Atlas na Biblia
Say ‘Tingnan Mo ang Mabuting Lupain’ et sakey ya detalyadon atlas na Biblia ya sarag mon usaren pian mas napaaralem moy panag-aral moy Biblia. Dakel so abitlad Biblia ya lugar, syudad, tan saray dalin. No usaren mo iyan atlas, mas mabilabilay so pambasam tan panaral moy Biblia. Makatulong so ‘Tingnan Mo ang Mabuting Lupain’ pian naimadyin mo tan naalmom iray lugar ya akagawaan na saray salaysay ed Biblia. Natalosan mo met no panon ya akaapekto so itsura na lugar ed saray agawad Biblia.
Say ‘Tingnan Mo ang Mabuting Lupain’ et napnoy makolor iran mapa tan tsart na nanduruman pasen diad panaon na Biblia. Wala met iray drawing, litraton ginawad computer, tan dakel ni ran makatulong pian na-enjoy moy personal ya panag-aral moy Biblia.
Makatulong iyan atlas na Biblia pian
natalosan moy impanbiahe nen Abraham, Isaac, tan Jacob
nanengneng moy dinalan na saray Israelita kapaway da ed Ehipto ya paonlad Insipan ya Dalin
nanengneng moy kawalaan na Israel no ikomparad kawalaan na saray kalaban ya bansa
nanengneng mo iray pasen ya nampulongan nen Jesus
natalosan moy kaawang na sakop na saray empiryo ya abitlad Biblia, kaiba lay Babilonia, Gresya, tan Roma
Sarag mon na-access online iyan libren atlas na Biblia diad Watchtower ONLINE LIBRARY.
Ompan Nagustoan Mo Met
TULONG ED PANARAL NA BIBLIA
Teksto na Biblia ed Sayan Agew
Nabasa ed Usisaen so Kasulatan ya Inagew-agew so sakey a teksto parad kada agew tan say antikey ya komento nipaakar ed satan.
TULONG ED PANARAL NA BIBLIA
Encyclopedia na Biblia
Walay nilibon topic diad Kaunawaan sa Kasulatan. Nabasa ditan so nipaakar ed totoo, lugar, tanaman, ayep, importante iran agawa, tan saray simbolikon balikas ed Biblia. Diad kopya na sayan encyclopedia ya nayarin i-download et wala ray mapa, litrato, tan ilustrasyon, tan wala met so index na saray topic tan teksto.
TULONG ED PANARAL NA BIBLIA
Sumaryo na Biblia
Naamtaan ed brosyur ya Say Biblia—Anto so Mensahe To? so sumaryo na interon Biblia tan nidanet ditan so saksakey ya tema na Biblia.