Faarfannaa 80:1-19
Geggeessaa muuziqaatiif; “Abaaboowwaniin.” Yaadachiisa. Faarfannaa Asaaf.+ Faarfannaa.
80 Yaa Tiksee Israaʼel,Ati inni akka hoolotaatti Yoseefiin geggeessitu,+ dhagaʼi.
Ati inni kiruubelotaa olitti* teessoo irra teessu,+Ifni kee haa ifu.*
2 Efreem, Biiniyaamii fi Minaasee durattiJabina kee kakaasi;+Kottuutii nu oolchi+
3 Yaa Waaqayyo, iddoo keenyatti nu deebisi;+Akka oolluuf, fuulli kee nu irratti haa ifu.+
4 Yaa Yihowaa Waaqa Raayyaa, hamma yoomiitti gara kadhannaa saba keetiitti diinummaadhaan* ilaalta?+
5 Ati akkuma nyaata isaaniitti imimmaan isaan soorte,Imimmaan hammana hin jedhamnes akka dhugan goote.
6 Olloonni keenya nu irratti akka wal lolan goote;Diinonni keenya akkuma barbaadanitti nutti qoosaa jiru.+
7 Yaa Waaqa Raayyaa, iddoo keenyatti nu deebisi;Akka oolluuf, fuulli kee nu irratti haa ifu.+
8 Mukti wayinii+ Gibxii keessaa akka baʼu goote.
Saboota ariitees isa dhaabde.+
9 Ati iddoo isaaf ni qopheessite,Innis hidda godhatee biyyattii guute.+
10 Gaaronni gaaddisa isaatiin,Gaattiraawwan Waaqayyoos dameewwan isaatiin ni haguugaman.
11 Dameewwan isaa hamma galaanichaatti,Latiiwwan isaas hamma Lagichaatti* gaʼan.+
12 Warri achiin darban hundi firii isaa akka cirataniif,+Ati dallaawwan dhagaa maasii wayinichaa kan diigde maaliifi?+
13 Karkarroowwan bosonaa isa mancaasu,Bineensonni bosonaas isa sooratu.+
14 Yaa Waaqa Raayyaa, maaloo deebiʼi.
Samii irraa gad milʼadhu, ilaalis!
Muka wayinii kana kunuunsi,+
15 Damee* kana harka kee mirgaatu dhaabe;+Gara ilma* ofiif cimsiteetti ilaali.+
16 Inni ibiddaan gubateera,+ murameeras.
Isaan dheekkamsa keetiin* badaniiru.
17 Harki kee nama karaa mirgaa kee jiru,Ilma namaa isa ofiif cimsatte sana haa deggeru.+
18 Sana booda nuti si biraa hin deebinu.
Maqaa kee akka waammannuuf, lubbuudhaan nu tursi.
19 Yaa Yihowaa Waaqa Raayyaa, iddoo keenyatti nu deebisi;Akka oolluuf, fuulli kee nu irratti haa ifu.+
Miiljaleewwan
^ Ykn tarii, “kiruubelota gidduu.”
^ Ykn., “Carallaa kee mulʼisi.”
^ Kal., “aariidhaan.”
^ Jechuunis, Efraaxis.
^ Ykn., “Jirma muka wayinii.”
^ Ykn., “damee.”
^ Kal., “dheekkamsa fuula keetiitiin.”
