1. Amanamoota akka taanu

Yeroo wal jajjabeessinu,

Ni jabaata jaalalli keenya;

Nagaaf tokkummaa qabaanna.

Jaalalli nu gidduuttʼ argamu,

Hamma dhumaatti nu cimsa.

Gumiin keenya dawoo nuu taʼa;

Tasgabbii nuu argamsiisa.

2. Wantʼ yeroosaatti dubbatamu

Namaaf jajjabeessa garaa.

Dubbii akkanaa ni dhageenya

Michoota amanamoorraa.

Kan abdii akka keenyaa qaban

Wajjin taʼuun nutti tola.

Wal jajjabeessuun nurra jira;

Baʼaa baachuu wal gargaarra.

3. Guyyaan Yihowaa dhihaachuusaa

Ija ʼmantiitiin agarre;

Wal gaʼuu keenya ittʼ haa fufnu,

Karaarraa akka hin gorre.

Tokkummaadhaan sabasaa faana,

Bara baraaf ni hojjenna.

Kanaaf wal haa jajjabeessinu,

Amanamoo akka taanu.