“ପୁନରୁତ୍ଥାନ ହେବ ।”—ପ୍ରେରିତ ୨୪:୧୫, BSI ବାଇବଲ ।

ଆପଣା ଲୋକଙ୍କୁ ହରାଇଥିବା ବ୍ୟକ୍ତିଙ୍କ ପାଇଁ ସାନ୍ତ୍ୱନା ।—୨ କରିନ୍ଥୀୟ ୧:୩, ୪.

ମରିବା ଭୟରୁ ମୁକ୍ତି ।—ଏବ୍ରୀ ୨:୧୫.

ମରିଥିବା ଲୋକଙ୍କ ସହ ପୁଣି ଦେଖା ହେବାର ପ୍ରକୃତ ଆଶା ।—ଯୋହନ ୫:୨୮, ୨୯.

ହଁ, ଆସନ୍ତୁ ଅତି କମ୍‌ରେ ତିନୋଟି କାରଣ ଦେଖିବା:

• ଈଶ୍ୱର ହିଁ ଜୀବନଦାତା । ବାଇବଲ ଯିହୋବା ଈଶ୍ୱରଙ୍କୁ “ଜୀବନର ନିର୍ଝର” କହେ । (ଗୀତସଂହିତା ୩୬:୯; ପ୍ରେରିତ ୧୭:୨୪, ୨୫) ଯିଏ ସମସ୍ତ ପ୍ରାଣୀଙ୍କର ଜୀବନଦାତା, ତାହାଙ୍କ ପାଖରେ ମରିଥିବା ଲୋକଙ୍କୁ ପୁଣିଥରେ ଜୀବନ ଦେବାର ଶକ୍ତି ରହିଛି ।

• ଅତୀତରେ ଈଶ୍ୱର ମୃତ ବ୍ୟକ୍ତିଙ୍କୁ ଜୀବିତ କରିଥିଲେ । ବାଇବଲରେ ଏପରି ଆଠଟି ଘଟଣା ଉଲ୍ଲେଖ ଅଛି, ଯେଉଁଥିରେ ଯୁବକ, ବୃଦ୍ଧ, ପୁରୁଷ ଓ ସ୍ତ୍ରୀମାନଙ୍କୁ ଏହି ପୃଥିବୀରେ ପୁନରୁତ୍ଥାନ କରା ଯାଇଥିଲା । ସେଥିମଧ୍ୟରୁ କେତେକଙ୍କର ମରିଯାଇ କିଛି ସମୟ ହୋଇ ଥିଲା, କିନ୍ତୁ ଜଣେ ଲୋକ ମରିବାର ଚାରିଦିନ ବିତି ଯାଇଥିଲା ।—ଯୋହନ ୧୧:୩୯-୪୪.

• ଈଶ୍ୱର ପୁଣି ଥରେ ଏହା କରିବାକୁ ବ୍ୟାକୁଳ । ମୃତ୍ୟୁକୁ ଯିହୋବା ଘୃଣା କରନ୍ତି ଓ ଏହାକୁ ଶତ୍ରୁ ପରି ଦେଖନ୍ତି । (୧ କରିନ୍ଥୀୟ ୧୫:୨୬) ସେ ମୃତଲୋକଙ୍କୁ ପୁନରୁତ୍ଥାନ କରି, ମୃତ୍ୟୁକୁ ଧ୍ୱଂସ କରିବା ସହ ଏହା ଉପରେ ଜୟ କରିବା ଚାହଁନ୍ତି । ଯିହୋବା ଈଶ୍ୱର ମରି ଯାଇଥିବା ଲୋକଙ୍କୁ ଏହି ପୃଥବୀରେ ପୁଣିଜୀବିତ ଦେଖିବା ପାଇଁ ଅତି ବ୍ୟାକୁଳ ।—ଆୟୁବ ୧୪:୧୪, ୧୫.