Faarfannaa 149:1-9
149 Yaahiin jajadhaa!*
Yihowaadhaaf faarfannaa haaraa faarfadhaa;+Gumii warra amanamoo taʼanii keessatti isa jajadhaa.+
2 Israaʼel Uumaa isaa Isa Guddaatti+ haa gammadu;Ilmaan Xiyoonis Mootii isaaniitti haa gammadan.
3 Shubbisaan+ maqaa isaa haa jajatan,Dibbee fi baganaadhaanis faarfannaa galataa isaaf haa faarfatan.*+
4 Yihowaan saba isaatti ni gammada.+
Garraamota fayyina ni gonfachiisa.+
5 Warri amanamoon ulfinaan haa gammadan;Isaan siree isaanii irratti haa ililchan.+
6 Faarfannaawwan Waaqayyoon jajachuuf dhihaatan qoonqoo isaanii keessa,Goraadeen karaa lamaan qarames harka isaanii keessa haa jiraatu;
7 Kunis kan taʼu, saboota irratti haaloo baʼuuf,Namootas adabuuf,
8 Mootota isaanii funcaadhaan,Guguddoota isaaniis hidhaa sibiilaatiin hidhuuf,
9 Murtii barreeffames isaan irratti raawwachiisuufi.+
Warri isaaf amanamoo taʼan hundi ulfina kana ni argatu.
Yaahiin jajadhaa.*
Miiljaleewwan
^ Ykn., “Halleeluyaah!” Jechi, “Yaah” jedhu maqaan Yihowaa yommuu gabaabaatti barreeffamu dha.
^ Ykn., “muuziqaa isaaf haa qopheessan.”
^ Ykn., “Halleeluyaah!” Jechi, “Yaah” jedhu maqaan Yihowaa yommuu gabaabaatti barreeffamu dha.
