ਜ਼ਬੂਰ 47:1-9
ਨਿਰਦੇਸ਼ਕ ਲਈ ਹਿਦਾਇਤ। ਕੋਰਹ ਦੇ ਪੁੱਤਰਾਂ+ ਦਾ ਜ਼ਬੂਰ।
47 ਹੇ ਦੇਸ਼-ਦੇਸ਼ ਦੇ ਸਾਰੇ ਲੋਕੋ, ਤਾੜੀਆਂ ਵਜਾਓ।
ਜਿੱਤ ਦੇ ਨਾਅਰੇ ਲਾਓ ਅਤੇ ਖ਼ੁਸ਼ੀ ਨਾਲ ਪਰਮੇਸ਼ੁਰ ਦੀ ਜੈ-ਜੈ ਕਾਰ ਕਰੋ
2 ਕਿਉਂਕਿ ਅੱਤ ਮਹਾਨ ਯਹੋਵਾਹ ਸ਼ਰਧਾ ਦੇ ਲਾਇਕ ਹੈ;+ਉਹ ਸਾਰੀ ਧਰਤੀ ਉੱਤੇ ਮਹਾਨ ਰਾਜਾ ਹੈ।+
3 ਉਹ ਦੇਸ਼-ਦੇਸ਼ ਦੇ ਲੋਕਾਂ ਨੂੰ ਸਾਡੇ ਅਧੀਨ ਕਰਦਾ ਹੈ;ਉਹ ਕੌਮਾਂ ਨੂੰ ਸਾਡੇ ਪੈਰਾਂ ਹੇਠ ਕਰਦਾ ਹੈ।+
4 ਉਹ ਸਾਡੇ ਲਈ ਵਿਰਾਸਤ ਚੁਣਦਾ ਹੈ,+ਜਿਸ ਉੱਤੇ ਉਸ ਦੇ ਪਿਆਰੇ ਯਾਕੂਬ ਨੂੰ ਮਾਣ ਹੈ।+ (ਸਲਹ)
5 ਯਹੋਵਾਹ ਆਪਣੇ ਸਿੰਘਾਸਣ ’ਤੇ ਬੈਠ ਗਿਆ ਹੈ;ਲੋਕ ਖ਼ੁਸ਼ੀ ਨਾਲ ਜੈ-ਜੈ ਕਾਰ ਕਰ ਰਹੇ ਹਨ ਅਤੇ ਨਰਸਿੰਗੇ* ਵਜਾ ਰਹੇ ਹਨ।
6 ਪਰਮੇਸ਼ੁਰ ਦਾ ਗੁਣਗਾਨ ਕਰੋ,* ਗੁਣਗਾਨ ਕਰੋ।
ਸਾਡੇ ਰਾਜੇ ਦਾ ਗੁਣਗਾਨ ਕਰੋ, ਗੁਣਗਾਨ ਕਰੋ
7 ਕਿਉਂਕਿ ਪਰਮੇਸ਼ੁਰ ਸਾਰੀ ਧਰਤੀ ਦਾ ਰਾਜਾ ਹੈ;+ਉਸ ਦਾ ਗੁਣਗਾਨ ਕਰੋ ਅਤੇ ਸਮਝਦਾਰੀ ਦਿਖਾਓ।
8 ਪਰਮੇਸ਼ੁਰ ਕੌਮਾਂ ਦਾ ਰਾਜਾ ਬਣ ਗਿਆ ਹੈ।+
ਪਰਮੇਸ਼ੁਰ ਆਪਣੇ ਪਵਿੱਤਰ ਸਿੰਘਾਸਣ ’ਤੇ ਬੈਠਾ ਹੈ।
9 ਅਬਰਾਹਾਮ ਦੇ ਪਰਮੇਸ਼ੁਰ ਦੀ ਪਰਜਾ ਨਾਲ ਦੇਸ਼-ਦੇਸ਼ ਦੇ ਆਗੂ ਇਕੱਠੇ ਹੋਏ ਹਨਕਿਉਂਕਿ ਧਰਤੀ ਦੇ ਹਾਕਮ* ਪਰਮੇਸ਼ੁਰ ਦੇ ਹਨ।
ਉਸ ਦਾ ਰੁਤਬਾ ਬੁਲੰਦ ਹੈ।+
