Faarfannaa 15:1-5
Faarfannaa Daawit.
15 Yaa Yihowaa, keessummummaadhaan dunkaana kee keessatti kan simatamu eenyu?
Gaara kee isa qulqulluu irra kan jiraatu hoo eenyu?+
2 Nama balleessaa malee* deddeebiʼu,+Nama wanta sirrii taʼe raawwatu,+Akkasumas nama garaa isaatti dhugaa dubbatu.+
3 Inni arraba isaatiin maqaa hin balleessu,+Wanta hamaa taʼe tokko illee nama irratti hin raawwatu,+Maqaa michoota isaas hin xureessu.*+
4 Nama salphaa taʼe kam iyyuu ni tuffata,+Namoota Yihowaa sodaatan garuu ni kabaja.
Kan isa miidhu yoo taʼe illee, waadaa* gale raawwachuu irraa duubatti hin jedhu.+
5 Maallaqa isaa dhalaan hin liqeessu,+Isa balleessaa hin qabne miidhuuf mattaʼaa hin fudhatu.+
Namni wantoota kana raawwatu kam iyyuu matumaa hin raafamu.*+
Miiljaleewwan
^ Ykn., “amanamummaadhaan.”
^ Ykn., “Michoota isaa hin qaanessu.”
^ Kal., “kakaa.”
^ Ykn., “hin gatantaru.”
