ਜ਼ਬੂਰ 124:1-8
ਚੜ੍ਹਾਈ ਚੜ੍ਹਨ ਵੇਲੇ ਦਾ ਗੀਤ। ਦਾਊਦ ਦਾ ਜ਼ਬੂਰ।
124 “ਜੇ ਯਹੋਵਾਹ ਸਾਡੇ ਨਾਲ ਨਾ ਹੁੰਦਾ”+—ਹੁਣ ਇਜ਼ਰਾਈਲ ਕਹੇ—
2 “ਜਦੋਂ ਦੁਸ਼ਮਣਾਂ ਨੇ ਸਾਡੇ ’ਤੇ ਹਮਲਾ ਕੀਤਾ,+ਉਦੋਂ ਜੇ ਯਹੋਵਾਹ ਸਾਡੇ ਨਾਲ ਨਾ ਹੁੰਦਾ,+
3 ਤਾਂ ਉਹ ਸਾਨੂੰ ਜੀਉਂਦਿਆਂ ਨੂੰ ਨਿਗਲ਼ ਗਏ ਹੁੰਦੇ+ਜਿਸ ਵੇਲੇ ਉਨ੍ਹਾਂ ਦੇ ਗੁੱਸੇ ਦੀ ਅੱਗ ਸਾਡੇ ’ਤੇ ਭੜਕੀ ਸੀ।+
4 ਪਾਣੀ ਸਾਨੂੰ ਰੋੜ੍ਹ ਕੇ ਲੈ ਗਏ ਹੁੰਦੇ,ਨਦੀ ਦਾ ਪਾਣੀ ਸਾਨੂੰ ਵਹਾ ਕੇ ਲੈ ਗਿਆ ਹੁੰਦਾ।+
5 ਠਾਠਾਂ ਮਾਰਦਾ ਪਾਣੀ ਸਾਡੇ ਸਿਰਾਂ ਉੱਤੋਂ ਦੀ ਲੰਘ ਗਿਆ ਹੁੰਦਾ।
6 ਯਹੋਵਾਹ ਦੀ ਮਹਿਮਾ ਹੋਵੇ,ਉਸ ਨੇ ਸਾਨੂੰ ਦੁਸ਼ਮਣਾਂ ਦਾ ਸ਼ਿਕਾਰ ਨਹੀਂ ਬਣਨ ਦਿੱਤਾਜਿਹੜੇ ਜੰਗਲੀ ਜਾਨਵਰਾਂ ਵਰਗੇ ਹਨ।
7 ਅਸੀਂ ਸ਼ਿਕਾਰੀ ਦੇ ਫੰਦੇ ਵਿੱਚੋਂ ਬਚ ਨਿਕਲੇ ਪੰਛੀ ਵਾਂਗ ਹਾਂ;+ਫੰਦਾ ਤੋੜ ਦਿੱਤਾ ਗਿਆ ਅਤੇ ਅਸੀਂ ਬਚ ਨਿਕਲੇ।+
8 ਸਾਨੂੰ ਯਹੋਵਾਹ ਦੇ ਨਾਂ ਤੋਂ ਮਦਦ ਮਿਲਦੀ ਹੈ+ਜੋ ਆਕਾਸ਼ ਅਤੇ ਧਰਤੀ ਦਾ ਸਿਰਜਣਹਾਰ ਹੈ।”
