ਜ਼ਬੂਰ 142:1-7
ਦਾਊਦ ਦਾ ਮਸਕੀਲ* ਜਦੋਂ ਉਹ ਇਕ ਗੁਫਾ ਵਿਚ ਲੁਕਿਆ ਹੋਇਆ ਸੀ।+ ਇਕ ਪ੍ਰਾਰਥਨਾ।
142 ਮੈਂ ਉੱਚੀ ਆਵਾਜ਼ ਵਿਚ ਯਹੋਵਾਹ ਨੂੰ ਮਦਦ ਲਈ ਪੁਕਾਰਾਂਗਾ;+ਮੈਂ ਉੱਚੀ ਆਵਾਜ਼ ਵਿਚ ਯਹੋਵਾਹ ਨੂੰ ਮਿਹਰ ਲਈ ਫ਼ਰਿਆਦ ਕਰਾਂਗਾ।
2 ਮੈਂ ਉਸ ਅੱਗੇ ਆਪਣਾ ਦੁੱਖ ਫਰੋਲਦਾ ਹਾਂ;ਮੈਂ ਉਸ ਨੂੰ ਆਪਣੀ ਚਿੰਤਾ ਦੱਸਦਾ ਹਾਂ+
3 ਜਦੋਂ ਮੈਂ ਨਿਰਾਸ਼ਾ ਵਿਚ ਡੁੱਬ ਜਾਂਦਾ ਹਾਂ।
ਫਿਰ ਤੂੰ ਕਦਮ-ਕਦਮ ਤੇ ਮੇਰੀ ਰਾਖੀ ਕਰਦਾ ਹੈਂ।+
ਮੈਂ ਜਿਸ ਰਾਹ ਵੀ ਜਾਂਦਾ ਹਾਂ,ਮੇਰੇ ਦੁਸ਼ਮਣ ਉੱਥੇ ਮੈਨੂੰ ਫਸਾਉਣ ਲਈ ਫੰਦਾ ਲੁਕਾਉਂਦੇ ਹਨ।
4 ਮੇਰੇ ਸੱਜੇ ਪਾਸੇ ਦੇਖਕੋਈ ਮੇਰੀ ਪਰਵਾਹ ਨਹੀਂ ਕਰਦਾ।*+ਮੇਰੇ ਭੱਜਣ ਲਈ ਕੋਈ ਥਾਂ ਨਹੀਂ;+ਮੇਰੀ ਫ਼ਿਕਰ ਕਰਨ ਵਾਲਾ ਕੋਈ ਨਹੀਂ।
5 ਹੇ ਯਹੋਵਾਹ, ਮੈਂ ਮਦਦ ਲਈ ਤੈਨੂੰ ਪੁਕਾਰਦਾ ਹਾਂ।
ਮੈਂ ਕਹਿੰਦਾ ਹਾਂ: “ਤੂੰ ਮੇਰੀ ਪਨਾਹ ਹੈਂ,+ਮੇਰੀ ਜ਼ਿੰਦਗੀ ਵਿਚ ਬੱਸ ਤੂੰ ਹੀ ਹੈਂ।”*
6 ਮਦਦ ਲਈ ਮੇਰੀ ਦੁਹਾਈ ਵੱਲ ਧਿਆਨ ਦੇ,ਮੇਰੀ ਜਾਨ ਖ਼ਤਰੇ ਵਿਚ ਹੈ।
ਮੈਨੂੰ ਜ਼ਾਲਮਾਂ ਤੋਂ ਬਚਾ+ਕਿਉਂਕਿ ਉਹ ਮੇਰੇ ਤੋਂ ਜ਼ਿਆਦਾ ਤਾਕਤਵਰ ਹਨ।
7 ਮੈਨੂੰ ਭੋਰੇ ਵਿੱਚੋਂ ਬਾਹਰ ਕੱਢਤਾਂਕਿ ਮੈਂ ਤੇਰੇ ਨਾਂ ਦੀ ਮਹਿਮਾ ਕਰਾਂ।
ਧਰਮੀ ਮੇਰੇ ਆਲੇ-ਦੁਆਲੇ ਇਕੱਠੇ ਹੋਣਕਿਉਂਕਿ ਤੂੰ ਮੇਰੇ ’ਤੇ ਦਇਆ ਕਰਦਾ ਹੈਂ।
