ਜ਼ਬੂਰ 30:1-12
-
ਸੋਗ ਜਸ਼ਨ ਵਿਚ ਬਦਲ ਗਿਆ
-
ਪਰਮੇਸ਼ੁਰ ਦੀ ਮਿਹਰ ਜੀਵਨ ਭਰ ਰਹਿੰਦੀ ਹੈ (5)
-
ਦਾਊਦ ਦਾ ਜ਼ਬੂਰ। ਨਵੇਂ ਘਰ ਦੇ ਉਦਘਾਟਨ ਦਾ ਗੀਤ।
30 ਹੇ ਯਹੋਵਾਹ, ਮੈਂ ਤੇਰੀ ਵਡਿਆਈ ਕਰਾਂਗਾ ਕਿਉਂਕਿ ਤੂੰ ਮੈਨੂੰ ਬਾਹਰ ਕੱਢਿਆ* ਹੈ;ਤੂੰ ਮੇਰੇ ਦੁਸ਼ਮਣਾਂ ਨੂੰ ਮੇਰੇ ’ਤੇ ਖ਼ੁਸ਼ੀ ਨਹੀਂ ਮਨਾਉਣ ਦਿੱਤੀ।+
2 ਹੇ ਮੇਰੇ ਪਰਮੇਸ਼ੁਰ ਯਹੋਵਾਹ, ਮੈਂ ਤੈਨੂੰ ਮਦਦ ਲਈ ਫ਼ਰਿਆਦ ਕੀਤੀ ਅਤੇ ਤੂੰ ਮੈਨੂੰ ਚੰਗਾ ਕੀਤਾ।+
3 ਹੇ ਯਹੋਵਾਹ, ਤੂੰ ਮੈਨੂੰ ਕਬਰ* ਵਿੱਚੋਂ ਬਾਹਰ ਕੱਢਿਆ ਹੈ।+
ਤੂੰ ਮੇਰੀ ਜਾਨ ਬਚਾਈ ਹੈ ਅਤੇ ਤੂੰ ਮੈਨੂੰ ਟੋਏ* ਵਿਚ ਡਿਗਣ ਤੋਂ ਬਚਾਇਆ ਹੈ।+
4 ਹੇ ਯਹੋਵਾਹ ਦੇ ਵਫ਼ਾਦਾਰ ਸੇਵਕੋ, ਉਸ ਦਾ ਗੁਣਗਾਨ ਕਰੋ,*+ਉਸ ਦੇ ਪਵਿੱਤਰ ਨਾਂ* ਦਾ ਧੰਨਵਾਦ ਕਰੋ+
5 ਕਿਉਂਕਿ ਉਸ ਦਾ ਗੁੱਸਾ ਪਲ ਭਰ ਦਾ ਹੈ,+ਪਰ ਉਸ ਦੀ ਮਿਹਰ* ਜੀਵਨ ਭਰ ਰਹਿੰਦੀ ਹੈ।+
ਭਾਵੇਂ ਸ਼ਾਮ ਨੂੰ ਰੋਣਾ-ਕੁਰਲਾਉਣਾ ਹੋਵੇ, ਪਰ ਸਵੇਰ ਨੂੰ ਖ਼ੁਸ਼ੀਆਂ ਮਨਾਈਆਂ ਜਾਂਦੀਆਂ ਹਨ।+
6 ਜਦ ਮੇਰੇ ’ਤੇ ਕੋਈ ਬਿਪਤਾ ਨਹੀਂ ਆਈ ਸੀ, ਤਾਂ ਮੈਂ ਕਿਹਾ:
“ਮੈਨੂੰ ਕਦੇ ਹਿਲਾਇਆ ਨਹੀਂ ਜਾ ਸਕਦਾ।”*
