ɛnyelɛzodeɛnwunlɛ mɔɔ Emɔzo ara Ayezaya*+ nwunle ye wɔ Dwuda Arelemgbunli Yuzaya,+ Dwotam,+ Ehaze+ yɛɛ Hɛzikaya+ mekɛ zo mɔɔ fale Dwuda nee Gyɛlusalɛm anwo la ɛne:+
2 O anwuma, tie; O azɛlɛ, yɛ ɛzonlɛ tie,+Ɔluakɛ Gyihova se:
“Metete mralɛ mrenyia memaa bɛnyi,+Noko bɛde me nwo atua.+
3 Ɛnlankɛ ze ahenle mɔɔ dɔle ye la kpalɛ,Yɛɛ asoaso ze ɔ menle adidilɛka ne;Noko Yizilayɛ ɛnze me,*+Me menli ne ɛnlɛ ndelebɛbo.”
4 Ɛtaneyɛlɛ maanle,Menli mɔɔ ɛtane ɛyi bɛ tɛkɛɛ,Amumuyɛma ekpunli, ngakula mɔɔ bɛzɛkye la, bɛ gyakɔ!+
Bɛkpo Gyihova;+Bɛambu Yizilayɛ Nwuanzanwuanza Ko ne;Bɛhakyi bɛ nzi bɛzi ye.
5 Bɛ ɛleka boni bieko a bɛbabɔ wɔ atua mɔɔ bɛlɛkɔ zo bɛade la anwo a?+
Etile mumua ne ɛnde kpɔkɛ,Yɛɛ ewule ɛha ahonle ne amuala.+
6 Ɔvi bɛ gyakɛ abo kɔdwu bɛ ti zo, debie biala ɛnde kpɔkɛ.
Nwolɛ ɛpepɛ, yekpolokpolo yɛɛ nganlɛ ngome—Bɛtɛyɛle ye ayile yɛɛ bɛtɛkyekyele anzɛɛ bɛtɛfale nwole bɛtɛkpokpale zo.+
7 Bɛ azɛlɛ ne ɛdɔ mgbane.
Bɛva senle bɛyela bɛ azuamgbole ne mɔ.
Nyɛvolɛ di bɛ azɛlɛ ne azo aleɛ wɔ bɛ nye zo.+
Ɔle kɛ azɛlɛ mgbane mɔɔ nyɛvolɛ ɛzɛkye ye la.+
8 Bɛgyakyi Zayɔn* kɛ vanye egyinli nu kpɔda,Kɛ kɔkumba ɛya nu kpɔda,Kɛ suakpole mɔɔ ɛlɔne ɛbɔ ye ɛyia la.+
9 Saa ɛlɔne Gyihova ammaa yɛ nuhua ekyi anga a,Anrɛɛ yɛbayɛ kɛ Sodɔm la,Na yɛazɔho Gomɔla.+
10 Bɛmɛ Sodɔm tumivolɛma, bɛdie Gyihova edwɛkɛ.+
Bɛmɛ Gomɔla amra, bɛyɛ ɛnzolɛ bɛdie yɛ Nyamenle ne mɛla* ne.+
11 Gyihova se, “Nvasoɛ boni a wɔ bɛ afɔlebɔlɛ dɔɔnwo ne azo maa me a?+
Bɛ mboane nyinli nee nane mɔɔ ɛlɔ la anu ɛnlome ɛyelalɛ afɔlebɔlɛ ne mɔ ɛvonlo me,+Me nye ɛnlie nlankɛ mralɛ nee mboane mralɛ yɛɛ mbɔnkye mogya nwo.+
12 Saa bɛba me nyunlu a,+Nwane a se bɛyɛ ɛhyeBɛtietia me alie ne anwo a?+
13 Bɛmmafa ma afɔlebɔdeɛ mgbane biala bɛba bieko.
Mekyi bɛ ayilevuanlɛ ne.+
Bɛdi siane fofolɛ,+ ɛnwomenlelielɛ kenle ne+ yɛɛ bɛyɛ nyianu+—Noko me nye ɛnlie bɛ ngonyiayelɛ tumi ne nee bɛ nyianu nwuanzanwuanza ne anwo.+
14 Mekyi* bɛ siane fofolɛ nee bɛ ɛvoyialilɛ ne mɔ.
Bɛyɛ adesoa bɛmaa me;Mengola bɛ soa bieko.
