Teksto na Biblia ed Sayan Agew
Kada agew, walay espisipikon teksto na Biblia diad Usisaen so Kasulatan ya Inagew-agew, tan wala met so komento nipaakar ed satan ya teksto. Makatulong iyan publikasyon pian nigapom so kada agew ed positibo tan makapabiskeg iran kanonotan nipaakar ed saray topic ed Biblia.
Nayarin basaen so teksto tan komento ed anggan anton oras diad satan ya agew, pero labalabay na dakel ya basaen la iyan impormasyon diad kabuasan. Diad ontan et sarag da lan nodnonoten iray abasa da legan na sanagew. No walay pamilyam, mas marakep no saniiba yon pantongtongan so teksto kada agew.
Sarag mon basaen so teksto ed sayan agew diad Watchtower ONLINE YA LIBRARYA, odino sarag mon na-access online iray teksto parad interon taon tan i-download itan bilang PDF file ya mipara ed inimprintan edisyon.
Ompan Nagustoan Mo Met
TULONG ED PANARAL NA BIBLIA
Encyclopedia na Biblia
Walay nilibon topic diad Kaunawaan sa Kasulatan. Nabasa ditan so nipaakar ed totoo, lugar, tanaman, ayep, importante iran agawa, tan saray simbolikon balikas ed Biblia. Diad kopya na sayan encyclopedia ya nayarin i-download et wala ray mapa, litrato, tan ilustrasyon, tan wala met so index na saray topic tan teksto.
TULONG ED PANARAL NA BIBLIA
Atlas na Biblia
Say ‘Tingnan Mo ang Mabuting Lupain’ et napnoy makolor iran mapa tan tsart na nanduruman pasen diad panaon na Biblia, lalo ed Insipan a Dalin diad nanduruman panaon.
TULONG ED PANARAL NA BIBLIA
Sumaryo na Biblia
Naamtaan ed brosyur ya Say Biblia—Anto so Mensahe To? so sumaryo na interon Biblia tan nidanet ditan so saksakey ya tema na Biblia.