Salmo 31:1-24
Parad direktor. Kansion nen David.
31 O Jehova, sikay pansasalimbengan ko.+
Agak balot komon niiyan ed kababaingan.+
Iliktar mo ak pa lapud inkatunong mo.+
2 Ikiling mo pad siak so layag mo.*
Iliktar mo ak komon a tampol.+
Magmaliw ka komon a palandey a salimbengan ko,Sakey a malet a pasen a mangisalbad siak.+
3 Ta sika so baleg a batok tan say salimbengan ko;+Nisengeg ed ngaran mo+ et itonton tan iwanwan mo ak.+
4 Ibulos mo ak ed iket ya impatit dad siak,+Ta sika so panag-amotan ko.+
5 Imamatalek kod sika so espirituk.+Dinondon mo ak, O Jehova, say Dios na katuaan.*+
6 Kabusol ko iramay mandadayew ed andi-kakanaan iran idolo,Balet siak, manmamatalek ak ed si Jehova.
7 Panliketan kon maong so matoor a panangarom,Ta nanenengneng moy paniirap ko;+Amtam so pinasyan pakakagonigon ko.*
8 Agmo ak inyawat ed kalaban,Noagta pinaalagey mo ak ed maligen a pasen.*
9 Kasian mo ak, O Jehova, ta nagogonigon ak.
Lapud irap a naliliknak et kinmapuy so matak,+ pati say interon laman ko.*+
10 Napapatikeyan so bilay ko lapud ermen+Tan say taon ko lapud panaakis ko.+
Nanaupot so kasil ko lapud impakalingok;Onkakapuy iray pukel ko.+
11 Mumudmoraen ak na amin ya onsusumpad siak,+Nagkalalo la ed saray kakaabay ko.
Tan natatakot ed siak iramay kabat ko;Ibabatikan da ak sano nanengneng da ak ed publikon pasen.+
12 Naandi ak lad puso* da tan alingwanan da ak la, singa ak la inatey;Singa ak abetag a banga.
13 Dakdakel so narerengel kon labir-labir a makaderal;+Makapataktakot so walad kaliberliber ko.
Nantitipon ira sumpad siak,Tan plaplanoen dan paandien so bilay ko.*+
14 Balet manmamatalek ak ed sika, O Jehova.+
Ibabagak: “Sika so Dios ko.”+
15 Walad limam so bilay* ko.
Iliktar mo ak pad lima na saray kakabusol ko tan ed saramay mamapasegsegang ed siak.+
16 Paliwawam pay lupam ed lingkor mo.+
Isalbam ak pa lapud matoor a panangarom.
17 O Jehova, agak komon nabaingan sano ontawag ak ed sika.+
Komon ta saray mauges so nabaingan;+Napareen la ra komon diad Lubok.*+
18 Agla komon makapansalita so matilan bibil,+Say bibil a mamaong a mansalita sumpad matunong, a mapaspasirayew tan andian na respeto.
19 Ontan lay kabaleg na kamaongan mo!+
Ingganam itan parad saramay ontatakot ed sika,+Tan impatnag mo itan diad pakanengneng na amin a totoo, parad saramay pasasalimbengan ed sika.+
20 Isanib mo ra ed maamot a pasen mo+Manlapud saray pakana na totoo;Iyamot mo ra ed ayaman moManlapud saray panagpauges.*+
21 Narayew komon si Jehova,Ta diad makapakelaw a paraan et impatnag toy matoor a panangaro to+ sanen wala ak ed akubkob a syudad.+
22 Et siak, ataktakot ak tan inkuan ko:
“Ompatey ak ed arapan mo.”+
Balet dinengel moy ikekerew koy tulong sanen tinmawag ak ed sika.+
23 Aro yoy Jehova, amin yon matoor ed sikato!+
Sasalimbengan nen Jehova so matoor,+Balet babalesen to na ambelabelat so siopaman a mapaatagey.+
24 Manpakpel kayo, tan pabiskeg yoy linawa yo,+Amin yo a manaalagar ed si Jehova.+
Paimanod leksab
^ Odino “Yuko ka tan dengel mo ak.”
^ Odino “say matoor a Dios.”
^ Odino “iray pakakagonigonan na kamarerwak.”
^ Odino “ed maawang a pasen.”
^ Odino “say kamarerwak tan say eges ko.”
^ Odino “nonot.”
^ Odino “kamarerwak.”
^ Literal, “iray panaon.”
^ Literal, “Manlapud pankokolkol na saray dila.”