15 Saa bɛtɛlɛ bɛ sa nu a,Meye me nye meto ɛbɔ nu.+
Bɛyɛ asɔne dɔɔnwo ɛdeɛ,+Noko mendie;+Mogya ɛyi bɛ sa nu tetɛkɛɛ.+
16 Bɛwowo bɛ nwo, bɛmaa bɛ nwo ɛde;+Bɛye bɛ ninyɛndane ne bɛvi me nye zo;Bɛgyakyi ɛtaneyɛlɛ.+
17 Bɛzukoa kɛ bɛkɛyɛ kpalɛ, bɛkpondɛ pɛlepɛlelilɛ,+Bɛdenrɛdenrɛ nzisinli ne,Bɛli arisa ralɛ edwɛkɛ bɛmaa ye,Na bɛkpa ahunlanvolɛ ati kyɛlɛ.”+
18 Gyihova se, “Akee bɛrɛla bɛmaa yɛziezie yɛ avinli.+
Bɛ ɛtane ne mɔ le kɔkɔlɛ weɔɔnwo bɔbɔ ɛdeɛ,Noko bɛbayɛ fufule kɛ ezukɔtweaba;+Bɛle kɛ ebo bɔbɔ ɛdeɛ,Noko bɛbayɛ nwohyee kɛ boane enrinli la.
19 Saa bɛfi bɛ ɛhulolɛ nu bɛtie me a,Bɛbali ninyɛne mgbalɛ mɔɔ wɔ azɛlɛ ne azo la bie.+
20 Noko saa bɛandie na bɛte atua a,Bɛbawu dadeɛ nloa,+Gyihova anloa anu edwɛkɛ ɛne.”
21 Nea kɛzi nɔhalɛlilɛ sua ne+ ɛhakyi tuutuunli ɛ!+
Ɛnee pɛlepɛlelilɛ ɛyi ye tɛkɛɛ;+Ɛnee tenleneyɛlɛ wɔ zolɛ,+Noko kɛkala bɛyɛ ahodiawu.+
22 Wɔ dwɛtɛ fufule ne ɛhakyi evinli,+Yɛɛ bɛva nzule bɛfonla wɔ nza* ne anu.
23 Bɛ mgbanyima anzo yɛ se yɛɛ bɛ nee nwule a tu a.+
Bɛ nuhua ko biala kulo belaebo yɛɛ bɛpele bɛkpondɛ ahyɛlɛdeɛ.+
Bɛnli pɛlepɛle bɛmmaa nrisa,Yɛɛ bɛndwenle ahunlanvolɛ edwɛkɛ nwo.+
24 Yemɔti, kɛ ɛlɔne Gyihova, nɔhalɛ Awulae ne,Yizilayɛ Tumivolɛ Ko ne se la ɛne:
“Aa! Mebaye me agbɔvolɛ meavi me nwo,Na meali menli mɔɔ kyi me la nzenralɛ.+
25 Mebahwe ɛ nzo,Mebaholo wɔ meadu wɔ nu evinli ne kɛ melɛfa saminla meadu evinli la,Na mebaye evinli biala mɔɔ wɔ wɔ nu la.+
26 Mebava wɔ ndɛnebuavolɛma meamaa wɔ bieko kɛ mɔlebɛbo neYɛɛ wɔ folɛtuvoma kɛ alimoa ne la.+
Ɛhye anzi bɛbavɛlɛ wɔ Tenleneyɛlɛ Suakpole, Nɔhalɛlilɛ Sua.+
27 Bɛbava pɛlepɛlelilɛ bɛalie Zayɔn,+Na bɛava tenleneyɛlɛ bɛalie ye menli mɔɔ bazia ara la.
28 Bɛbazɛkye atuadelɛma nee ɛtanevolɛma kɔsɔɔti,+Na bɛdabɛ mɔɔ bɛbavi Gyihova anwo la bawu.+
29 Ɔluakɛ bɛbaze nyiane wɔ mbaka mgbole ne mɔɔ ɛnee bɛkulo la anwo,+Na bɛ tola* ne mɔ ati, bɛbabɔ anyiemgba.+
30 Ɔluakɛ bɛbayɛ kɛ baka kpole mɔɔ ye nya ɛlɛkpolo,+Yɛɛ tola mɔɔ nzule ɛnle nu la.
31 Nrenyia mɔɔ anwo yɛ se la bayɛ kɛ nyɛma,*Na ye gyima ayɛ kɛ senle mɔɔ ɛlɛtudu;Bɛ mu nwiɔ bɛbayela wee,Na awie biala ɛnrɛhola ye nua.”
Ɔbodwɛkɛ
^ Ɔ bo kile “Gyihova Ngoanelielɛ.”
^ Anzɛɛ “ɛnze ɔ menle.”
^ Hibulu aneɛ nu, “Zayɔn ara raalɛ ne.”
^ Anzɛɛ “adehilelɛ.”
^ Anzɛɛ “Me ɛkɛla kyi.”
^ Anzɛɛ “hwiiti biya.”
^ Ɔbayɛ kɛ bɛfa mbaka nee tola ɛhye mɔ bɛsonle awozonle.
^ Ɔle nyɛma mɔɔ ɔngyɛ na yeazɔ.
