Salmo 22:1-31
Parad direktor; diad “Biin Ulsa ed Palbangon.”* Kansion nen David.
22 Dios ko, Dios ko, akin et pinaulyanan mo ak?+
Akin et arawrawi ka, kanian agmo ak ililiktarOdino dedengelen so panugaog ko?+
2 Dios ko, ontatawag ak no agew, balet agmo ak eebatan;+Tan agak ontutundan ontawag no labi.
3 Balet masanto ka,+Apaliberan kay panangirayew na Israel.
4 Sikay panmamatalekan na kaamaan mi;+Nanmatalek ira, tan naynay mo ran ililiktar.+
5 Tinmawag irad sika, tan niliktar ira;Sikay nanmatalekan da, tan ag-ira adismaya.*+
6 Balet siak, singa ak bigis, aliwan too,A mumudmoraen* tan bubusolen na totoo.+
7 Luludlureyen ak na amin a makakanengneng ed siak;+Eelek-elekan da ak tan mameyengpeyeng ira, a kuan da:+
8 “Inmatalek toy inkasikato ed si Jehova. Paulyan mon iliktar To!
No talagan inaro To, isalba To!”+
9 Sika so angipaway ed siak ed eges nen inak,+Sika so mamapaligen na liknaan ko sanen onsususo ak ni.
10 Nipudir ak lad sika manlapud inkiyanak ko;Wala ak nid eges nen inak et sika la so Dios ko.
11 Agka komon mansiasiansian arawi ed siak, ta walad abay koy gonigon+Tan anggapoy arum a mananulong ko.+
12 Pinaliberan ak na dakdakel a toro;+Akapaliber ed siak iray mabibiskeg a toro na Basan.+
13 Akalukas so sangi na saray kalaban ko,+A singa managlem a leon a mamibingkas ed biktima to.+
14 Niyibung ak a singa danum;Akidkidwas so amin a pukel ko.
Say pusok et nagmaliw a singa sebo;*+Atunaw itan ed dalem ko.+
15 Naupot lay kasil ko, singa ak no langa;+Say dilak et ompepeket ed ngares ko;+Ilalasur mo ak ed abot na patey.+
16 Ta aambungalan ak na saray aso;+Pinaliberan da ak a singa sakey a grupo na managgaway mauges,+Singa ra leon a mangeketket ed limak tan salik.+
17 Nabilang kon amin so pukel ko.+Nengnengnengen tan linglinggisen da ak.
18 Nanaapagan day kawes ko,Tan nampapalaranan da itan.+
19 Balet sika, O Jehova, agka komon mansiasiansiad arawi.+
Sika so biskeg ko; tulongan mo ak pan tampol.+
20 Iliktar mo ak* komon manlapud espada,Say pinabpablik a bilay* manlapud saray onaatakin aso;+
21 Isalbam ak komon ed sangi na leon+ tan ed saklor na saray toro;Ebatan mo ak tan isalbam ak.
22 Ipaamtak so ngaran mo ed saray agagik;+Idayew ta ka diad pegley na kongregasyon.+
23 Idayew yoy Jehova, sikayo ran ontatakot ed sikato!
Sikatoy igloria yo, amin yon ilalak* nen Jacob!+
Sikatoy igalang yo, amin yon ilalak* nen Israel.
24 Ta agto binalaw odino binusol so paniirap na samay nalalames;+Agto inyamot so lupa to ed sikato.+
Dinengel to sanen kinmerew na tulong.+
25 Idayew ta ka diad baleg a kongregasyon;+Tooren ko ray sipan ko diad arap na saramay ontatakot ed sika.
26 Say mauyamo et mangan tan napesel;+Si Jehova et idayew na saramay manaanap ed sikato.+
Panliketan yo komon so bilay* ya anggad angga.
27 Say interon dalin et nanonotan day Jehova tan onasingger irad sikato.
Amin a pamilya na saray nasyon et ondakmomo rad sika.+
28 Si Jehova so Ari;+Uuleyan to ray nasyon.
29 Amin a mayayaman* ed dalin et mangan tan ondakmomo ra;Amin ya onleleksab ed dabok et ontalimukor ed sikato;Anggapod sikara so makapangisalba ed bilay* da.
30 Saray kailalakan da et* manlingkor ed sikato;Ipaamta ed onsabin henerasyon so nipaakar ed si Jehova.
31 Onsabi ra tan ipaamta ra so inkatunong to.
Ipaamta ra ed saray totoon iyanak ed arapen so ginawa to.
Paimanod leksab
^ Posiblin sakey a tono odino estilo na musika.
^ Odino “ag-ira apabaingan.”
^ Odino “balbalawen.”
^ Nayarin tutukoyen na saya imay wax a papawalaen na saray bayaong.
^ Odino “so kamarerwak.”
^ Literal, “Samay alenleneg ed siak,” ya ontutukoy ed kamarerwa odino bilay to.
^ Literal, “bini.”
^ Literal, “bini.”
^ Literal, “Manbilay komon so puso yo.”
^ Literal, “matataba.”
^ Odino “kamarerwa.”
^ Literal, “Sakey a bini so.”
