Faarfannaa 47:1-9
Geggeessaa muuziqaatiif. Faarfannaa ilmaan Qoraa.+ Faarfannaa.
47 Isin saboonni hundi harka keessan walitti rukutaa.
Miira injifannootiin Waaqayyoof ililchaa.
2 Yihowaan Inni Hundaa Olii sodaachisaa dha;+Inni guutummaa lafaa irratti Mootii isa guddaa dha.+
3 Inni namoonni akka nuuf bitaman godha;Sabootas miila keenya jala galcha.+
4 Inni dhaala keenya,Isa Yaaqoob inni inni jaallate sun ittiin boonu nuuf ni filata.+ (Seelaa)
5 Waaqayyo ililcha gidduu,Yihowaan sagalee xurumbaa* gidduu ol ni baʼe.
6 Waaqayyoof faarfannaa galataa faarfadhaa,* faarfannaa galataa faarfadhaa.
Mootii keenyaaf faarfannaa galataa faarfadhaa, faarfannaa galataa faarfadhaa.
7 Sababiin isaas, Waaqayyo Mootii guutummaa lafaa ti;+Faarfannaa galataa faarfadhaa, hubannaas qabaadhaa.
8 Waaqayyo saboota irratti Mootii taʼeera.+
Inni teessoo isaa isa qulqulluu irra taaʼeera.
9 Geggeessitoonni sabootaa,Saba Waaqa Abrahaamii wajjin walitti qabamaniiru.
Sababiin isaas, bulchitoonni* lafaa kan Waaqayyoo ti.
Inni ulfinni isaa guddaa dha.+
Miiljaleewwan
^ Ykn., “gaanfa korbeessa hoolaa; malakataa.”
^ Ykn., “muuziqaa qopheessaa.”
^ Kal., “gaachanoonni.”