7 ਹੇ ਯਹੋਵਾਹ, ਜਦ ਤੇਰੀ ਮਿਹਰ* ਮੇਰੇ ’ਤੇ ਸੀ, ਤਾਂ ਤੂੰ ਮੈਨੂੰ ਪਹਾੜ ਵਾਂਗ ਮਜ਼ਬੂਤ ਬਣਾਇਆ।+
ਪਰ ਜਦ ਤੂੰ ਆਪਣਾ ਮੂੰਹ ਮੇਰੇ ਤੋਂ ਲੁਕਾ ਲਿਆ, ਤਾਂ ਮੈਂ ਬਹੁਤ ਡਰ ਗਿਆ।+
8 ਹੇ ਯਹੋਵਾਹ, ਮੈਂ ਤੈਨੂੰ ਪੁਕਾਰਦਾ ਰਿਹਾ;+ਹੇ ਯਹੋਵਾਹ, ਮੈਂ ਤੈਨੂੰ ਮਦਦ ਲਈ ਮਿੰਨਤਾਂ-ਤਰਲੇ ਕਰਦਾ ਰਿਹਾ।
9 ਕੀ ਫ਼ਾਇਦਾ ਜੇ ਮੈਂ ਮਰ ਕੇ ਕਬਰ* ਵਿਚ ਚਲਾ ਗਿਆ?+
ਕੀ ਮਿੱਟੀ ਤੇਰੀ ਮਹਿਮਾ ਕਰੇਗੀ?+ ਕੀ ਇਹ ਤੇਰੀ ਵਫ਼ਾਦਾਰੀ ਨੂੰ ਬਿਆਨ ਕਰੇਗੀ?+
10 ਹੇ ਯਹੋਵਾਹ, ਮੇਰੀ ਸੁਣ ਅਤੇ ਮੇਰੇ ’ਤੇ ਮਿਹਰ ਕਰ।+
ਹੇ ਯਹੋਵਾਹ, ਮੇਰਾ ਮਦਦਗਾਰ ਬਣ।+
11 ਤੂੰ ਮੇਰੇ ਸੋਗ ਨੂੰ ਜਸ਼ਨ ਵਿਚ ਬਦਲ ਦਿੱਤਾ ਹੈ;ਤੂੰ ਮੇਰਾ ਤੱਪੜ ਲਾਹ ਕੇ ਮੈਨੂੰ ਖ਼ੁਸ਼ੀ ਦਾ ਪਹਿਰਾਵਾ ਪਹਿਨਾਇਆ ਹੈ
12 ਤਾਂਕਿ ਮੈਂ* ਤੇਰਾ ਗੁਣਗਾਨ ਕਰਾਂ ਅਤੇ ਚੁੱਪ ਨਾ ਰਹਾਂ।
ਹੇ ਮੇਰੇ ਪਰਮੇਸ਼ੁਰ ਯਹੋਵਾਹ, ਮੈਂ ਸਦਾ ਤੇਰਾ ਗੁਣਗਾਨ ਕਰਾਂਗਾ।
ਫੁਟਨੋਟ
^ ਜਾਂ, “ਖਿੱਚਿਆ।”
^ ਜਾਂ, “ਕਬਰ।”
^ ਜਾਂ, “ਸੰਗੀਤ ਵਜਾ ਕੇ ਗੁਣਗਾਨ ਕਰੋ।”
^ ਇਬ, “ਉਸ ਦੀ ਪਵਿੱਤਰਤਾ ਦੀ ਯਾਦਗਾਰ।”
^ ਜਾਂ, “ਕਿਰਪਾ।”
^ ਜਾਂ “ਮੈਂ ਕਦੇ ਵੀ ਡਾਵਾਂ-ਡੋਲ ਨਹੀਂ ਹੋਵਾਂਗਾ।”
^ ਜਾਂ, “ਕਿਰਪਾ।”
^ ਜਾਂ, “ਟੋਏ।”
^ ਇਬ, “ਮੇਰੀ ਮਹਿਮਾ।”
