Isaias 54:1-17
54 “Eyag kad liket, sikan lepes a bii ya agnin balot nananak!+
Manggayaga ka tan eyag kad liket,+ sika ya agmo ni asali nampasakit,+Ta saray anak na pinaulyanan et mas dakelNen saray anak na biin walaay asawa,”*+ so inkuan nen Jehova.
2 “Paawang moy toldam.+
Pinat mo iray abel na tolda ed alay abig a tabernakulom.
Agmo lilimitaan, parukey mo ni iray lubir na toldam,Tan gawam a malet iray palpal na satan.+
3 Ta onnatnat iray ketegan mo diad kawanan tan kawigi.
Kayarianen na ilalak mo iray nasyon,Tan manayam ira ed saray ataynanan a syudad.+
4 Agka natatakot,+ ta agka nabaingan;+Tan agmo liliknaen a niyabeba ka, ta agka nadismaya.
Ta nalingwanan moy kababaingan mo nen kalangweran ka ni,Tan agmo la nanonotan so kabalawan mo sanen abalo ka.”
5 “Ta say pinagka-asawam*+ et say Makapadinayew a Dios a nanggawa ed sika,+Say ngaran to et Jehova na saray armada,Tan say Mananondon mo et say Masanton Dios na Israel.+
Sikatoy tawagen a Dios na interon dalin.+
6 Ta tinawag ka nen Jehova a singano sakey kan asawa ya ataynanan tan maneermen a maong,*+Singa sakey a biin akiasawa ed panaon na kaugawan to insan inabandona ed saginonor,” so inkuan na Dios mo.
7 “Ta tinaynanan ta kan agano,Balet tiponen ta ka lamet lapud kabaleg na panangasik.+
8 Diad pirmin sanok ko et inyamot kon agano so lupak ed sika,+Balet kasian ta ka lapud andi-anggaan a matoor a panangarok,”+ so inkuan nen Jehova, say Mananondon mo.+
9 “Diad siak et mipadpara iya ed saray agew nen Noe.+
Singa ed impangisipan kon agla manelap ed dalin iray danum nen Noe,+Insipan ko met ya agak la onsanok odino manusa ed sika.+
10 Ta nayarin naekal iray palandeyTan natenyeg iray pukdol,Balet agnaekal so matoor a panangarok ed sika,+Tan agnatenyeg so sipanan ko parad kareenan,”+ so inkuan nen Jehova, say mangipapatnag na panangasi ed sika.+
11 “O biin apairap,+ abagyo, tan ag-aligliwa,+Iletneg ko ray batom diad panamegley na halo,Tan say pundasyon mo diad panamegley na saray safiro.+
12 Gawaen kon rubi iray toktok na padir mo,Saray puertam et mankirlap iran bato,*Tan saray ketegan mo et ankabli iran bato.
13 Tan bangatan nen Jehova so amin ya ananak mo,+Tan magmaliw a daakan so kareenan na saray ananak mo.+
14 Malet kan niletneg ed inkatunong.+
Niyarawi kad panamairap,+Anggapoy takotan mo tan anggapoy sengegay panggiwgiw mo,Ta ag-itan makaasingger ed sika.+
15 No walay onataki ed sika,Agko itan ingganggan.
Natalo so siopaman a milaban ed sika.”+
16 “Siak so amalsa ed marunong a komikimey,A manisibok ed ngalabTan manggagawa na armas.
Siak met so amalsa ed toon managderal pian sikatoy mangigeba.+
17 Ag-ontalona so antokaman ya armas a gawaen parad sika,+Tan ukomen mo so siopaman a mansalita na mauges ed sika.
Saya so tawir na saray lingkor nen Jehova,
Tan say inkatunong da et manlapud siak,” so imbaga nen Jehova.+
Paimanod leksab
^ Odino “katawan.”
^ Odino “katawan mo.”
^ Literal, “asakitan ed espiritu.”
^ Odino “mandarlang iran bato.”
