Pinalsa nen Jehova si Adan tan Eva a walaan na ilalon manbilay ya andi-anggaan ed Paraiso. Pinauges nen Satanas so ngaran na Dios tan kinuestion toy kanepegan Ton manuley. Akinonong si Adan tan Eva ed impanrebelde nen Satanas, a nansumpal ed kasalanan tan ipapatey da tan ed saray ilalak da

Senentensiaan nen Jehova iray rebelde tan insipan to so sakey a Manangisalba, odino Bini, a maneral ed si Satanas, tan mangekal ed amin a resulta na impanrebelde tan kasalanan

Insipan nen Jehova ed si Abraham tan David a manlapud poli ra so Bini, odino Mesias, a manuley bilang Ari ed andi-angga

Pinuyanan nen Jehova iray propeta ya ipasakbay a say Mesias et mangitarya na pakaandi kasalanan tan ipapatey. Sikato tan saray kaiba to so manuley bilang Ari ed Panarian na Dios, tan panampoten na satan iray guerra, sakit, tan anggan say patey

Imbaki nen Jehova so Anak to diad dalin tan impaamta to a si Jesus so Mesias. Impulong nen Jesus so nipaakar ed Panarian na Dios tan inter toy bilay to bilang bagat. Insan sikatoy pinaoli nen Jehova bilang sakey ya espiritu

Introno la nen Jehova so Anak to bilang Ari ed tawen, tan satan so gapo na unor iran agew na sayan sistema na mundo. Igigiya nen Jesus iray papatumbok to legan dan ipupulong so Panarian na Dios ed interon dalin

Iwawanwan nen Jehova so Anak to pian ipagamor so bendisyon na uley na Panarian diad dalin. Deralen na Panarian so amin a mauges a gobierno, iletneg toy Paraiso, tan pagmaliwen ton perpekto iray matoor a totoo. Say kanepegan nen Jehova a manuley so nigloria, tan napasanto so ngaran to ed andi-angga